Ермантәылаҟа 20 ҳаирплан неит урыстәылатәи аҭынчреиҿкааҩцәа рыманы

6
Ермантәыла инеиз урыстәылатәи арратә ҳаирпланқәа ирықәырхит аматериалтә хархәагақәеи, аџьаԥҳани, арратә техникеи.

АҞӘА, абҵара 16– Sputnik. 18 ҳаирплан Ил-76, ҩ-ҳаирпланк Ан-124 "Руслан" Ереванҟа инаргеит акәылӡтәы техникеи аҭынчреиҿкааҩцәеи ҳәа аанацҳауеит РИА Новости, Урыстәыла атәылахьчара аминистрра адыррақәа шьаҭас иганы.

"Урыстәыла Аҳаир-космостә мчрақәа рырра-транспорттә авиациа иатәу 18 ҳаирплан Ил-76, ҩ-ҳаирпланк Ан-124 "Руслан" Ереванҟа инаргеит акәылӡтәы техникеи аҭынчреиҿкааҩцәеи 15-тәи рыбригада Ашьха Ҟарабах аҭынчреиҿкаара амҩаԥгаразы", - ҳәа аҳәоит адырраҭараҿы.

Урыстәылатәи аруаа аҳаирпланқәа ирықәырхит абџьари арратә техникеи.

Урыстәыла, Ермантәыла, Азербаиџьан рхадацәа еиқәшаҳаҭхеит абҵара 10 инаркны Ашьха Ҟарабах ахымца аанкыларазы.

Аибашьра аанкылара амҩаԥысшьа иахылаԥшлоит уахь инагахо Урыстәыла аҭынчреиҿкааҩцәа рконтингент: 1960-ҩык аруаа, 90 кәылӡтәы транспортиор, 380 ак автомашьынатәи иҷыдоуи атехника.

Иара убас шәаԥхьар ҟалоит:

6

Алаҵа "Спутник V" 95% хра аманы ахы аанарԥшит

2
(ирҿыцуп 16:02 24.11.2020)
Асеиԥш шьақәырӷәӷәоуп хатәгәаԥхарала алаҵа ҟазҵаз ма плацебо зырҭаз 18 794-ҩык рыҭҵаара ашьҭахь.

АҞӘА, абҵара 24 - Sputnik. Акоронавирус аҟынтәи урыстәылатәи алаҵа "Спутник V" 95% хра аманы ахы аанарԥшит ианыҟарҵа ашьҭахь 42-тәи амш азы.
28-тәи амш азы ари арбага 91,4% иҟан.

Аҟазауаа ишырҳәо ала  абжьаратә ҩаӡараҳарак рыԥхьаӡоит х-статистикатә гәаҭара рыла: иԥыршәо рҟынтәи 20, 39, 78 чымазара хҭыс разгәаҭарала.

"Аҵак ду аманы иҟоуп аҩбатәи абжьаратә анализ. Уи ишьақәнарӷәӷәеит "Спутник V" актәи аетап аан иазыҟаҵаз ахәшьара. Уажәы ҳара иаҳҳәар ҳалшоит алаҵа 91-92% хра аманы иҟоуп ҳәа", - иҳәеит Гамалеиа ихьӡ зху Амилаҭтә центр адиректор, алаҵа аус адызулоз Александр Гинцбург.

Иара иҳәеит ахԥатәи абжьаратә анализ амҩаԥгара азыԥхьагәаҭоуп хатәгәаԥхарала иҟазҵаз рахьтә 78 COVID-19 хҭыс ҟалар.

"Ҳақәгәыӷуеит алҵшәақәа ҳшырзыԥшыз аиԥш иҟалоит ҳәа. Ахыркәшаратә хәшьара ҳауеит III аклиникатә ҭҵаарақәа рфаза ашьҭахь", - иҳәеит аҵарауаҩ.

Урыстәыла атәылауаа рзы "Спутник V" хәыдаԥсадахоит, ҳәа рҳәеит аинвестициақәа Урыстәылатәи рфонд аҿы. Жәларбжьаратәи аџьармыкь аҿы дозак 20 доллар иаԥсахоит.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Джефф Безос

Адунеи аҿы реиҳа амал змоу ауаҩ ихьӡ ҳәоуп

4
Амаҵзура Bloomberg аекспертцәа Bloomberg Billionaires Index (BBI) рҿыцны иазгәарҭоит адунеи аҿы реиҳа амал змоу рмал заҟароу.

АҞӘА, абҵара 24 - Sputnik. Bloomberg Billionaires Index (BBI) ареитинг ала адунеи аҿы аԥыжәара игеит Amazon ашьаҭаркҩы Џьефф Безос, аанацҳауеит Блумберг амаҵзура.

Безос имал иартәеит 182 миллиард доллар.

Аилахәыра SpaceXи Tesla анапхгаҩы Илон Масксместил аҩбатәи аҭыԥ ахь днеиит Microsoft ашьаҭаркҩы Билл Геитс иаԥганы. Маска 127,9 миллиард доллар имоуп, шықәсык ала 100,3 миллиард доллар рыла еиҳатәны.

SpaceX ахада ажьырныҳәамзазы 35 аҭыԥ никылозар, уажәы Microsoft ашьаҭаркҩы Билл Геитс иаԥигеит.

Билл Геитс 127,7 миллиард доллар иманы ахԥатәи аҭыԥ ахь днеиит.

Реиҳа ималуаҩу ахәҩык рахь иара убас иаҵанакит: Louis Vuitton Moët Hennessy ахада Бернар Арно, Facebook ашьаҭаркҩы Марк Цукерберг.

4

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2