ФСБ России. Архивное фото

Урыстәыла АШәМ аисламистцәа ргәыԥқәа ҩба аԥырхит

10
(ирҿыцуп 12:36 23.10.2020)
Аоперациа ҷыдаан аисламистцәа ирымхын агранатақәа хԥа, атапанчақәа ПМ хԥа, еиуеиԥшым агәыцә змоу апатронақәа, ашәарыцага шәақь, аекстремист литература.

АҞӘА, жьҭаара 23 - Sputnik. Урыстәыла Афедералтә шәарҭадаратә маҵзура Ҟарачы-Черқьесски Даӷьысҭани жәларбжьаратә атеррористцәа ргәыԥ "Ат-Такфир Валь-Хиджра" иатәу агәыԥқәа ҩба русура ԥыркит ҳәа аанацҳауеит РИА Новости, амаҵзура ҷыдақәа рдыррақәа шьаҭас иҟаҵаны.

"Ҟарачы-Черқьесск, Малокарачаевтәи араиони Даӷьысҭантәи ақалақьқәа Махачкала, Каспииск, Избербаш рҿы жәларбжьаратә атеррористцәа ргәыԥ "Ат-Такфир Валь-Хиджра"* иатәу аиачеикақәа ҩба, 20-ҩык злахәыз нкылан", - аҳәоит адырраҭараҿы.

Урыстәыла Афедералтә шәарҭадаратә маҵзура иаланарҵәаз аинформациа ишаҳәо ала "атакфиритцәа" арадикалтә идеологиа ауаа ирыдыргалон, иадрыԥхьалон, ауаажәларратә еилазаара азакәанқәа мап рцәыркларц рарҳәон, иара убасгьы Нхыҵ Кавказ иахьаҵанакуа атеократиатә исламтә ҳәынҭқарра – ахалифат аԥҵара рабжьыргон.

Аоперациа ҷыдаан аисламистцәа ирымхын агранатақәа хԥа, атапанчақәа ПМ хԥа, еиуеиԥшым агәыцә змоу апатронақәа, ашәарыцага шәақь, аекстремист литература.

Урыстәыла ззин ыҟам агәыԥ*

Иара убас шәаԥхьар ҟалоит:

10

Апроект "Ԥсра зқәым архәҭа онлаин" аибашьцәа 800 нызқьҩык ранкетақәа рыла ихаҭәааит

7
(ирҿыцуп 11:43 06.05.2021)
2021 шықәса лаҵара 9 рзы "Ԥсра зқәым архәҭа" онлаин-формат ала имҩаԥгахоит. Аиҿкааҩцәа ирыгәҭакуп акциа атрадициатә формат ала рашәара 24 азы амҩаԥгара.

АҞӘА, лаҵара 6 - Sputnik. Апроект "Ԥсра зқәым архәҭа онлаин" ҩышықәса ирықәуп имҩаԥысуеижьҭеи. Азыҳәақәа рыдкылара иалагеит ҩымчыбжь раԥхьа. Ари аамҭа иалагӡаны уаанӡатәи 2,5 миллион анкета ирыцлеит даҽа 800 000 анкета.

Акциа адгылара арҭеит ааигәа зыԥсҭазаара иалҵыз СССР жәлар рартист, Урыстәыла ԥсра зқәым архәҭа ацхантәаҩ Васили Семион-иԥа Лановои иԥшәмаԥҳәыс Ирина Купченко, Урыстәыла жәлар рартист Олег Газманов, атеатри акинои рактиор Игор Петренко, ашәаҳәаҩ Полина Гагарина.

Ҵыԥх архәҭа ддырбон 20 мшы инареиҳаны. Сынтәа арбарақәа еихшахоит регионла.

Азхьаԥшра ду аҭахоит акибершәарҭадара, иара убасгьы ироуа азыҳәақәа рхылаԥшра. Арратә цәгьоуцәа  архәҭатә колоннақәа ирыламшәарц аус руеит 12 000-ҩык амодераторцәа. Еизо аинформациа рацәа иахҟьаны уи агәаҭара аамҭа агоит.

Амодераторцәа иԥыркхьеит анацист цәгьоуцәа рфотосахьақәа архәҭа алашәара. Урҭ афотосахьақәа назышьҭыз рхаҭарақәа рзы ашәҟәқәа нашьҭуп Урыстәыла ашьаусҭҵааратә еилакы ахь. Сынтәа идырӷәӷәеит анацизм ареабилитациазы аҭакԥхықәра.

Ауснагӡатә иалагоит лаҵара 9 асааҭ 15:00 рзы.

Уи уахәаԥшыр ҟалоит апроект асаит аҿы, асоциалтә ҳақәа ВКонтакте, "Одноклассники" рҿы, ателеканалқәеи онлаин кинотеатрқәа ОККО, IVI.RU, MORE.TV ронлаин платформаҿи. Апроект аиҿкааҩ: ООД "Урыстәыла ԥсра зқәым архәҭа". Апроект апартнерцәа: ПАО Аҵәахбанк, Mail.ru Group, ВОД "Аиааира аволонтиорцәа".

7

Апарад аҳауатә хәҭа аҽазыҟаҵарақәа мҩаԥысит Москва

4
(ирҿыцуп 15:53 05.05.2021)
Урыстәыла аҳауа-космостә мчқәа Ашҭа Ҟаԥшь иахыкны апарадтә еишьҭагыла мҩаԥыргеит. Аишьҭагыла иалахәын 23 вертолиот, 53 ҳаирплан.

АҞӘА, мшаԥы 5 - Sputnik. Урыстәыла аҳауа-космостә мчқәа аверталиотқәеи аҳаирпланқәеи Аиааира амш азтәи ауснагӡатәқәа рҳәаа иҭагӡаны аҽазыҟаҵарақәа мҩаԥыргеит. Абри атәы ааицҳауеит РИА Новости акорреспондент.

76 арратә ҳаиртә техника злахәыз авиациа апарадтә еишьҭагыла Ашҭа Ҟаԥшь иахыԥрааит. Аԥыррақәа мҩаԥысуан 180 - 550 метра аҩаӡараҿы, сааҭк ала 200 -550 километра аццакыра рыманы.

Раԥхьаӡа акәны сынтәа апарад аҳаиртә хәҭа аадыртуеит атранспорт верталиотқәа Ми-26, урҭ ирышьҭагылоуп авертолиотқәа Ми-8, Ми-35, Ка-52 аԥырратә гәыԥ "Беркуты" Ми-28Н рыла.

Аҽазыҟаҵарақәа хдыркәшеит аҳаирпланқәа МиГ-31К, Су-57, "Русские витязи" (Су-30СМ), "Стрижи" (МиГ-29).

Традициа ҳасабла аҵыхәан игылан ажәыларатә ҳаирпланқәа Су-25.

РИА Новости адыррақәа рыла аҽазыҟаҵара хада мҩаԥгахоит лаҵара 7 рзы.

Лаҵара 9 рзы апарад иалахәхоит 12 000-ҩык руаа, 190 ак арратә техника.

4

Аиааира Ду амш: Аԥсны ақалақьқәа рҿы Лаҵарамза 9 ишаԥыло

3
(ирҿыцуп 17:13 06.05.2021)
Аџьынџьтәылатә еибашьра Ду аҟны Аиааира амш есышықәса иазгәарҭоит Аԥсны араионқәеи ақалақьқәеи рҿы. Аныҳәатә уснагӡатәқәа рсиа Sputnik афишаҟны.

Sputnik

Аҟәа

Аныҳәатә ҽазыҟаҵарақәа Аҟәа ирылагеит лаҵара 3 рзы. Абри амш аҽны имҩаԥысит Аԥсны аҳәынҭқарратә камертә оркестри Москва аҳәынҭқарратә капеллеи рконцерт.

Аибашьра аветеранцәа алархәны афотоцәыргақәҵа "Аиааира ахаҿқәа. Ҳара ҳгәалашәареи ҳгәадуреи" Иван Папасқьыр ихьӡ зху Амилаҭтә библиотекаҿы лаҵара 5 рзы иаадыртит.

Лаҵара 6 рзы аҟәатәи ашколхәыҷқәа рзы аибашьра иазку акиносахьақәа дырбара мҩаԥысуан.

Лаҵара 9 рзы, Аиааира амш аҽны, Аҟәа Диоскураа рыԥшаҳәаҿы Идырым асолдаҭ ибаҟа аҿаԥхьа ашәҭшьыҵәрақәа рышьҭаҵара ацеремониеи амитинги аадыртуеит асааҭ 10:00 рзы. Асааҭ 11:00 рзы Аԥсни Урыстәылеи рыруаа рымҩасра еиҿкаахоит. Асааҭ 9:00 рзы итрадициахаз "Ԥсра зқәым архәҭа" ақалақь агәы иалсуеит. Асааҭ 14:00 рзы маланыҟәала аицлабра "Сабду, аиааираз иҭабуп" акциа мҩаԥгахоит. Амш ахи-аҵыхәеи ақалақь иалыҩуеит аибашьра аамҭазтәи ашәақәа, амузыка.

Гагра

Гагра аныҳәатә уснагӡатәқәа аадыртуеит Идырым асолдаҭ ибаҟа аҿаԥхьа ашәҭқәа рышьҭаҵара ацеремониала асааҭ 10:00 рзы. Нас имҩаԥысуеит акәашаратә ансамбльқәа рконцерт. Аветеранцәа аҳамҭақәа рыҭахоит.

Гәдоуҭа

Асааҭ 10:00 рзы В.И. Ленин ихьӡ зху апарк аҿы игылоу Идырым асолдаҭ ибаҟа амҵан ашәҭқәа шьҭарҵоит. Асааҭ 11:00 рзы Дәрыԥшь ақыҭан имҩаԥгахоит аҽырыҩрақәа.

Гәылрыԥшь

Гәылрыԥшь араион аҿы Аиааира амш азгәаҭара хацыркхоит Идырым асолдаҭ ибаҟа аҿаԥхьа ашәҭшьыҵәрақәа рышьҭаҵарала. Асааҭ 12:00 рзы Смецкои ихьӡ зху асанатори аҿы имҩаԥгахоит аконцерт. Гәылрыԥшь ауааԥсыра ирылшоит маланыҟәала аицлабра "Сабду, аиааираз иҭабуп" акциа иалахәхар. Лаҵара 9 ауха аныҳәатә салиут халарҵоит, ашәҭргьагьақәа амшынӡ ихырҵоит.

Очамчыра

Очамчыра араион аҿы аныҳәатә уснагӡатәқәа Кәтол ақыҭан аҽырыҩра амҩаԥгарала ихацыркхеит. Лаҵара 9 рзы Очамчыра, Идырым асолдаҭ ибаҟахьы инеиуеит араион ауааԥсыра. Асааҭ 11:00 рзы имҩаԥгахоит аконцерт.

Тҟәарчал

Тҟәарчал аныҳәа аадыртуеит асааҭ 12:00 рзы 1941-1945 шықәсқәа раан иҭахаз асолдаҭцәа рбаҟахьы анеирала. Анаҩс Акультура ахан аҿы имҩаԥысуеит аконцерт.

Гал

Гал ашҭа хадаҿы арратә музыка арҳәарала ауснагӡатәқәа ирылагоит. Имҩаԥгахоит ахәыҷқәа рыхәмаррақәа, асахьаҭыхратә цәыргақәҵа, акаҭран аҿы асахьа аҭыхра, имҩаԥгахоит "Ԥсра зқәым архәҭа" акциа, амитинг. Асааҭ 12:30 рзы галаа урыстәылатәи аҳәаахьчаҩцәа злахәу ауснагӡатәқәа рыдгалахоит.

Иара убас шәаԥхьар ҟалоит:

3