Ҭырқәтәыла адгьылҵысраан иҭахаз рхыԥхьаӡара 114-ҩык инаӡеит

7
(ирҿыцуп 14:37 04.11.2020)
Змагнитуда 6,6 иҟаз адгьылҵысра ҟалеит Ҭырқәтәыла, апровинциа Измир, ахәаша, жьҭаара 30 рзы. Аилабгарақәа рҿы аԥшаара-еиқәырхаратә усурақәа мҩаԥысуеит.

АҞӘА, абҵара 4 - Sputnik. Ҭырқәтәыла адгьылҵысраан иҭахаз рхыԥхьаӡара 114-ҩык инаӡеит ҳәа аанацҳауеит РИА Новости ареспублика аҭагылазаашьа ҷыдақәеи аԥсабаратә рыцҳарақәеи рзы амаҵзура адыррақәа шьаҭас иганы.

"Аҵыхәтәантәи адыррақәа рыла иҭахаз рхыԥхьаӡара 114-ҩык ыҟоуп, аахақәа роуит 1035-ҩык, ахәышәтәырҭақәа ирҭоуп 137-ҩык. Аилабгарақәа рҿы аԥшаара-еиқәырхаратә усурақәа мҩаԥысуеит", - аҳәоит адырраҭараҿы.

Адгьыл анҵысы ашьҭахьгьы аҵысра маҷқәа –афтершокқәа 1713 азгәаҭан.

Ахәашаҽны 6,6 змагнитуда ыҟаз адгьылҵысра аҭыԥ аман Ҭырқәтәыла апровинциа Измир Сеферихисар ақалақь иацәыхарамкәа. Ахыҵхырҭа  — 16,5 километра рҟынӡа Егеитәи амшын аҵа иҵоуп. Иара иахҟьаны амшын аҭра иҭыҵны, амшын иаԥныз амҩадуқәа аӡы рнылеит.

Адгьыл аҵысра рнырит бырзентәылатәи адгьылбжьахақәа рҿгьы.

бгарақәа аҭыԥ рыман абырзен дгьылбжьаха Самос аҿгьы. Уа иҭахеит ҩыџьа ауаа, аахақәа роуит ҩеижәаҩык.

Иара убас шәаԥхьар ҟалоит:

 

7

Америкатәи аесминец аҟарулразы Амшын еиқәахь ахы археит

2
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

2

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

0
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0