Ҟәбина даҽа 187 акоронавирустә хҭыс ҿыц ашәҟәы иҭагалоуп

7
(ирҿыцуп 13:58 04.01.2021)
Апандемиа аамҭазы Ҟәбина акоронавирус рыдбалоуп 28 479- ҩык, урҭ рахьтә 2311-ҩык хәыҷқәоу, ргәы бзиахахьеит 19103-ҩык,  рыԥсҭазаара иалҵит 992-ҩык.

АҞӘА, ажьырныҳәа 4-Sputnik. Ҟәбина авирус шрымоу шьақәыргылан даҽа 187-ҩык, ииасыз уахи-ҽни рыла рыԥсҭазаара иалҵит 15-ҩык апациентцәа, абри аанацҳауеит атәылаҿацә аҿы еиҿкаау COVID-19 аҿагыларазы аоперативтә штаб.

Акоронавирус ззышьақәырӷәӷәоу 85-ҩык хацәоуп, 102-ы ҳәсақәоуп, ааҩык ахәыҷқәа.

Краснодартәи атәылаҿацәа аҟны иаарԥшуп 51 хҭыс ҿыц, Шәача- 17-ҩык.

Ҟәбина апандемиа аамҭазы ачымазара арбагақәа иартәоит 501,8. COVID-19 зыдбало 1555-ҩык аҩны рҽырхәшәтәуеит, аҩны 6829-ҩык.

Ашықәсҿыцазтәи аныҳәамшқәа рзы Крансодартәи атәылаҿацә атуристцәа шаҭаац иаҭаауеит.

Краснодартәи атәылаҿацә анапхара адыррақәа рыла ԥхынҷкәын 30 инаркны ажьырныҳәа 3-нӡа Шәача ашьахараҿы иҟоу асасааирҭақәа ирыднакылеит 60 нызқьҩык асасцәа, ажьырныҳәа 2 рзы ашахатәмҩа рхы иадырхәеит жәа-нызқьҩык.

Шәачатәи акурортқәа асанитартә нормақәа ирықәныҟәоит. Ауаа рацәа ахьеизо аус руеит 40-ҩык аволонтиорцәа, дара хәыда-ԥсада асацәа асабрадақәа рзыршоит, асоциалтә дистанциа ақәныҟәара алдыршоит.

Краснодар атәылаҿацә аҿы еиҿкаау COVID-19 аҿагыларазы аоперативтә штаб ирҳәоит, Шәачатәи аҳаирбаӷәазеи авокзалқәеи рҿы аҳақьымцәа аџьаԥшьара шымҩаԥырго, иара убас уа иҟоуп Роспотребнадзор ахаҭарнакцәагьы. Иаауа атуристцәа зегьы ршоура гәарҭоит. Ашоура зыдбало ауаҩы дышьҭхоит аҽыԥхьакырҭахь, акоронавирус изышьақәдырӷәӷәар аковидтә госпиталь аҟны дышьҭаҵахоит.

 

7
Атемақәа:
Аҿкычымазара – акоронавирус Аԥсни адунеи аҿи: иалкаау (1000)

Алаҵа "Cпутник V" ҟазҵаз урыстәылаа рхыԥхьаӡара аӡбахә ҳәоуп

2
(ирҿыцуп 18:59 28.01.2021)
Адунеи аҟны раԥхьатәи ашәҟәы иҭагалоу алаҵа "Спутник V" ахьӡырҵеит. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала.

АҞӘА, ажьырныҳәа 28 — Sputnik. Ҩ-миллионҩык рҟынӡа урыстәылаа акоронавирус аҟынтәи алаҵа "Спутником V" рыдыркылахьеит, аанацҳауеит РИА Новости Гамалеиа ихьӡ зху Ацентр агентә инџьенериеи апатогентә микроцәеижьқәеи рлабораториа аусзуҩ еиҳабы, абиологиатә наукақәа ркандидат Дариа Егорова лажәақәа шьаҭас иҟаҵаны.

"Агуморалтә иммуннтә ҭак ала иара 98% еиҳаны хра амоуп, ахыцтә иммунитет ала 100% ирзааигәахахьеит", - еиҭалҳәеит аексперт РАН аҭҵаарадырратә хеилак онлаин-еизараҿы. Аизара мҩаԥысуан "COVID-19 акьыбачымазарақәеи" атемала,  МИА "Россия сегодня" апресс-центр аҿы.

Аденовирустә вектор шьаҭас измоу алаҵа нанҳәамзазы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу коронавирус SARS-COV-2 иаҿагыло лаҵоуп. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Иара шьаҭас иамоуп ибзианы иҭҵаау ауаҩытәыҩса иаденовирустә вектор. Ԥыжәараны иамоуп ашәарҭадара, хра аманы акраамҭа аҟазаара, ахҟьаԥҟьақәа рмаҷра.

2
Атемақәа:
Аҿкычымазара – акоронавирус Аԥсни адунеи аҿи: иалкаау (1000)

Андреи Стенин ихьӡ зху 2021 шықәсазтәи аконкурс ажиури алыркааит

6
(ирҿыцуп 14:14 28.01.2021)
2021 шықәсазы аиндаҭларахь аусумҭақәа рыдыркылоит аноминациақәа ԥшьба рыла: "Моя планета", "Портрет. Герой нашего времени", "Главные новости", "Спорт".

АҞӘА, ажьырныҳәа 28 - Sputnik. 2021 шықәсазы Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аконкурс ажиури алырхит.

Ажиури иалахәхоит: ажурнал "Штерн" (Stern) афотодиректор Андреас Трамп (Германиа); ажурнал "ГЕО" (GEO) анемец версиа ихьыԥшым акуратор, афоторедактор Рут Аиххорн (Германиа); Лоди имҩаԥысуа есышықәсатәи аетникатә фотосахьа Афестиваль (Festival della Fotografia Etica) акоординатор Альберто Прина (Италиа); амедиагәыԥ "Индепендент Медиа" (Independent Media) афоторедактор Иан Лендсберг; ҩынтә адунеитә фотоԥхьахә World Press Photo заухьо, РИА Новости афотокорреспондент ҷыда Валери Мельников (Урыстәыла); изныкымкәа жәларбжьаратәи афотоԥхьахәқәа заухьо, Жәларбжьаратәи афотомаҵзура "Нур" (Noor) ашьаҭаркҩы Иури Козырев (Урыстәыла).

"Сара сзы иҳаҭыр дууп Стенин ихьӡ зху аицлабра ажиури алахәхаразы иахьсыԥхьаз. Андреи фотоҭыхыҩ бзиан, дыпрофессионалын. Уи ахашҭра ҟалом. Сара сзы иарбанызаалак аицлабра ламысцқьала аусуроуп: иҟасҵаз, изуз зегьы реихшьаала ҟасҵон. Уи адагьы сынтәатәи ашықәс имариаз шықәсымызт зегь ҳзы", - иҳәеит изныкымкәа жәларбжьаратәи афотоԥхьахәқәа заухьо, Жәларбжьаратәи афотомаҵзура "Нур" (Noor) ашьаҭаркҩы Иури Козырев (Урыстәыла).

2021 шықәсазы аиндаҭларахь аусумҭақәа рыдыркылоит аноминациақәа ԥшьба рыла: "Моя планета", "Портрет. Герой нашего времени", "Главные новости", "Спорт". Арзаҳалқәа рыдыркылалоит 2021 шықәса жәабранмза 28 рҟынӡа, асаит stenincontest.ru аҿы аурыс, англыз, акитаи бызшәақәа рыла.

"Сынтәа Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аконкурс ажиури срылахәхоит. Шықәсқәак раԥхьагьы ажиури аилазаараҿы сыҟан. Усҟангьы аицлабра раԥхьатәи ашьаҿақәа шыҟанаҵозгьы аинтерес змаз аусумҭақәа рацәаны иаашьҭын. Уи сара сзы ираԥхьатәиз ԥышәан асеиԥш аҩаӡара змоу аицлабра ажиури алахәылак иҳасаб ала. Сгәыӷуеит сынтәагьы аусумҭа шьахәқәа аабап ҳәа Урыстәылеиԥш адунеи зегьы аамҭа уадаҩ ишҭагылоугьы. Афотоҭыхыҩцәа ааԥхьара рысҭоит ари ашықәс шырхыргаз адунеи иадырдырырц", - иҳәеит ҩынтә адунеитә фотоԥхьахә World Press Photo заухьо, РИА Новости афотокорреспондент ҷыда Валери Мельников.

Аиндаҭлара 2021 шықәса рзы аԥхьахәтә фонд иартәоит 125 000, 100 000, 75 000 мааҭ актәи, аҩбатәи, ахԥатәи аҭыԥқәа рзы. "Гран-при" иартәоит 700 000 мааҭ, реиҳа аинтерес зҵоу аусумҭа ианашьахоит.

Афотоҭыхыҩцәа ҿарацәа рзы аҵакы аманы иҟалоит урыстәылатәии Европа, Азиа, Латынтәи Америка, Африка, Мрагылара Ааигәа реиԥш иҟоу жәларбжьаратәии аплошьчадкақәа рҿы ахаарԥшра ахьрылшо

2018 шықәса раахыс арахь иаҵанакуеит ООН Ниу-Иорктәи аштаб-квартирагьы. 2019 шықәса раахыс ацәыргақәҵақәа мҩаԥыргоит Европа Ахеилак аҿы, Страсбург.

6