Молдавиа ахада иалхрақәа рҿы аоппозициаҟынтәи акандидат Маиа Санду аиааира лгеит

4
Молдавиа ахада иалхразы аҩбатәи атур аан ркандидатурақәа ықәгылан иахьатәи ахада Игор Додони апартиа "Действие и солидарность" ахада Маиа Сандуи.

АҞӘА, абҵара 16 – Sputnik. Молдавиа уаанӡатәи аԥыза-министр, апартиа "Действие и солидарность" аԥхьагыла Маиа Санду аԥыжәара лгеит ареспубликаҿы имҩаԥысуаз алхрақәа аҩбатәи ртур аҟны ҳәа аанацҳауеит РИА Новости, атәыла АКХ адыррақәа ҵаҵӷәыс иҟаҵаны.

Санду 56,28% алхыҩцәа рыбжьы лоуит 100% протокол алхырҭатә ҭыԥқәа рҿы аус анрыдырула ашьахь ҳәа азгәанаҭоит АКХ.

Амҽыша, абҵара 15 рзы Молдавиа ауааԥсыра ԥшьышықәса ҳәа атәыла ахада далырхит. Молдавиа ахада иалхразы аҩбатәи атур аан ркандидатурақәа ықәгылан иахьатәи ахада Игор Додони апартиа "Действие и солидарность" ахада Маиа Сандуи.

Молдавиа АКХ атәыла аҩнуҵҟа алхырҭатә ҭыԥқәа зегьы рҿы аус рыдырулеит абжьыҭаратә бӷьыцқәа. Санду 56,28% абжьы лымоуп, Додон - 43,72%.

Иааидкыланы аус рыдулоуп 98,69% абжьыҭаратә бӷьыцқәа. Аԥхьаӡарақәа макьанагь имҩаԥысуеит Еиду аштатқәеи Канадеи.

Молдавиа азакәанԥҵара инақәыршәаны иаиааиз ҳәа дшьоуп алхыҩцәа рыбжьқәа рыбжеиҳарак зауз.

4
Отдых в Абхазии

Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп

3
Асиа шьақәыргылоуп 2021 шықәса аԥхынра аԥсшьаразы заанаҵтәи аҿаҵарақәа рбаза адыррала.

АҞӘА, абҵара 30 - Sputnik. Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп ҳәа аанацҳауеит аԥсшьаразы анхарҭақәа рҿаҵаразы амаҵзура Tvil.ru.

Аԥснеиԥш иара убасгьы аԥыжәара рымоуп: Ҟрым, Краснодартәи атәылаҿацә, Санкт-Петербурги Ленинградтәи аобласти, Карелиа.

  • Ҟрым - 35 %
  • Краснодартәи атәылаҿацә- 30%
  • Ленинградтәи аобласти Санкт-Петербурги - 15%
  • Аԥсны - 7%
  • Карелиа - 3%

Tvil.ru адыррақәа рыла 2021 шықәсазтәи аҿаҵарақәа 20 процент икаҳаит 2020 шықәсазтәиқәа ирҿырԥшны.

Атуристцәа хынтәны еиҵаны аҿаҵарақәа ҟарҵеит ҵыԥхтә иаҿырԥшны. Убри аан уахыки-ҽнаки рзы ахәԥса 11 процент ихаланы 3025 мааҭ артәеит хҩык рзы шьыжьхьада. Убри аан аотельқәа рҿы аԥсшьара аҭаххара 7 процентк иазҳаит.

Tvil.ru: ишаҳәо ала атуристцәа макьаназ аҭагылазаашьа зеиԥшрахо иазыԥшуп.

Иара убас шәаԥхьар ҟалоит:

3

Урыстәыла атәылахьчара аминистрра Степанакерт арратә госпиталь аусура хацнаркит

5
(ирҿыцуп 12:52 30.11.2020)
Урыстәылатәи аҭынчреиҿкааҩцәа Ашьха Ҟарабах игылоуп абҵара 10 рзы Урыстәыла, Ермантәыла, Азербаиџьан рхадацәа рнапы зҵарҩыз аиқәшаҳаҭра инақәыршәаны.

АҞӘА, абҵара 30 - Sputnik. Урыстәыла атәылахьчара аминистрра Степанакерт  арратә госпиталь аусура хацнаркит ҳәа аанацҳауеит РИА Новости.

Агоспиталь гылоуп Степанакерт аҳаиртә баӷәаза аҵакыраҿы.

"Уажәазы акаркастә модульқәа еибыҭоуп. Раԥхьа иргыланы аҭынчреиҿкааратә контингент рмедицинатә маҵзура еиҿкаахоит. Убри аан аҭынч уааԥсыра рымаҵ аурагьы ҳазыхиоуп. Иҳалшоит 40-ҩык рҟынӡа рыдкылара", - ажурналистцәа ирзеиҭеиҳәеит амедицинатә гәыԥ аиҳабы Иарослав Иванов.

Иара иажәақәа рыла агоспиталь еиҿкаауп: ареанимациатә, афункционалтә диагностика, алаборатортә диагностика, аоперациатә ҟәшақәеи, астоматологиатә кабинети аофтальмологиатә кабинети рыла. Иқәыргылоуп ИВЛ, УЗИ, рентген аппаратқәа.

Абҵара 10 рзы Урыстәыла, Ермантәыла, Азербаиџьан рхадацәа Владимир Путин, Никол Пашиниа, Ильхам Алиев  рнапы аҵарҩит аиқәшаҳаҭра Ашьха Ҟарабах ахымца аанкыларазы. Уи инақәыршәаны аинырратә цәаҳәеи Лачатәи акоридори рҿы иргылахеит урыстәылатәи аҭынчреиҿкааҩцәа.

5