Испаниатәи афотоҭыхыҩ Луис Тато Стенин ихьӡ зху аконкурс аҿы Гран-при иоуит

7
(ирҿыцуп 12:03 23.10.2020)
Андреи Стенин ихьӡ зху афотожурналистика жәларбжьаратәи аконкурс хықәкны иамоуп ҳаамҭазтәи афотожурналистика ауаажәларра разхьарԥшра. Аконкурс – жәларбжьаратәи афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп.

АҞӘА, жьҭаара 23- Sputnik. Испаниатәи афотоҭыхыҩ Луис Тато иҭыхымҭақәа рсериа "Аотель DusitD2 аҿы атеракт" Андреи Стенин ихьӡ зху афотожурналистика жәларбжьаратәи аконкурс аҿы аԥхьахә хада анашьахеит.

Андреи Стенин ихьӡ зху афотожурналистика жәларбжьаратәи аконкурс аҿы аԥхьахә хада иаԥсахаз ихьӡ рылаҳәан онлаин-церемониаҟны амедиагәыԥ "Россия сегодня" амультимедиатә пресс-центр аҿы.

© Видео РИА Новости
"Итоги конкурса имени Андрея Стенина-2020"

2020 шықәсазы Испаниатәи афотоҭыхыҩ Луис Тато иҭыхымҭақәа рсериа "Аотель DusitD2 аҿы атеракт" аԥхьахә хада анашьахеит. Иара иаанарԥшуеит 2019 шықәса, ажьырныҳәамзазы Наироби асасааирҭатә центр аҿы аҭыԥ змаз арыцҳара.

Тато еиҭеиҳәеит хынтә абри аконкурс аҟны призиорс дшыҟалахьоу.

"Есышықәса аконкурс алахәхаразы арзаҳалқәа насышьҭуеит. Избанзар аконкурс иунаҭоит алшара упрофессионалтә дырра аизырҳаразы", -иҳәоит афотоҭыхыҩ.

Аиааиҩы дидныҳәало МИА "Россия сегодня" адиректор Дмитри Киселев иҳәеит Андреи Стенин ихьӡ зху афотожурналистика жәларбжьаратәи аконкурса ахатә фанклуб шамоу.

"Сынтәа афотосахьақәа аарышьҭит хә-нызқьҩык рҟынӡа афотоҭыхыҩцәа 75  тәыла рҟынтәи. Аконкурс – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп",- иҳәеит Киселев.

Ажурналистцәа рзы аконкурс аҵак ду шамоу лҳәеит МИА "Россия сегодня",  ателеканал  RT рредактор хада Маргарита Симониан, иагьазгәалҭеит иара ишалнаршо зуалԥшьа анагӡараан иҭахаз афоторепортер Андреи Стенин ихьӡ анаӡаӡатәра.

Аконкурс аҿы ирылаҳәан  2020 шықәсазтәи алауреатцәәәа рыхьӡқәа. Аноминациа "Ажәабжь хадақәа" рҟны ахьтәы медал анашьоуп Великобританиатәи ихьыԥшым афотожурналист Линзи Биллинг лусумҭа "Похороненная справедливость", Филиппины анаркотикқәа ирҿагылан ақәԥара иазку.

© Foto / Линзи Биллинг
Похороненная справедливость. Линзи Биллинг. Великобритания

Иара абри аноминациаҿ аиааира агеит афранцыз Жофре Гимара ифотографиатә роуд-стори "Южная граница" –Ацентртә Америкеи, Гаитии,, Кубеи рҟынтәи амигрантцәа знысуа амҩа.

© Foto / Jeoffrey Guillemard
Южная граница. Жофрэ Гиймар. Франция

Афотосахьа "Жизнь на краю" (арепортер Сумита Саниа, Калькутта) адгьылбжьаха Мусуни ауааԥсыра ирызкуп – аноминациа "Сара спланета".

© Foto / Сумит Санья
Жизнь на краю. Сумит Санья. Индия

Абри аноминациа асериақәа иреиӷьу рахь иаҵанакит воркутатәи ахроникақәа "Столица исчезающего мира" (Сергеи Паршуков Урыстәыла).

© Foto / Сергей Паршуков
Столица исчезающего мира. Сергей Паршуков. Россия

Аспорттә номинациаҿ иреиӷьны иршьеит аҭырқәа фотоҭыхыҩ Шебнем Кошкун ифантасмагориа. Абри аноминациа асериақәа ирылкаахеит урыстәылатәи ажурналист Павел Волков Алексеи Талаи ифотоҭоурых.

© Foto / Павел Волков
Алексей Талай. Павел Волков. Россия

Аноминациа "Апатреҭ. Ҳаамҭа афырхаҵа" аҟны актәи аҭыԥқәа рыҭоуп Италиеи Урыстәылеи рфотожурналистцәа. Иаку акатегориаҿы – урыстәылатәи Иури Смитиук иусумҭа "Остров Врангеля", аҳәырԥсарра "Остров Врангеля" аусзуҩ Павел Кулемеев изку.

© Foto / Юрий Смитюк
Остров Врангеля. Юрий Смитюк. Россия

Иреиӷьу афотоҭоурыхқәа рахь иаҵанакит: италиатәи ажурналист Данило ГарсиаДи Мео и-"Кватрани". Дети землетрясения".

© Foto / Данило Гарсия Ди Мео
«Кватрани». Дети землетрясения. Данило Гарсия Ди Мео. Италия

Традициала аконкурс аҳәаақәа ирҭагӡаны ишьаҭаркуп аԥхьахә ҷыдақәагьы. 2020 шықәса рзы аноминациақәа хԥа– "Ажәабжь хадақәа", "Сара спланета", "Апатреҭ. Ҳаамҭа афырхаҵа" хазтәи аԥхьахәқәа рыла иазгәаҭан.

Аноминациа "Ажәабжь хадақәа" партниорцәаны иазыҟоуп еицырдыруа жәларбжьаратәи  амедиақәа – Еидҵоу шанхаитәи амедиа гәыԥ(ОШМГ), агазеҭ "Чайна Дейли" аинтернет-портал, Ауаажәларратә информациатә холдинг Аль-Маиадин ТВ, иара убасгьы  агуманитартә еиҿкаара Аџьар Ҟаԥшь жәларбжьаратәи аилак (МККК) реиԥш иҟақәоу. Аноминациаҿ иреиӷьу ҳәа иалхуп: афотосахьа "Похороненная справедливость" (Линзи Биллинг, Великобританиа), агуманитартә еиҿкаара Аџьар Ҟаԥшь жәларбжьаратәи аилак (МККК) аԥхьахә ҷыдала иалнакааз афотосериа "Эбола: ДР Конго" (Џьон Весселс, ИуАР).

Ауаажәларратә информациатә холдинг Аль-Маиадин ТВ Аноминациа "Ажәабжь хадақәа" рҟны иалнакааит аусумҭа "Черный прилив в Бразилии" (афотожурналист Леонардо Малафаиа Альвес, Бразилиа). Афотоҭыхымҭа "Жизнь на краю" (Сумита Саниа, Индиа),  аԥхьахә анаршьеит аноминациа «Сара сыпланета» ала Еидҵоу шанхаитәи амедиагәыԥ. "Кватрани". Дети землетрясения" (Данило Гарсиа Ди Мео, Италиа), агазеҭ "Чайна Дейли" аинтернет-портал аԥхьахә ананашьеит аноминациа "Апатреҭ. Ҳаамҭа афырхаҵа» ала.

Жәларбжьаратәи аинформациатә маҵзура "Россия сегодня" ИУНЕСКО аусқәа рзы УА Акомиссиа ахылаԥшрала еиҿнакааз Андреи Стенин ихьӡ зху афотожурналистика Жәларбжьаратәи аконкурс хықәкны иамоуп ҳаамҭазтәи афотожурналистика ауаажәларра разхьарԥшра. Аиндаҭлара – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп. Андреи Стенин ихьӡ зху афотожурналистика Жәларбжьаратәи аконкурс мҩаԥысуеит урыстәылатәии жәларбжьаратәии АИХ, аинформациатә маҵзурақәеи афотоеилазаарақәеи рыдгыларала.

2020 шықәса рзы аконкурс информациатә партнер хадоуп: аинформациа-жәабжьтә портал Вести.Ru, урыстәылазегьтәи аҳәынҭқарратә телеканал "Россия-Культура". Аиндаҭлара жәларбжьаратә информациатә партнерцәаны иҟоуп: аинформациатә маҵзуреи арадиои Sputnik, аинформациатә маҵзура Askanews, амедиахолдинг Independent Media, аинформациатә маҵзура Notimex, ажәабжьтә маҵзура ANA, ателеканали апортали RT, Shanghai United Media Group (SUMG), аинтернет-портал China Daily, аинтернет-портал The Paper, амедиа-ҳа Al Mayadeen, аинформациатә маҵзура Prensa Latina, аинформациатә маҵзура News1, аинтернет-портал DBW, ажәабжьтә портал Brasil247, ажурнал "National Geographic Россия", апортал Russian Photo, апортал Photo-study.ru, афотошкола "Академия фотографии", аинформациатә портал YOung JOurnalists, ажурнал Fotoargenta, Ниу-Дели афотожурналистика аклуб, ажурнал Enfoque Visual, ажурнал LF Magazine, жәларбжьаратәи афестиваль PhotON.

7

Аексперт аштамм "мю" аҽеиҭакра ахәшьара алҭеит

3
(ирҿыцуп 15:07 27.09.2021)
Акоронавирустә инфекциа авариант "мю" раԥхьаӡа акәны ашәҟәы иҭагалан ажьырныҳәамзазы Колумбиа. Иара иахьазы иазгәаҭоуп 50 тәыла рҿы SARS-CoV2 ахкы ҳәа.

АҞӘА, цәыббра 27 - Sputnik. Акоронавирустә инфекциа авариант "мю" аштамм "дельта" иазаԥнагом ҳәа лҳәеит РИА Новости аинтервиу азҭаз  Џьорџь Меисон иуниверситет (ЕАА, Виргиниа) асистематә биологиа апрофессор, абиологиатә аҭҵаарадыррақәа  рдоктор, РАН амедико-генетикатә Центр агеномика алабараториа аусзуҩ  хада Анча Баранова.

Агәабзиарахьчараз адунеизегьтә еиҿкаара иазгәанаҭоит аштамм "мю"  аиммунттә ҭак аҽацәхьакра иадҳәалоу аҟазшьақәа амоуп ҳәа.

Авирус ари авариант ыҟазар ҟалоит "дельта" ахьыҟам ма иахьмаҷу ҳәа лҳәоит Баранова.

"Уаанӡа уаҩ дахьычмазаҩымхацыз анклавқәа ахьыҟоу инеир алшоит  авариант "мю". Иаҳҳәап  Москва "мю" аԥыжәара змоу  штаммны изыҟалом, избанзар ара "дельта" ыҟоуп", - лҳәеит аексперт.

Алаҵәара аамҭала аҵарауаа  "дельта"  "мю"  иаҿдырԥшӡом, избанзар авирусқәа ҩба аамҭак ала изеицлабуам ҳәа лҳәоит аҵарауаҩ.

3
Поездка президента РФ В. Путина в Берлин для участия в Международной конференции по Ливии

Ердогани Путини реиԥылараан излацәажәаша атемақәа азгәаҭоуп

4
(ирҿыцуп 12:24 27.09.2021)
Урыстәылеи Ҭырқәтәылеи рхадацәа Владимир Путини Типа Ердогани иааиуа амчыбжь азы еиԥылараны иҟоуп.

АҞӘА, цәыббра 27- Sputnik. Владимир Путини Таип Ердогани Шьамтәыла аҭагылазаашьа иалацәажәараны иҟоуп,  атеррористцәа макьаназ иахьыҟоу Идлибгьы алаҵаны, ҳәа иҳәеит Урыстәыла ахада ипресс-маӡаныҟәгаҩ Дмитри Песков ателеканал "Россия 1" аефир аҿы Владимир Соловев ипрограмма "Москва.Кремль.Путин" аҟны.

"Ҩ-тәылак рхадацәа аполитикатә мчхара аарԥшны аилацәажәарақәа мҩаԥыргоит еиуиеԥшым азҵаарақәа  рганахь ала. Излацәажәараны иҟоу ҭыԥқәак рҿы макьанагьы атеррористә активра ыҟоуп. Уи Шьамтәыла аҭышәныртәалара апроцесс иаԥырхагоуп. Уи зегьы амшхәаԥштә азҵаара ианыԥшышт", - иҳәеит Песков.

Урыстәыла ахада ипресс-маӡаныҟәгаҩ Дмитри Песков инаҵшьны иазгәеиҭеит Владимир Путини Таип Ердогани аизыҟазаашьа бзиақәа рымоуп ҳәа.

Уаанӡа Шьамтәыла ААР анапхгаҩы Феисал Микдад РИА Новости иазеиҭеиҳәахьан Шьамтәыла анапхгара рҵакыраҟынтә Ҭырқәтәыла ар алгазарц адҵа шыҟарҵо.

Шьамтәылаҟа ООН ахаҭарнак ҷыда Геир Педерсен нанҳәамзазы  иазгәеиҭеит Шьамтәыла араионқәак рҿы аимак аҽеибарххара иаҿуп ҳәа, 2020 шықәса ааԥынра аахыс асеиԥш аҭагылазаашьа аҽеиҭанамкыцызт ҳәа.

4

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

6
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

6