Ермантәыла, Азербаиџьан, Америка Ҟарабах агуманитартә еинышәараз еилацәажәеит

14
(ирҿыцуп 12:10 26.10.2020)
Ермантәылеи Азербаиџьани адәныҟатәи русқәа рминистрцәа Зограб Мнацаканиани Џьеихун Баирамови ЕАА аҳәынҭмаӡаныҟәгаҩ ихаҭыԥуаҩ Стивен Бигани еиԥылеит. Аиԥылара иалҵшәахеит Ашьха Ҟарабах агуманитартә еинышәара алаҳәара.

АҞӘА, жьҭаара 26 - Sputnik. Ашьха Ҟарабах ахымца нкылахоит ашәахьа, жьҭаара 26 асааҭ 7.00 (8.00) рзы ҳәа аҳәоит Ермантәылеи Азербаиџьани адәныҟатәи русқәа рминистрцәа Зограб Мнацаканиани Џьеихун Баирамови ЕАА аҳәынҭмаӡаныҟәгаҩ ихаҭыԥуаҩ Стивен Бигани еицыҟарҵаз аҳәамҭаҿ. Аҳәамҭа рыланарҵәеит ЕАА Аҳәынҭдепартамент ҳәа аанацҳауеит РИА Новости.

Иазгәаҭоуп Ермантәылеи Азербаиџьани адәныҟатәи русқәа рминистрцәа Зограб Мнацаканиани Џьеихун Баирамови ЕАА аҳәынҭмаӡаныҟәгаҩ ихаҭыԥуаҩ Стивен Бигани еиԥылеит ҳәа жьҭаара 24 рзы.

"Дара ишьақәдырӷәӷәеит ртәылақәа шазыхио 2020 жьҭаара 1 азы ЕАА ахада Дональд Трамп, Франциа ахада Еммануель Макрон, Урыстәыла ахада Владимир Путин еицыҟарҵаз аҳәамҭа шьаҭас измоу, Москва жьҭаара 10 рзы иззеиқәышаҳаҭхаз, Париж, жьҭаара 17 рзы ишьақәдырӷәӷәаз агуманитартә хымцаанкылара", - аҳәоит Аҳәынҭдепартамент адокумент аҿы.

Ахымца аанкылара амчра аиуеит жьҭаара 26, асааҭ 8.00 аҭыԥантәи аамҭала. Ари шьаҭас иазыҟалеит ОБСЕ Минсктәи агәыԥ ацхантәаҩцәеи атәылақәа рыдәныҟатә усқәа рминистрцәеи реиҿцәажәарақәа, аҳәоит аҳәамҭаҿ.

ЕАА Аҳәынҭмаӡаныҟәгаҩ Маик Помпео Twitter аҿы ишьақәирӷәӷәеит Ермантәылеи Азербаиџьани рыдәныҟатә усқәа рминистрцәа аҭакԥхықәра рхы ишадырҵаз ахымцатә режим аанкылара аҵхагәҭанынтә.

Ашьха Ҟарабах аҭагылазаашьа аҽарыцәгьеит цәыббра 27 рзы. Ермантәылеи Азербаиџьаниии арратә ҭагылазаашьа рыларҳәеит. Ҟарабах адыррақәа рыла  ареспублика ауаа реиланхарҭақәа артиллериала ирылахысуан, аҳҭнықалақь Степанакертгьы налаҵаны. Урыстәыла, Еиду Аштатқәа, Франциа рхадацәа еиҿагыло атәылақәа рахь ааԥхьара ҟарҵеит ахымца аанкыланы аиҿцәажәаратә процесс иалагарц.

Аганқәа аинышәара рҽазыршәеит жьҭаара 10 рзы Москва имҩаԥысуаз аконсультациақәа раан. Уахь Ермантәылеи Азербаиџьани адәныҟатәи русқәа рминистрцәа Зограб Мнацаканиани Џьеихун Баирамови яинеиԥхьеит Урыстәыла ахада Владимир Путин.

Бақәеи Еревани еилацәажәеит жьҭаара 10 асааҭ 12:00 инаркны атҟәацәеи иҭахаз рыԥсыбаҩқәа реимдарази ахымца ныркыларц, аха иаарласны дара дара ахара рыдибаҵо иалагеит. Аҽазныкгьы аинышәараз аҽазышәара мҩаԥган жьҭаара 18 рзы.

Иара убас шәаԥхьар ҟалоит:

14
Ноги младенца в руках матери

COVID-19 аан ан лҟынтәи ахәыҷ иахь ацәеижьҿагыларақәа шиасуа атәы аарԥшуп

4
Уаанӡа Роспотребнадзор аҟны еилыркаахьан адуцәа шракәу ахәыҷқәа авирус рылазгало.

АҞӘА, ԥхынҷ 1 - Sputnik. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, ҳәа лҳәеит Роспотребнадзор ЦНИИ аепидемиологиа аклиника-аналитикатә усуразы адиректор ихаҭыԥуаҩ Наталиа Пшеничнаиа. Абри атәы аанацҳауеит РИА Новости.

"SARS-CoV2 IgG,  SARS-CoV2 IgA рахь ацәеижьҿагылақәа аарԥшуп COVID-19 змаз ан лгәыԥҳәыхш аҟны. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, аха урҭ ирласны иӡуеит, убри азоуп ахәыҷы агәыԥҳәыхш ифонаҵы дзыхьчо", - лҳәоит Пшеничнаиа.

Лара иазгәалҭеит COVID-19 змоу анацәа згәы бзиоу рхәыҷқәа рҟны ацәеижьҿагыла шаадырԥшуа.

Урҭ ацәеижьҿагылақәа ирласны рыӡра ишьақәнарӷәӷәоит дара ан лҟынтәи ахшара иахь ииасыз шракәу, лҳәоит аепидемиолог.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Москвеи Санкт-Петербурги рҵараиурҭақәа адистанциатә ҵарахь ииаргеит

5
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

5