Всероссийский географический диктант. Архивное фото.

Аквотақәа, агрантқәа, астипендиақәа: ироуазеи аҳәаанырцәтәи астудентцәа Урыстәыла

11
(ирҿыцуп 13:03 18.11.2020)
Россотрудничество ахада Евгени Примаков МИА "Россия сегодня" онлаин-конференциа аҳәаақәа ирҭагӡаны далацәажәеит афедералтә маҵзура аусураҿы иҟало аиҭакрақәа ртәы.

Sputnik, Мариа Науменко

Аҳәаанырцәуаа астипендиақәа роулоит

Урыстәыла иаԥсахуеит аҳәаанырцә тәылауаа урыстәылатәи аҵараиурҭақәа рҿы рҵараҵаразы аквотақәа роура асистема. Абри атәы иҳәеит Ихьыԥшым аҳәынҭқаррақәа реидгылеи, аҳәаанырцә инхо аџьынџьуааи русқәеи жәларбжьаратәи агуманитартә цхыраареи рзи Афедералтә маҵзура (Россотрудничество) анапхгаҩы Евгени Примаков. Иара игәаанагарала егьырҭ атәылақәа рыстудентцәа астепендиеи агрантқәеи рыла реиқәыршәараан рҵара еиҳа игәцараркуеит, еиҳаны абитуриентцәагьы адыԥхьалахоит.

"Ҳара астудентцәа Урыстәыла аҵара рҵарц аҭагылазаашьа раҳҭозар, урҭ рҵара рхы азырышьҭуа иҟаҵатәуп, рхы ныҟәыргарц атакси аныҟәцара иаламгароуп. Программистс уҟаларцаз уаазар, убри уашьҭазароуп, таксистс аусура акәымкәа", - иҳәеит иара.

Амаҵзура анапхгаҩы ҿырԥштәыс иааигеит америкатәии европатәии аструктурақәа, астипендиақәеи агрантқәеи астудентцәа ирызҭо.

"Ҳара ираҳҭо аквота мацароуп. Сгәанала уи степендиала ма ишьақәырӷәӷәазароуп. Ари абиуџьет ԥарақәа рныхра акәым иаанаго. Ари ԥхьаҟа зхы узырдыруа усхоит", - азгәеиҭеит Примаков.

Урыстәыла аҵара зҵо аҳәаанырцәуаа рыҩныҟа ихынҳәны аус рулароуп, ртәылақәа рсуверинитет дырӷәӷәалароуп, Урыстәыла аҩызаразы иҳаҵҳаҵалароуп ҳәа иҳәеит иара.

Аквотақәа ҩынтәны еиҳахоит

Убри аан аҵараиурҭақәа рахь аквотақәа ҩынтәны еиҳатәхоит.

Примаков иазгәеиҭеит уи азы Урыстәыла ахада Владимир Путин иӡбра шыҟоу. Уажәы апрограмма 15 000 ҭыԥ азыԥхьагәанаҭозар, 2023-2024 шықәсқәа рзы ҩынтәны еиҳахоит.

"Макьаназ иҳаздырам апандемиа иахҟьаны аекономика шыҟалаша, аха асеиԥш аӡбамҭа ыҟазар, астудентцәа рхыԥхьаӡара иацҵахоит. Раԥхьа иргыланы аинтерес ҳзаҵоуп ажәытә Асовет республикақәа, ИАР атәылақәа рҟынтәи аҿар раара", - иҳәеит иара.

СССР – аԥыжәара амоуп

Примаков иажәақәа рыла Россотрудничество азхьаԥшра ду рнаҭоит ажәытә СССР атәылақәа.

"Ари иаанаго ахара мап ацәкракәӡам. Ари аусура уаанӡатәи СССР атәылақәа аус рыцуроуп. Ари аԥыжәара азгәаҭоуп Урыстәыла адәныҟаполитикатә концепциаҿы", - иҳәеит иара.

Уи адагьы Россотрудничество уаанӡагьы иаус хаданы иҟаз агуманитартә лахәра акәын: акультура, абызшәа, анаука рҿы. Уажәы уи аусхк ырҭбаахоит.

Евгени Примаков игәаанагарала ансамбльқәа рықәгыларақәа зыхра маҷу усуп.

"Уажәшьҭа агуманитартә проект иалагалахоит асоциалтә аспектқәа. Иҿыцу Россотрудничество – ари аҳәаанырцә ауаажәларратә гәаанагара еиҿызкаауа маҵзуроуп. Ари акраҵанакуеит. Ҳбираҟи ҳкультуреи рыла аҽхәара амацара азхоны иҟам", - иҳәеит иара.

11

Ахсаалага "Мир" аҟынтәи аҳәаанырцәтә електронтә ԥараҭрақәа рхарҭәаара ааныркылоит

7
(ирҿыцуп 16:00 01.03.2021)
Агәыҩбара узҭаша аоперациақәа ирхырҟьаны аҳәаанырцәтә електронтә ԥараҭрақәа рҟынтә аоперациақәа рзин аанкылоуп.

АҞӘА, хәажәкыра 1 - Sputnik. Аҳәаанырцәтә електронтә ԥараҭрақәа ахсаалага "Мир" аҟынтәи рхарҭәаара ҟалом мшаԥымза 27 инаркны ҳәа аҩуеит РБК атехнологиатә биуллетень адыррақәа шьаҭас иганы.

"Агәыҩбара узҭаша аоперациақәа рзы иҟоу ашәара аԥырҟәҟәаара хықәкыс иганы аҳәаанырцәтә електронтә ԥараҭрақәа рҟынтә аоперациақәа рзин аанкылахоит", - ҳәа аҳәоит адокумент аҿы.

Амилаҭтә ԥарашәаратә хеилак анапхгара аиҳабы Алма Обаева ишылҳәо ала, аелектронтә ԥараҭрақәа рхарҭәаараз аоперациақәа раанкылара аԥарашәаратә маҵзурақәа QIWI, ЮMoney (уаанӡатәи "Яндекс.Деньги") рҭоурых иеиԥшхар ҟалоит. 2020 шықәса ԥхынҷкәынмзазы Урыстәыла АХ мап ацәнакит Урыстәылантәи Ваҳәаанырцәтә интернет-дәқьанқәа рахь аԥара аиагара.

Обаева илҳәеит аԥхьаӡамҭақәа онлаин-казино, абукмекерцәа уҳәа иртәызар шауа.

Убри аан аекспертцәа ргәаанагарала "Мир" аҟынтәи аԥараиагара аҭбаара амамызт ахсаалага атәылақәа жәпакы рҿы амаҵзура ахьамамыз азы.

7

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

9
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

9

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

0
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

0