Украина ахада Зеленски COVID-19 иманы ахәышәтәырҭахь днагоуп

3
Зеленски иофис аиҳабы Андреи Ермакгьы коронавирус иманы Украина аусқәа рҳәынҭқарратә напхгараҭара иатәу ахәышәтәырҭа "Феофаниа" дҭоуп.

АҞӘА, абҵара 12 – Sputnik. Акоронавирус зыдбалоу Украина ахада Владимир Зеленски дахьышьҭоу ахәышәтәырҭаҿы ҷыдала иара изы акабинет азырхиоуп, уантәи иара аилацәажәарақәа мҩаԥигоит ҳәа аанацҳауеит РИА Новости, ахада иофис аиҳабы иабжьгаҩ Михаил Подолиак иажәақәа ҵаҵӷәыс иҟаҵаны.

Ашәахьаҽны Зеленски аҳәамҭа ҟаиҵеит COVID-19 сымоуп ҳәа. Абри ашьҭахь ахада иофис аиҳабы Андреи Ермакгьы иара убас аҳәамҭа ҟаиҵеит акоронавирус шимоу азы.

"Ахәышәтәра апротокол ишарбоу еиԥш имҩаԥысуеит. Зеленскии Ермаки "Феофаниа" ргәабзиара шьақәдыргылоит. Уа ахада изы еиҿкаауп акабинет, аимадара ҷыда изықәыргылоуп", - иҳәеит Подолиак, аҭыжьымҭа "Украинская правда" аинтервиу аҭо.

Иара иажәақәа рыла, Ермакгьы хазы апалатаҿы дышьҭоуп. Зеленскии Ермаки русура астандарттә график шыҟац иҟоуп, акызаҵәык – ахалахыԥхьакра иаҵанакуеит. Дара рхаҭақәагьы ҭеллоуп ишеицәажәо.

3

Алаҵа "Спутник V" 95% хра аманы ахы аанарԥшит

6
(ирҿыцуп 16:02 24.11.2020)
Асеиԥш шьақәырӷәӷәоуп хатәгәаԥхарала алаҵа ҟазҵаз ма плацебо зырҭаз 18 794-ҩык рыҭҵаара ашьҭахь.

АҞӘА, абҵара 24 - Sputnik. Акоронавирус аҟынтәи урыстәылатәи алаҵа "Спутник V" 95% хра аманы ахы аанарԥшит ианыҟарҵа ашьҭахь 42-тәи амш азы.
28-тәи амш азы ари арбага 91,4% иҟан.

Аҟазауаа ишырҳәо ала  абжьаратә ҩаӡараҳарак рыԥхьаӡоит х-статистикатә гәаҭара рыла: иԥыршәо рҟынтәи 20, 39, 78 чымазара хҭыс разгәаҭарала.

"Аҵак ду аманы иҟоуп аҩбатәи абжьаратә анализ. Уи ишьақәнарӷәӷәеит "Спутник V" актәи аетап аан иазыҟаҵаз ахәшьара. Уажәы ҳара иаҳҳәар ҳалшоит алаҵа 91-92% хра аманы иҟоуп ҳәа", - иҳәеит Гамалеиа ихьӡ зху Амилаҭтә центр адиректор, алаҵа аус адызулоз Александр Гинцбург.

Иара иҳәеит ахԥатәи абжьаратә анализ амҩаԥгара азыԥхьагәаҭоуп хатәгәаԥхарала иҟазҵаз рахьтә 78 COVID-19 хҭыс ҟалар.

"Ҳақәгәыӷуеит алҵшәақәа ҳшырзыԥшыз аиԥш иҟалоит ҳәа. Ахыркәшаратә хәшьара ҳауеит III аклиникатә ҭҵаарақәа рфаза ашьҭахь", - иҳәеит аҵарауаҩ.

Урыстәыла атәылауаа рзы "Спутник V" хәыдаԥсадахоит, ҳәа рҳәеит аинвестициақәа Урыстәылатәи рфонд аҿы. Жәларбжьаратәи аџьармыкь аҿы дозак 20 доллар иаԥсахоит.

Иара убас шәаԥхьар ҟалоит:

6
Атемақәа:
Ачымазара ҿкы – акоронавирус Аԥсни адунеи аҿи: иалкаау
Джефф Безос

Адунеи аҿы реиҳа амал змоу ауаҩ ихьӡ ҳәоуп

5
Амаҵзура Bloomberg аекспертцәа Bloomberg Billionaires Index (BBI) рҿыцны иазгәарҭоит адунеи аҿы реиҳа амал змоу рмал заҟароу.

АҞӘА, абҵара 24 - Sputnik. Bloomberg Billionaires Index (BBI) ареитинг ала адунеи аҿы аԥыжәара игеит Amazon ашьаҭаркҩы Џьефф Безос, аанацҳауеит Блумберг амаҵзура.

Безос имал иартәеит 182 миллиард доллар.

Аилахәыра SpaceXи Tesla анапхгаҩы Илон Масксместил аҩбатәи аҭыԥ ахь днеиит Microsoft ашьаҭаркҩы Билл Геитс иаԥганы. Маска 127,9 миллиард доллар имоуп, шықәсык ала 100,3 миллиард доллар рыла еиҳатәны.

SpaceX ахада ажьырныҳәамзазы 35 аҭыԥ никылозар, уажәы Microsoft ашьаҭаркҩы Билл Геитс иаԥигеит.

Билл Геитс 127,7 миллиард доллар иманы ахԥатәи аҭыԥ ахь днеиит.

Реиҳа ималуаҩу ахәҩык рахь иара убас иаҵанакит: Louis Vuitton Moët Hennessy ахада Бернар Арно, Facebook ашьаҭаркҩы Марк Цукерберг.

5

Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны

12
Аԥсны ахада Аслан Бжьаниа иҳәахьан, Урыстәылатәи Афедерациа Аԥсны ацхыраара анаҭоит ЕгрыГЕС аҿы аремонттә усурақәа рымҩаԥысраан ҳәа.

АҞӘА, абҵара 25- Sputnik. Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны, абри атәы аанацҳауеит Аекономика аминистрра апресс-маҵзура.

Урыстәыла аган ишьақәнырӷәӷәоит атехникатә ҟазшьа змоу ауснагӡатәқәа шынагӡоу Урыстәылантәи Аԥсныҟа афымцалашара аиуразы, абри атәы еилкаахеит аенергетика аминистрраҟны имҩаԥгаз аиҿцәажәарақәа рышьҭахь.

Аԥснынтә аилатәара далахәын аԥыза-министр ихаҭыԥуаҩ, аекономика аминистр Кристина Озганԥҳа.

Абҵара 25 рзы еилкаахеит Аԥсны афымцалашара арцәара аамҭа ԥшь-сааҭк рҟынтәи ҩ-сааҭк рҟынӡа иркьаҿхоит ҳәа.

Иара убас шәаԥхьар ҟалоит:

 

12