Амшныҳәақәа раан Шәача афедералтә мҩақәа рҿы аԥкрақәа аԥыхуп

3
Аамҭала амҩанысра ҟалоит ԥшьцәаҳәактәи аштаттә схемала - хырхарҭацыԥхьаӡа ҩба-ҩбала инеиуа, аремонтҟаҵара иалагаанӡа ишыҟаз аиԥш.

АҞӘА, ԥхынҷкәын 29 - Sputnik. Ԥхынҷкәын 28 ауха инаркны аныҳәамшқәа хыркәшахаанӡа Шәача афедералтә мҩақәа рҿы аԥкырақәеи ареверсқәеи аԥыхуп. Аамҭала амҩанысра ҟалоит ԥшьцәаҳәактәи аштаттә схемала - хырхарҭацыԥхьаӡа ҩба-ҩбала инеиуа, аремонтҟаҵара иалагаанӡа ишыҟаз аиԥш ҳәа аанацҳауеит Афедералтә автомҩақәа Русбарҭа "Черноморье".

Ари алшеит раԥхьа иргыланы автомҩа Џьубга-Шәача-Аԥсны Аҳәынҭқарра автомабилтә мҩа 191-тәи акилометр аҟны ацҳа шьаҭанкылатәи аремонт актәи аетап ахьхыркәшахази аплиаж "Красный штурм" иахьаҵанакуа иԥсабаратәым арымарахьтәи аҭӡы аремонт ахьымҩаԥгахази инарымаданы.

Ԥхынҷкәын 28 инаркны аамҭала шьаҭанкылатәи аремонт аҩбатәи аетап ахь аиасраз аусурақәа раанкылара рыдкылан аныҳәамшқәа раамҭазы аныҟәара арманшәаларазы. Аусурақәа еиҭарылагоит 2021 шықәса ажьырныҳәа 12 рзы.

"Ақалақьтә плиаж "Красный штурм" араион аҿы аусурақәа хыркәшахоит лаҵара 31 2021 шықәсазы", – иҳәеит Афедералтә автомҩақәа Русбарҭа "Черноморье" автомҩақәа рремонти рыҿиареи рыҟәша аиҳабы Сергеи Лысков.

Иара убасгьы Шәача иахьаҵанакуа аныҳәамшқәа раан иаԥыххоит Лазаревск аҳабла 106-тәи акилометри, араион маҷ Лоо 155-тәи акиломмметри, Џьубга-Шәача-Аԥсны Аҳәынҭқарра автомобилтә мҩа 143-тәи акилометр рҟны аныҟәарақәа рреверсивтә схемақәа.

Аусурақәа еиҭарылагоит 2021 шықәса ажьырныҳәа 12 рзы.

3

ВОЗ ари амчыбжь азы COVID-19 аҟынтәи арекордтә ԥсыҭбарақәа азгәанаҭеит

7
(ирҿыцуп 11:49 20.01.2021)
Адунеи аҟны акоронавирустә инфекциа иахҟьаны зыԥсҭазаара иалҵхьоу рхыԥхьаӡара ҩ-миллионк ирхысит.

АҞӘА, ажьырныҳәа 20 - Sputnik. Агәабзиарахьчаразы адунеизегьтә еиҿкаара (ВОЗ) ари амчыбжь азы COVID-19 аҟынтәи арекордтә ԥсыҭбарақәа азгәанаҭеит - 93 нызқьҩык.

Адунеи аҟны зынӡа 93 миллионҩык ауааԥсыра COVID-19 рыдбалан. Ииасыз амчыбжь азы ачымазара змоу рхыԥхьаӡара 4,7 миллионҩык рыла еиҳахеит.

Агәабзиарахьчаразы адунеизегьтә еиҿкаара (ВОЗ) хәажәкыра 11, 2020 шықәса рзы акоронавирустә инфекциа COVID-19 пандемиоуп ҳәа рыланаҳәеит. Џьон Хопкинс ихьӡ зху ауниверситети АИХқәеи рдыррақәа рыла ЕАА зегь раасҭа ачымазара шьҭыркаахьеит — 24,4 миллионҩык,  Индиа -  10,5 миллионҩык, Бразилиа - 8,5 миллионҩык.

Урыстәыла, Аоперативтә штаб аҵыхәтәантәи адыррақәа рыла 3,612 миллионҩык COVID-19 рыдбалоуп, 3,002 миллионҩык ргәабзиара шьақәгылеит, 66 623 пациент рыԥсҭазаара иалҵит.

Аԥсны ажьырныҳәа 19 азтәи адыррақәа рыла 10784-ҩык чмазцәахахьеит. 152-ҩык рыԥсҭазаара иалҵит, 8513-ҩык ргәы бзиахеит.

Акоронавирус иазку ажәабжьқәа зегьы шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәылантәи Аԥсныҟа иаауа амҩаду аҿы архынҳәыгақәа аларгалоит

3
(ирҿыцуп 18:25 19.01.2021)
Автотранспорт аныҟәара еиҭакхоит амҩаду А-147 Џьубга-Шәача-Аԥсны Аҳәынҭқарра аҳәаа аҟны ашьаҟамҩатә ииасырҭа аргылара иахьалаго азы.

АҞӘА, ажьырныҳәа 19– Sputnik. Уахыки-ҽнаки рыҩныҵҟа автотранспорт архынҳәратә ныҟәара алагалахоит Шәачантәи Аԥсны аҳәаахь иаауа амҩадуаҿы ҳәа адырра ҟанаҵоит ФКУ Упрдор "Черноморье".

Архынҳәра аҭыԥ аиуеит амҩаду А-147 Џьубга-Шәача-Аԥсны Аҳәынҭқарра аҳәаа, аиланхарҭа Лоо аҟны ажьырныҳәа 19 асааҭ 23:00 инаркны ажьырныҳәа 20 асааҭ 23:00 рҟынӡа.

Архынҳәратә ныҟәара аҭыԥқәа асветофор ала иҭышәныртәалахоит.

Акурорт Шәача иахьаҵанакуаз аныҳәамшқәа раан иаԥыхын архынҳәыгақәа, аиланхарҭа Лазаревское 106-тәи акилометр аҿы, аиланхарҭа Лоо 155-тәи акилометр аҿы, амҩаду А-147 Џьубга-Шәача-Аԥсны Аҳәынҭқарра аҳәаа аҿы.

Аусурақәа еиҭахацдыркит ажьырныҳәа 12, 2021 шықәсазы.

3

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

3
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
3
Атемақәа:
Ачымазара ҿкы – акоронавирус Аԥсни адунеи аҿи: иалкаау