Шьамтәыла аԥыза-министр ихаҭыԥуаҩ, адәныҟатәи аусқәа рминистр Уалид Муаллем идунеи иԥсахит

18
(ирҿыцуп 12:19 16.11.2020)
Уалид Муаллем Шьамтәылатәи Арабтә республика Адәныҟатәи аусқәа рминистрс дыҟан 2006 шықәса раахыс.

АҞӘА, абҵара 16 - Sputnik. Шьамтәыла аԥыза-министр ихаҭыԥуаҩ, Адәныҟатәи аусқәа рминистр Уалид Муаллем иԥсҭазаара далҵит ҳәа аанацҳауеит РИА Новости, амаҵзура САНА адыррақәа шьаҭас иҟаҵаны.

"Шьамтәылатәи Арабтә республика адырра ҟанаҵоит аԥыза-министр ихаҭыԥуаҩ, Адәныҟатәи аусқәа рминистр Уалид Муаллем иԥсҭазаара дшалҵыз азы", - ҳәа аҳәоит амаҵзура адырраҭараҿы.

Муаллем 79 шықәса ихыҵуан.

Уалид Муаллем Шьамтәыла Адәныҟатәи аусқәа рминистрс дыҟан 2006 шықәса раахыс.

Уалид Муаллем – Шьамтәыла аҭоурых иазкыз ашәҟәқәа ԥшьба: "Палестина и вооруженный мир", "Сирия в период Мандата 1917—1948", "Сирия: от независимости до объединения 1948—1958", "Мир и Ближний Восток глазами американцев" дравторын.

Иара убас шәаԥхьар ҟалоит:

18

Азербаиџьан Ҟарабах иҭахаз рхыԥхьаӡара иалацәажәеит

2
(ирҿыцуп 15:52 03.12.2020)
Аимак аганқәа изныкымкәа рҽазыршәеит аинышәара аха хра зауз абҵара 10 азтәи х-ганктәи аиқәшаҳаҭра акәхеит.

АҞӘА, ԥхынҷкәын 3– Sputnik. Азербаиџьан Атәылахьчара аминистрра ирыланаҳәеит Ҟарабах ишҭахаз 2783-ҩык аррамаҵзурауаа, шәҩык инарзынаԥшуа хабарда  ишыбжьаӡу. Абри атәы аанацҳауеит РИА Новости.

"Аџьынџьтәылатә еибашьраҿы иҭахеит 2783-ҩык аруаа. 103-ҩык рхаҭара шьақәыргылоуп ДНК анализ ала. Шәҩык инарзынаԥшуа хабарда ибжьаӡит. Урҭ ахьыҟоу ашьақәыргыларазы аусурақәа мҩаԥысуеит. Иахьатәи аамҭазы 1245-ҩык аррамаҵзурауаа ахәышәтәра иахысуеит", - аҳәоит аусбарҭа адырраҭараҿы.

Ашьха Ҟарабах аҭагылазаашьа аҽарыцәгьеит цәыббра 27 рзы. Бџьаршьҭыхрыла аиҿагылара аанкыларазы аҽазышәарақәа ҟаҵан.

Убас, Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

Азербаиџьан аиқәшаҳаҭра Ермантәыла  акапитулиациа ауп ҳәа ахырҳәааит. Атәыла ахада Ильхам Алиев  иазгәеиҭеит адокумент атәылаз феидара шамоу.  Ермантәыла аԥыза-министр Никол Пашиниан  иҳәеит  аиқәшаҳаҭра анапаҵаҩра акырӡа ишицәыцәгьаз. Абри ашьҭахь Ермантәыла аҿагыларатә акциақәа мҩаԥысуан.

Иара убас шәаԥхьар ҟалоит:

2

Агәабзиарахьчараз адунеизегьтә еиҿкаара асабрадақәа рныҟәгара арежим арӷәӷәеит

4
(ирҿыцуп 12:25 03.12.2020)
Акоронавирус апандемиа адунеи иахыҵәеит. Иахьазы аҿкычымазара рыдбалан 63 миллионҩык, урҭ рҟынтәи миллионки бжаки рыԥсҭазаара иалҵхьеит. Аиҳараҩык ичмазцәоу ЕАА, Индиа, Бразилиа рҟынтәуп.

АҞӘА, ԥхынҷкәын 3 - Sputnik. Агәабзиарахьчараз адунеизегьтә еиҿкаара ахаҭарнак Маргарет Харрис ааԥхьара ҟалҵеит асабрадақәа есымша ныҟәыргаларц, иарку аҭыԥқәа рҿадагьы ҳәа аанацҳауеит Reuters.

Абжьгара ҿыцқәа инарықәыршәаны асабрадақәа адәынгьы иныҟәгалатәуп, асоциалтә дистанциа ақәныҟәара алымшозар.

Еиҳа еиӷьны ишьоуп х-ҿыгҳаракны иҟоу асабрадақәа, аҳауа злысуа аба иалхны.

ВОЗ ирабыжьнагом апластик иалху аҿԥыраршәқәа рныҟәгара. Урҭ ирыхьчо ала заҵәык ауп, аха зынӡа акгьы ныҟәумгар аасҭа урҭгьы еиӷьуп ҳәа ишьоуп.

Асабрада ныҟәумгар алшоит аспорттә ҽазыҟаҵарақәа раан.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау