Co Bayden, arxiv şəkli

Баиден Еиду Америкатәи аштатқәа рхадас салырхит ҳәа аҳәамҭа ҟаиҵеит

10
Уи аԥхьа америкатәи амассатә информациа ахархәагақәа адырра ҟарҵахьан атәыла ахадас Џьо Баиден далхуп ҳәа.

АҞӘА, абҵара 7 - Sputnik. Адемократиатә партиаҟынтәи акандидат Џьо Баиден аҳәамҭа ҟаиҵеит Еиду Америкатәи аштатқәа рхадас далырхит ҳәа, абри атәы аанацҳауеит РИА Новости.

Уи аԥхьа америкатәи амассатә информациа ахархәагақәа адырра ҟарҵахьан атәыла ахадас адемократ далхуп ҳәа.

"Сара даара ҳаҭыр ду ақәысҵоит америкаа рхадас сыгәра ганы сахьалырхыз", - иҳәеит Баиден.

Иара иазгәеиҭеит сынтәатәи алхрақәа раан еиԥш ауаа хыԥхьаӡара рацәала алхрақәа рҿы рыбжьы рҭиуа ишыҟамлацыз.

"Алхратә кампаниа анхыркәшахалак, агәынамӡарақәеи, агәыԥжәарақәеи, аҳәынҵәеиқәтәареи ҳарҟәаҵны, ҳҽеидаҳкылароуп, милаҭк злаҳакәу ала", - иҳәеит инаҵшьны Баиден.

ЕАА рхада иалхрақәа мҩаԥысит аҩаша, абҵара 3 рзы. Аиааиразы аибарххара еиҳарак изыбжьаз ҩыџьа акандидатцәа роуп - Ареспубликатә партиа ахаҭарнак, уажәтәи Америка ахада Дональд Трампи уаанӡа ахада ихаҭыԥуаҩс иҟаз, адемократ Џьо Баидени.

Иара убас шәаԥхьар ҟалоит:

10

Алаҵа "Спутник V" 95% хра аманы ахы аанарԥшит

2
(ирҿыцуп 16:02 24.11.2020)
Асеиԥш шьақәырӷәӷәоуп хатәгәаԥхарала алаҵа ҟазҵаз ма плацебо зырҭаз 18 794-ҩык рыҭҵаара ашьҭахь.

АҞӘА, абҵара 24 - Sputnik. Акоронавирус аҟынтәи урыстәылатәи алаҵа "Спутник V" 95% хра аманы ахы аанарԥшит ианыҟарҵа ашьҭахь 42-тәи амш азы.
28-тәи амш азы ари арбага 91,4% иҟан.

Аҟазауаа ишырҳәо ала  абжьаратә ҩаӡараҳарак рыԥхьаӡоит х-статистикатә гәаҭара рыла: иԥыршәо рҟынтәи 20, 39, 78 чымазара хҭыс разгәаҭарала.

"Аҵак ду аманы иҟоуп аҩбатәи абжьаратә анализ. Уи ишьақәнарӷәӷәеит "Спутник V" актәи аетап аан иазыҟаҵаз ахәшьара. Уажәы ҳара иаҳҳәар ҳалшоит алаҵа 91-92% хра аманы иҟоуп ҳәа", - иҳәеит Гамалеиа ихьӡ зху Амилаҭтә центр адиректор, алаҵа аус адызулоз Александр Гинцбург.

Иара иҳәеит ахԥатәи абжьаратә анализ амҩаԥгара азыԥхьагәаҭоуп хатәгәаԥхарала иҟазҵаз рахьтә 78 COVID-19 хҭыс ҟалар.

"Ҳақәгәыӷуеит алҵшәақәа ҳшырзыԥшыз аиԥш иҟалоит ҳәа. Ахыркәшаратә хәшьара ҳауеит III аклиникатә ҭҵаарақәа рфаза ашьҭахь", - иҳәеит аҵарауаҩ.

Урыстәыла атәылауаа рзы "Спутник V" хәыдаԥсадахоит, ҳәа рҳәеит аинвестициақәа Урыстәылатәи рфонд аҿы. Жәларбжьаратәи аџьармыкь аҿы дозак 20 доллар иаԥсахоит.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Джефф Безос

Адунеи аҿы реиҳа амал змоу ауаҩ ихьӡ ҳәоуп

4
Амаҵзура Bloomberg аекспертцәа Bloomberg Billionaires Index (BBI) рҿыцны иазгәарҭоит адунеи аҿы реиҳа амал змоу рмал заҟароу.

АҞӘА, абҵара 24 - Sputnik. Bloomberg Billionaires Index (BBI) ареитинг ала адунеи аҿы аԥыжәара игеит Amazon ашьаҭаркҩы Џьефф Безос, аанацҳауеит Блумберг амаҵзура.

Безос имал иартәеит 182 миллиард доллар.

Аилахәыра SpaceXи Tesla анапхгаҩы Илон Масксместил аҩбатәи аҭыԥ ахь днеиит Microsoft ашьаҭаркҩы Билл Геитс иаԥганы. Маска 127,9 миллиард доллар имоуп, шықәсык ала 100,3 миллиард доллар рыла еиҳатәны.

SpaceX ахада ажьырныҳәамзазы 35 аҭыԥ никылозар, уажәы Microsoft ашьаҭаркҩы Билл Геитс иаԥигеит.

Билл Геитс 127,7 миллиард доллар иманы ахԥатәи аҭыԥ ахь днеиит.

Реиҳа ималуаҩу ахәҩык рахь иара убас иаҵанакит: Louis Vuitton Moët Hennessy ахада Бернар Арно, Facebook ашьаҭаркҩы Марк Цукерберг.

4

Абҵарамза 25 рзы Аҟәа ахәҭак ӡыда иаанхоит

3
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

3