Ҭырқәтәыла алаҵа "Спутник V" аҭыжьра агәҭакуп

4
Алаҵа аҭыжьра иалагар ауеит азакәанԥҵарала иазыԥхьагәаҭо атоксикологиатә ҭҵаарақәа рышьҭахь.

АҞӘА, абҵара 11 - Sputnik. Ҭырқәтәыла алаҵа "Спутник V" аҭыжьра аиҿкаара агәҭакуп ҭырқәтәылатәи афармацевтцәа рыцхыраарала ҳәа аанацҳауеит Урыстәыла агәабзиарахьчара аминистрра апресс-маҵзура.

Ҭырқәтәылатәи аган аԥшьгамҭала Урыстәылеи Ҭырқәтәылеи ргәабзиарахьчаратә усбарҭақәа рминистрцәа Михаил Мурашкои Фахреттин Коџьии еицәажәеит хара имгакәа алаҵа аҭыжьра аиҿкааразы.

Нанҳәамзазы Урыстәыла Агәабзиарахьчара аминистрра ашәҟәы иҭанагалеит COVID-19 аҟынтәи адунеи аҿы ираԥхьатәиу алаҵа. Алаҵа аус адулан Гамалеи ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Хьӡыс иаҭан "Спутник V".

Иара ВОЗ асиаҿы иану адунеи аҿы аус здыруыло алаҵақәа жәаба ируакуп, аклиникатә ҭҵаарақәа ахԥатәи рфаза еиҳа иазааигәо иреиуоуп.

Алаҵа аҭҵаарагәаҭарақәа қәҿиарала ирхысит 140 нызқьҩык хатәгәаԥхарала иҟазҵаз рҿы. Урҭ зегьы рҿы коронавирустә инфекциа COVID-19 аиммуннтә ҭаки ацәеижьҿагыларақәеи роуит. Аклиникатә ԥышәарақәа иара убасгьы имҩаԥысуеит Белоруссиа, ОАЕ, Индиа, Бразилиа.

Иара убас шәаԥхьар ҟалоит:

4

Америкатәи аесминец аҟарулразы Амшын еиқәахь ахы археит

1
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

1

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

0
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0