Ԥшьҩык ҭахеит Вашингтон имҩаԥысуа аҿагыларатә акциақәа ирыхҟьаны

11
(ирҿыцуп 10:10 07.01.2021)
Вашингтон имҩаԥысуа аҿагыларатә акциақәа рылахәылацәа 52-ҩык аанкылоуп, џьоукы- абџьар закәаншьаҭада иахьныҟәырго азы, реиҳараҩык- Колумбиа иалагалоу акомендантә сааҭ ахьеиларгаз азы.

АҞӘА, ажьырныҳәа 7-Sputnik. Ԥшьҩык ҭахеит Вашингтон имҩаԥысуа аҿагыларатә акциақәа ирыхҟьаны, абри атәы иҳәеит аҭыԥантәи аполициа аиҳабы Роберт Конти, иаҩуеит РИА Новости.

Уи аԥхьа адырра ҟарҵахьан дышҭахаз ахәра ӷәӷәа зауз Ешли Беббит- арбџьармчқәа аветеран.

"Капитолиа аусзуҩ имаҵуратә бџьарла аԥҳәыс длеихсит. Лара ахәышәтәырҭахь днаган, иахәҭаз ацхыраара лырҭеит, аха лыԥсҭазаара далҵит. Иара убас, Капитолиа аԥхьа х-ԥсыҭбарак ҟалеит ҳәа адырра ыҟан", - иҳәеит Конти.

Ԥхынҷкәын 6 рзы макьана ЕАА ахада Дональд Трамп идгылаҩцәа аҿагыларатә акциақәа мҩаԥыргеит Капитолиа азааигәара, анаҩсан реиҳараҩык ахыбра иажәлеит, уаҟа аконгрессменцәа алхрақәа рылҵшәақәа шьақәдырӷәӷәараны иҟан. Абжьыҭара алҵшәақәа рыла алхрақәа рҟны аиааира игеит адемократ Џьо Баиден.

Аконгресс аусура хацныркит асааҭ 20:00 (4:00 москватәи аамҭала), аконгресс алахәылацәа аӡәырҩы ирҳәеит ҿыц иалырхыз ЕАА ахада ҳәа Баиден ихьӡ шырҳәо.

Абҵара 3 рзы Еиду аштатқәа рҟны имҩаԥысит атәыла ахада иалхра. Абжьқәа рыԥхьаӡара акыр иуадаҩны имҩаԥысуан. Акандидатцәа дара дара ахара рыдибаҵон аполитикатә ԥаршеира мҩаԥгоуп ҳәа. Џьо Баиден 306 бжьы иоуит, Дональд Трамп — 232 бжьы. Трамп макьана иаҵахара дақәшаҳаҭым.

11

Мишустин акоронавирус аҟынтәи ахԥатәи алаҵа аныҭрыжьуа атәы иҳәеит

11
(ирҿыцуп 18:25 26.01.2021)
Иахьатәи аамҭазы Урыстәыла Агәабзиарахьчара аминистрра ашәҟәы иҭанагалахьеит Гамалеи ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала аус зыдулаз COVID-19 аҟынтәи адунеи аҿы ираԥхьатәиу алаҵа "Спутник V".

АҞӘА, ажьырныҳәа 26 - Sputnik. Урыстәыла Агәабзиарахьчара аминистрра ашәҟәы иҭанагалараны иҟоуп М.П. Чумаков ихьӡ зху Афедералтә ҭҵаарадырратә Центр аус зыднаулаз акоронавирус хызҽуа ахԥатәи алаҵа. Уи ахархәарахь инеираны иҟоуп иааиуа амзақәа рзы ҳәа аҳәамҭа ҟаиҵеит Урыстәыла аԥыза-министр Михаил Мишустин. Абри атәы аанацҳауеит РИА Новости.

"Ари ҳҵарауаа аус здырулаз ахԥатәи лаҵоуп. Мызқәак рышьҭахь ахархәарахь инашьҭхоит. Уи иалнаршоит алаҵаҟаҵара арҭбаара, еиҳа ауаа рылаҵәара. Ус анакәха ачымазара иацәыхьчахогьы рхыԥхьаӡара еиҳахоит", - иҳәеит аԥыза-министр.

Иара иазгәеиҭеит алаҵахкқәа зегьы рҭыжьра ишацҵатәу, ԥымкрада ахәышәтәырҭақәеи аполиклиникақәеи рахь рынашьҭразы.

Иахьатәи аамҭазы Урыстәыла Агәабзиарахьчара аминистрра ашәҟәы иҭанагалахьеит Гамалеи ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала аус зыдулаз COVID-19 аҟынтәи адунеи аҿы ираԥхьатәиу алаҵа "Спутник V", новосибирсктәи Ацентр "Вектор" аус зыднауылаз алаҵа "ЭпиВакКорона".

М.П. Чумаков ихьӡ зху Афедералтә ҭҵаарадырратә Центр аус зыднаулаз акоронавирус хызҽуа алаҵа "цельновирионной" ҳәа иашьҭоуп. Ахархәара аҭоуп аинактивтә вирус SARS-CoV-2. Уи иаанаго аиммунтә реакциа цәырнагоит ауп.

11
Атемақәа:
Аҿкычымазара – акоронавирус Аԥсни адунеи аҿи: иалкаау

Алаҵа "Спутник V" ҩымчыбжь рыҩныҵҟа 25 тәыла рҿы ашәҟәы иҭаргалоит

5
Алаҵа "Спутник V" 14 тәыла: Белоруссиа, Аргентина, ОАЕ, Венгриа, Сербиа, Боливиа, Алжир, Палестина, Венесуела, Парагваи, Туркмениа реиԥш иҟоу рҟны ашәҟәы иҭаргалахьеит.

АҞӘА, ажьырныҳәа 26 - Sputnik. Урыстәылатәи аинвистициақәа рфонд аиҳабы Кирилл Дмитриев дазыԥшуп Алаҵа "Спутник V" ҩымчыбжь рыҩныҵҟа 25 тәыла рҿы ашәҟәы иҭаргалоит ҳәа. Абри атәы аанацҳауеит РИА Новости.

"Алаҵа "Спутник V" 14 тәыла рҟны ашәҟәы иҭаргалахьеит. Уажәы, ҩымчыбжь рыҩныҵҟа 25 тәыла рҿы ашәҟәы иҭаргалоит ҳәа ҳаԥшуп", - иҳәеит Дмитриев Давос имҩаԥысуаз Адунеизегьтә економикатә форум асессиаҿы. Асессиа мҩаԥысуан онлаин-формат ала.

Урыстәылатәи аинвистициақәа рфонд аиҳабы иҳәеит тәыла-цыԥхьаӡа хаҭа-хаҭала аус шадырулоз.

Алаҵа  "Спутник V" ибзианы иҭҵаау ауаҩытәыҩса иаденовирустә вектор шьаҭас иамоуп. Белоруссиа, Аргентина, ОАЕ, Венгриа, Сербиа, Боливиа, Алжир, Палестина, Венесуела, Парагваи, Туркмениа реиԥш иҟоу рҟны ашәҟәы иҭаргалахьеит. Алаҵа ЕЕи ВОЗи рҟны ашәҟәы аҭагалара апроцесс аԥшьгоуп.

Иара убас шәаԥхьар ҟалоит:

5
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны акоронавирус 85-ҩык ирыдырбалеит, аӡәы лыԥсҭазаара далҵит

4
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.

АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау