"Агуманитартә хсаала": Урыстәыла ацхыраара шыҟанаҵо шьақәыргылоуп

3
(ирҿыцуп 11:51 24.11.2020)
Иахьазы "Агуманитартә хсаала" аҟны иарбоуп 65 тәыла. Уи ԥхьаҟагьы ихарҭәаахоит.

АҞӘА, абҵара 24- Sputnik. ИАР атәылақәа, аҳәаанырцә инхо аџьынџьуаа, жәларбжьаратәи агуманитартә усеицура русқәа рзы Афедералтә маҵзура (Россотрудничество) иӡырнагеит ацифратә интерактивтә портал "Агуманитартә хсаала". Иара иарбоуп иарбан тәылақәоу Урыстәыла зыцхырааз.

Россотрудничество анапхгаҩы Евгени Примаков иазгәеиҭеит аҳәаанырцә зегьы ишырзымдыруа Урыстәыла егьырҭ атәылақәа ирнаҭо ацхыраара атәы.

"Абри ахырхарҭада аҳәаанырцә иҟаҳҵо азы аобиективтә дырра ыҟам",- Примаков иажәақәа аанагоит Россотрудничество асаит.

Апроект ашьаҭаркыҩцәа иреиуоу Михаил Петросиан иазгәеиҭеит арҭ рҩызцәа аресурсқәа шрымоу аҳәаанырцә-тәылақәа, адонарцәа– ЕАА, Франциа уҳәа реиԥш иҟоу.

"Ҳара ҳ-миссиа– иҟаҳҵо шыҟаҳҵо адунеи ардырроуп. Иаадыруеит  ҳтәыла аҳәаанырцәтәи аудиториа дырдырразы  адәныҟатә факторқәеи ауадаҩрақәеи ыҟоуп аха ари аҩыза ахсаала уи аҭагылазаашьа еиҭанакып ҳәа ҳгәыӷуеит",- иҳәеит Петросиан.

Убас, ахсаалаҿы иарбоуп аԥснытәи аган аҳәара аҭакс Урыстәыла авирус алобараториатә диагностика амҩаԥгаразы ишаанашьҭуаз атест-системақәа.

Ацхыраара ауеит  Ставропольтәи аҭҵаарадырратә ҿкчымазараҿагыларатә институт ареференс-центр. Иара абазалоуп аԥсуа ҟазауаа атест-системақәа аус рыдулашьа шырҵаз.

Мшаԥы  18 инаркны лаҵара 18-нӡа Аԥсны аобиектқәа рырзҩыдара мҩаԥнагон Амшынеиқәатә флот арадиациатәи, ахимиатәи, абиологиатәи хьчара амедицинатә отриад.

Урыстәыла иара убасгьы Аԥсны ианаҭеит хәыдаԥсада 400 тест-система акоронавирус ашьақәыргыларазы.

Жьҭаара 19 раахыс Аҟәа аус ауеит хырхарҭарацәалатәи амобилтә госпиталь ковид-пациентцәа рыхәышәтәразы.

Иахьазы "Агуманитартә хсаала" аҟны иарбоуп 65 тәыла. Уи ԥхьаҟагьы ихарҭәаахоит.

Иара убас шәаԥхьар ҟалоит:

3

Жәаҩа террорист аанкылан Ҭырқәтәылеи Шьамтәылеи рҳәааҿы

6
Апровинциа Хатаи аҿы гәыԥҩык атеррористцәа рҽазыршәон закәаншьаҭада аҭырқәа-шьамтәылатә ҳәаа иахысырц.

АҞӘА, ажьырныҳәа 27 – Sputnik. Урыстәыла ззин ыҟам атеррористтә гәыԥ "Исламское государство"* алахәылацәа жәаҩаҩык аанкылоуп Ҭырқәтәылеи Шьамтәылеи рҳәааҿы ҳәа аанацҳауеит РИА Новости.

"Урҭ рҟынтәи хәҩык Урыстәыла иатәылауаауп, ԥшьҩык – Узбекистан, хҩык – Киргизиа", - ҳәа аанацҳауеит Ҭырқәтәыла атәылахьчара аминистрра.

Дара аанкылан ииасыз ашықәс ԥхынҷкәын 31 рзы апровинциа Хатаи, ақалақь Реиханлы аҿы. Урҭ  рҽазыршәон закәаншьаҭада аҭырқәа-шьамтәылатә ҳәаа иахысырц.

Иазгәаҭоуп иаанкылоу руаӡәк Интерпол абиуллитень ҟаԥшь аҿы дарбоуп.

*Урыстәыла ззин ыҟам террористтә еиҿкаароуп.

6

Ԥсышьацәгьа ззааргаз: Холокост иҭахаз ргәалашәара иазку Жәларбжьаратәи амш

46
(ирҿыцуп 16:34 27.01.2021)
Есышықәса ажьырныҳәа 27 рзы адунеи аҟны иазгәарҭоит Холокост атрагедиа иалаӡыз ргәалашәара Жәларбжьаратәи амш. Уи Аҩбатәи Адунеитә еибашьраан миллионҩыла иҭархаз ауаа рхамшҭреи анацизм имҩаԥнагоз аус ақәыӡбареи иазкуп, уаҳа адунеи аҿы Холокост атрагедиа аҩыза ҟамларазы.

Холокост – атермин акрахыҵуеит, уи иаанагоит Европа иқәынхоз ауриацәа руааԥсыра рыҩнуҵҟа анацистцәа имҩаԥыргоз шьаҭанкылатәи рнырҵәара. Аҩбатәи Адунеитә еибашьра ашықәсқәа раан афашисттә Германиеи иара иампыҵахалаз егьырҭ адгьылҵакырақәеи рҿы 60 процент инареиҳаны ауриацәа руааԥсыра ирышьҭашәарыцон.

Ажьырныҳәа 27 1945 ш. рзы Асоветтә ар ахы иақәиҭнатәит ахԥатәи ареих аҿы зегь реиҳа еиҳаз аконцлагер – Аушвиц (Освенцим). Еиуеиԥшым ахыҵхырҭақәа ишазгәарҭахьо ала, уаҟа хәышықәса рыҩнуҵҟа иҭархан х-миллионҩык инареиҳаны ауриацәа. Холокост атрагедиа иазку агәалашәара есышықәса амҩаԥгара Аҩбатәи Адунеитә еибашьра аан миллионҩыла иҭархаз ауаа рхамшҭреи анацизм имҩаԥнагоз аус ақәыӡбареи иазкуп, уаҳа адунеи аҿы Холокост аҩыза атрагедиа аҟалара алмыршахарц азы.

46
  • © AFP 2019

    Ари апатреҭ аҿы иануп аконцлагер Освенцим ахь узланеиуа агәашәқәеи аихамҩеи. Аҭыхымҭа ҟаҵоуп ажьырныҳәамза 1945 шықәсазы, асовет аруаа уи ахы ианақәиҭыртә ашьҭахь.

  • © Sputnik

    Аконцелагер Маиданек аҟны ахәыҷқәа-аҭҟәацәа Ар Ҟаԥшь уи ахы ианақәиҭнатәуаз аамҭазы. Афашистцәа ахәыҷқәа рыԥсы ҭырхуан урҭ амла иакны аҵәыуара иахьалагоз иахырҟьаныҵәҟьа.

  • © Sputnik / Виктор Темин

    Анацисттә концелагер Маиданек Ар Ҟаԥшь 1-тәи Белоруссиатә афронт аибашьцәа ахы ианақәиҭыртәыз ашьҭахь. Польша атәылауаа аԥсыбаҩқәа рахь ашәҭшьыҵәрақәа наргоит.

  • © Sputnik / Яков Рюмкин

    Анацисттә концелагер Маиданек Ар Ҟаԥшь 1-тәи Белоруссиатә афронт аибашьцәа ахы ианақәиҭыртәыз ашьҭахь. Аԥсра алагер аҟны иҭакыз рыԥсыбаҩқәа ахьҭарбылуаз аҭыԥқәа. Ара иҭаблын 80 000-ҩык, урҭ рахьтә 60 000-ҩык ауриацәан.

  • © Sputnik / Михаил Трахман

    Анацисттә концелагер Маиданек Ар Ҟаԥшь 1-тәи Белоруссиатә афронт аибашьцәа ахы ианақәиҭыртәыз ашьҭахь. Аԥсра алагер аҟны иҭакыз рыԥсыбаҩқәа ахьҭарбылуаз аԥечка.

  • © Sputnik / Б.Фишман

    1-тәи Украинатәи афронти 4-тәи Украинатәи афронти аруаа еицхырааны Висло-Одертәи аоперациаан анацисттә концлагер Освенцим (Аушвиц) аҟны сааҭқәак рышьҭахь аҭҟәацәа рхақәиҭтәраан. Алагерь Освенцим зегь реиҳа идуу, аамҭала зегь реиҳа аус зуз нацисттә лагеруп, убри ауп иара Холокост асимвол хада закәу. Ниурнбергтәи атрибунал адокументқәа изларҳәо ала, ари алагер аҟны 1941-1945 шықәсқәа рзы иҭаршьит 2,8 миллионҩык ауаа, урҭ рахьтә 90% ауриацәан.

  • © Sputnik

    1939 - 1945 шш. рызтәи Аҩбатәи Адунеизегьтәи аибашьра. Аконцлагер Освенцим абаракқәа. Ажьырныҳәа, 1945 шықәса.

  • © Sputnik

    Аконентрациатә лагер "Освенцим" аҟынтә зхы иақәиҭтәу ахәыҷқәа. Ахроника "Освенцим ахақәиҭтәра" аҟынтәи акадр. 1939 - 1945 шш. рызтәи Аҩбатәи Адунеизегьтәи аибашьра.

  • © Sputnik

    1939 - 1945 шш. рызтәи Аҩбатәи Адунеизегьтәи аибашьра. Ауаа ахьҭаршьуаз анацисттә аконцентрациатә лагер Освенцим аҟны иҭакыз ауаа рчемоданқәа, урҭ ирнуп Европа атәылақәа зегьы рмаркировкақәа.

  • © Sputnik

    Освенцим иҭаршьыз аҭҟәацәа рыԥсыжра.

  • © AFP 2019 / -

    Мшаԥы, 1945 шықәсазы аконцлагер Берген-Бельзен иҟарҵаз афотосахьа. Ара иубарҭоуп аҭыԥантәи Германиа атәылауаа аԥсыбаҩ рыманы ишнеиуа. Алагер ахы иақәыиҭызтәыз ар еидгыла аҭыԥантәи ауааԥсыра адҵа рырҭеит аиашьаратә нышәынҭрақәа ирымадаз аԥсыбаҩқәа ыҵхны ишақәнагоу еиԥш анышә иамардарц.

  • © Sputnik

    1939 - 1945 шш. рызтәи Аҩбатәи Адунеизегьтәи аибашьра. Анацисттә ҳақьымцәа агра ззыҟарҵаз аҷкәынцәа. Аконцлагер Освенцим.

  • © Sputnik / Георгий Липскеров

    Ҭелла икәыршоу анацисттә концлагер Маиданек, Ахԥатәи ареих иатәыз ауаа ахьҭаршьуаз алагер, польшатәи ақалақь Лиублин азааигәара.

  • © AFP 2019 / ERIC SCHWAB

    Ари арԥыс игәеиҭоит Освенцим аҟынтәи аконцлагер Дахау ахь инаргаз ауриацәа-аполиакцәа рнапқәа ирнырҵаз арыцхәқәа, 1945 шықәса мшаԥымза анҵәамҭа - лаҵара алагамҭазы, Дахау асовет аруаа мшаԥы 29 1945 шықәсазы ахы ианақәиҭыртә ашьҭахь. 1933 - 1945 шықәсқәа рзы иаанкылан 200 000-ҩык ауааԥсыра, урҭ рахьтә 31 591-ҩык ҭахеит, 1945 шықәсазы аевакуациа амарш аан иҭахаз аламҵакәа.

  • © Sputnik / Анатолий Ламброс

    Алагер аԥҟарақәа реилагаразы ашьра зқәырҵаз анемец концлагер Маутхаузен аҭҟәацәа. Маутхаузен - афашисттә режим иаҵанакуаз аконцлагерқәа рахьтә зегь реиҳа агыгшәыгра ахьаадырԥшуаз лагеруп. Ара рыԥсы ҭырхит 90 нызқьҩык ауааԥсыра адунеи атәылақәа 70 рҟны. Убри ахыԥхьаӡараҿы СССР 15633-ҩык атәылауаа (урҭ рыбжьара аинрал Д.М.Карбышев). Лаҵара 5 1945 шықәса ари алагер аҭҟәацәа рхы иақәиҭтәын.

  • © Sputnik / В. Боровский

    Ар Ҟаԥшь ахәҭақәа анацисттә концентрациатә лагер Зонненбург ахақәиҭтәраан. Ари алагер аҟны иҭакыз 840-ҩык рахьтә ԥсышьацәгьа иақәыршәан 700-ҩык, убарҭ рхыԥхьаӡараҿы иҟан афранцызцәа, абельгиеццәа, алиуксембургуаа. Германиа, Киустрин (уажәы Польша ақалақь Слонск).

  • © AFP 2019 / ERIC SCHWAB

    Зыхьӡ еилкаам 18 шықәса зхыҵуа урыстәылатәи ауриа, адизентириа зыхьуа алагер абаандаҩы ипатреҭ. Иҭыхуп мшаԥы 29 1945 шықәсазы анацисттә концлагер Дахау ахақәиҭтәраан, Миунхен иацәыхарамкәа. 1933 - 1945 шықәсқәа рзы иаанкылан 200 000-ҩык ауааԥсыра, урҭ рахьтә 31 591-ҩык ҭахеит, 1945 шықәсазы аевакуациа амарш аан иҭахаз аламҵакәа. 1944 шықәса ԥхынҷкәынмза инаркны ара атиф аепидемиа ҵысит.

Аԥсны акоронавирус злаз фҩык апациентцәа рыԥсҭазаара иалҵит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11355-ы ыҟоуп, ргәы бзиахеит 9467-ҩык, рыԥсҭазаара иалҵит 167-ы.

АҞӘА, ажьырныҳәа 27 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 543-ҩык атестқәа рзыҟаҵан, урҭ рахьтә 54-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Ажьырныҳәа 25-26 рзы Аԥсны аковид-хәышәтәырҭақәа рҿы рыԥсҭазаара иалҵит фҩык апациентцәа.

Гәдоуҭатәи ахәышәтәырҭаҿы ажьырныҳәа 26 рзы иԥсҭазаара иалҵит ҩыџьа апациентцәа. 1931 шықәсазы ииз - идиагноз хада акоронавирустә инфекциа ҿыц, иара убас идбалан зымҩасшьа бааԥсыз авирус-бактериалтә ҩганктәи аполисегментартә гәыҵәкра. Иԥсҭазаара далҵит 1949 шықәсазы ииз ахаҵа, идиагноз хада акоронавирустә инфекциа ҿыц.

Аҟәатәи аинфекциатә хәышәтәырҭаҿы иԥсҭазаара далҵит 1950 шықәсазы ииз апациент, идиагноз хада акоронавирустә инфекциа ҿыц. Иара ахәышәтәырҭа дҭашәеит иҭагылазаашьа бааԥсны, ирԥҳақәа ачымазара акыр ирылаҽны. Апациент мызкы иназынаԥшуа иақәнагаз ахәышәтәра дахысуан, аха уи иахьмырԥшкәа иԥсҭазаара далҵит ажьырныҳәа 26 рзы.

Урыстәылатәи арратә госпиталь аҿы рыԥсҭазаара иалҵит хҩык апациентцәа. 1950 шықәса рзы ииз апациент иԥсҭазаара далҵит ажьырныҳәа 15 рзы, 1946, 1948 шықәсқәа рзы ииз ҩыџьа апациентцәа - ажьырныҳәа 26 рзы. Урҭ рыхҩыкгьы акоронавирустә инфекциа адиагноз рзышьақәырӷәӷәан.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 118-ҩык, урҭ рахьтә 104-ҩык акоронавирус адиагноз рзышьақәыргылоуп, рҭагылазаашьа бааԥсуп 34-ҩык, ибжьаратәуп - 50-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 35-ҩык апациентцәа, Очамчыра ирхәышәтәуеит 19-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 29-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 46-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау