COVID-19 хызҽыша аҽа хәшәык ԥшаауп

5
(ирҿыцуп 17:01 11.11.2020)
Акоронавирустә инфекциа иаҿагылаша ахәшә аҭыжьра азыԥхьагәаҭоуп "гриб чаги" ҳәа изышьҭо аҵааҵла арыжәпа аӡеиҵарԥхьа шьаҭас иганы.

АҞӘА, абҵара 11 - Sputnik. Аҵааҵла акәыкәбаа акоронавирус ҿыц амчқәа шьақәнартәоит ҳәа азгәарҭеит Роспотребнадзор авирусологиеи абиотехнологиеи рҳәынҭқарратә центр "Вектор" аҵарауаа.

"Аҵааҵла акәыкәбаа арыжәпа аиҵарԥхьа SARS-CoV-2 аганахь ала амчхара шамоу аанарԥшуеит. Иуҳәар ауеит ԥхьаҟазы "гриб чаги" ҵаҵӷәыс ирыҭаны авирус хызҽуа ахәшәқәа раԥҵара алшар ауеит ҳәа", - азгәаҭоуп РАН Сибратәи аҟәша аҭыжьымҭа "Наука из первых рук" адырраҭараҿы.

Аҭыжьымҭа иазгәанаҭоит аҵарауаа раԥхьа иргыланы ишақәгәыӷуаз аптекақәа рҿы ирҭиуа ахәшә бефунгин — аҵаҵала акәыкәбаа аиҭарԥхьеи акольбати аетилтә сԥирҭи реицҵа. Аха ари ахәшә авирус аганахь ала иԥсыҽны ахы аанарԥшит.

"Вектор" алабараториа аиҳабы, апрофессор Ҭамара Теплиакова ишылҳәо чага арыжәпа лара лхаҭеи COVID-19 змаз илзааигәаз ауааи рхахьы иԥыршәеит. Зегьы еицазгәаҭаны ирҳәеит хәымш-фымш рыҩныҵҟа авирус аҟазшьақәа ыӡит ҳәа. Чага аҟазшьа хадақәа иреиуоуп ашьаныҟәара аҳаракра.

Акәыкәбаа шьаҭас иганы ахәшә ма БАД ҭырҵаараны иҟоуп аха аҵарауаа ишырҳәо ала профилактикак аҳасаб ала ачаи иахьагьы ухы иауырхәар ҟалоит.

5
Атемақәа:
Ачымазара ҿкы – акоронавирус Аԥсни адунеи аҿи: иалкаау (880)

Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп

5
Асиа шьақәыргылоуп 2021 шықәса аԥхынра аԥсшьаразы заанаҵтәи аҿаҵарақәа рбаза адыррала.

АҞӘА, абҵара 30 - Sputnik. Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп ҳәа аанацҳауеит аԥсшьаразы анхарҭақәа рҿаҵаразы амаҵзура Tvil.ru.

Аԥснеиԥш иара убасгьы аԥыжәара рымоуп: Ҟрым, Краснодартәи атәылаҿацә, Санкт-Петербурги Ленинградтәи аобласти, Карелиа.

  • Ҟрым - 35 %
  • Краснодартәи атәылаҿацә- 30%
  • Ленинградтәи аобласти Санкт-Петербурги - 15%
  • Аԥсны - 7%
  • Карелиа - 3%

Tvil.ru адыррақәа рыла 2021 шықәсазтәи аҿаҵарақәа 20 процент икаҳаит 2020 шықәсазтәиқәа ирҿырԥшны.

Атуристцәа хынтәны еиҵаны аҿаҵарақәа ҟарҵеит ҵыԥхтә иаҿырԥшны. Убри аан уахыки-ҽнаки рзы ахәԥса 11 процент ихаланы 3025 мааҭ артәеит хҩык рзы шьыжьхьада. Убри аан аотельқәа рҿы аԥсшьара аҭаххара 7 процентк иазҳаит.

Tvil.ru: ишаҳәо ала атуристцәа макьаназ аҭагылазаашьа зеиԥшрахо иазыԥшуп.

Иара убас шәаԥхьар ҟалоит:

5

Урыстәыла атәылахьчара аминистрра Степанакерт арратә госпиталь аусура хацнаркит

5
(ирҿыцуп 12:52 30.11.2020)
Урыстәылатәи аҭынчреиҿкааҩцәа Ашьха Ҟарабах игылоуп абҵара 10 рзы Урыстәыла, Ермантәыла, Азербаиџьан рхадацәа рнапы зҵарҩыз аиқәшаҳаҭра инақәыршәаны.

АҞӘА, абҵара 30 - Sputnik. Урыстәыла атәылахьчара аминистрра Степанакерт  арратә госпиталь аусура хацнаркит ҳәа аанацҳауеит РИА Новости.

Агоспиталь гылоуп Степанакерт аҳаиртә баӷәаза аҵакыраҿы.

"Уажәазы акаркастә модульқәа еибыҭоуп. Раԥхьа иргыланы аҭынчреиҿкааратә контингент рмедицинатә маҵзура еиҿкаахоит. Убри аан аҭынч уааԥсыра рымаҵ аурагьы ҳазыхиоуп. Иҳалшоит 40-ҩык рҟынӡа рыдкылара", - ажурналистцәа ирзеиҭеиҳәеит амедицинатә гәыԥ аиҳабы Иарослав Иванов.

Иара иажәақәа рыла агоспиталь еиҿкаауп: ареанимациатә, афункционалтә диагностика, алаборатортә диагностика, аоперациатә ҟәшақәеи, астоматологиатә кабинети аофтальмологиатә кабинети рыла. Иқәыргылоуп ИВЛ, УЗИ, рентген аппаратқәа.

Абҵара 10 рзы Урыстәыла, Ермантәыла, Азербаиџьан рхадацәа Владимир Путин, Никол Пашиниа, Ильхам Алиев  рнапы аҵарҩит аиқәшаҳаҭра Ашьха Ҟарабах ахымца аанкыларазы. Уи инақәыршәаны аинырратә цәаҳәеи Лачатәи акоридори рҿы иргылахеит урыстәылатәи аҭынчреиҿкааҩцәа.

5

Гәдоуҭа аканализациатә насос-станциақәа рремонт ахыркәшарахь инеиуеит

1
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәса рзы 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

1