Аконгресс ахада иалхрақәа рҟны Баиден ииааира шьақәнырӷәӷәеит

10
(ирҿыцуп 14:32 07.01.2021)
Аԥшьаша Апалата алахәылацәеи Сенати реилатәараҿы абжьыҭарақәа рҟны Џьо Баидан ииааира шьақәнырӷәӷәеит. ЕАА ахада иалхрақәа рҿы адемократ Баиден 306 бжьы иоуит.

АҞӘА, ажьырныҳәа 7-Sputnik. Аилацәажәараҿы Баиден ишьақәырӷәӷәаразы рыбжьы ирҭеит 306-ҩык, макьана ЕАА ахада Дональд Трамп-232 бжьы иоуит. Аконгресс аилатәара еиԥҟьон: апалата алахәылацәа аилацәажәаразы еилыҵуан, Џьорџьиеи Пенсильваниеи аштатқәа рҟны алхрақәа рылҵшәақәа иахьақәшаҳаҭмыз иахҟьаны. Аформал ҟазшьа змаз аилатәара сааҭқәак имҩаԥысуан, еиԥырҟьан ареспубликанец Трамп идгылаҩцәа ахыбра ианажәла.

Трамп иҳәеит алхрақәа рылҵшәақәа дшақәшаҳаҭым. Идгылаҩцәа ааиԥхьеит алҵшәақәа иаҿагыларц. Дара Капетолиа иажәлеит, алхрақәа рылҵшәақәа ииашам ҳәа ахырҳәааит.

Вашингтон х-нызқьҩык аруаа нарышьҭит, рхы иадырхәит алаӷырӡаагага агаз. Амчратә усбарҭақәа русзуҩцәа ирыԥшааит арҭҟәацгақәа. Аахақәа роуит хәҩык.

Вашингтон 18:00 инаркны (2:00 мокватәи аамҭала) акомендантә сааҭ рылаҳәоуп.

Баиден аҳәамҭа ҟаиҵеит, аҿагыларатә акциақәа америкатәи адемократиатә система аҵшәаара ишазырхоу.

46-тәи ЕАА ахада иҭоубашьҭаҵара мҩаԥгахоит ажьырныҳәа 20 рзы.

 

 

10

ВОЗ ари амчыбжь азы COVID-19 аҟынтәи арекордтә ԥсыҭбарақәа азгәанаҭеит

7
(ирҿыцуп 11:49 20.01.2021)
Адунеи аҟны акоронавирустә инфекциа иахҟьаны зыԥсҭазаара иалҵхьоу рхыԥхьаӡара ҩ-миллионк ирхысит.

АҞӘА, ажьырныҳәа 20 - Sputnik. Агәабзиарахьчаразы адунеизегьтә еиҿкаара (ВОЗ) ари амчыбжь азы COVID-19 аҟынтәи арекордтә ԥсыҭбарақәа азгәанаҭеит - 93 нызқьҩык.

Адунеи аҟны зынӡа 93 миллионҩык ауааԥсыра COVID-19 рыдбалан. Ииасыз амчыбжь азы ачымазара змоу рхыԥхьаӡара 4,7 миллионҩык рыла еиҳахеит.

Агәабзиарахьчаразы адунеизегьтә еиҿкаара (ВОЗ) хәажәкыра 11, 2020 шықәса рзы акоронавирустә инфекциа COVID-19 пандемиоуп ҳәа рыланаҳәеит. Џьон Хопкинс ихьӡ зху ауниверситети АИХқәеи рдыррақәа рыла ЕАА зегь раасҭа ачымазара шьҭыркаахьеит — 24,4 миллионҩык,  Индиа -  10,5 миллионҩык, Бразилиа - 8,5 миллионҩык.

Урыстәыла, Аоперативтә штаб аҵыхәтәантәи адыррақәа рыла 3,612 миллионҩык COVID-19 рыдбалоуп, 3,002 миллионҩык ргәабзиара шьақәгылеит, 66 623 пациент рыԥсҭазаара иалҵит.

Аԥсны ажьырныҳәа 19 азтәи адыррақәа рыла 10784-ҩык чмазцәахахьеит. 152-ҩык рыԥсҭазаара иалҵит, 8513-ҩык ргәы бзиахеит.

Акоронавирус иазку ажәабжьқәа зегьы шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәылантәи Аԥсныҟа иаауа амҩаду аҿы архынҳәыгақәа аларгалоит

3
(ирҿыцуп 18:25 19.01.2021)
Автотранспорт аныҟәара еиҭакхоит амҩаду А-147 Џьубга-Шәача-Аԥсны Аҳәынҭқарра аҳәаа аҟны ашьаҟамҩатә ииасырҭа аргылара иахьалаго азы.

АҞӘА, ажьырныҳәа 19– Sputnik. Уахыки-ҽнаки рыҩныҵҟа автотранспорт архынҳәратә ныҟәара алагалахоит Шәачантәи Аԥсны аҳәаахь иаауа амҩадуаҿы ҳәа адырра ҟанаҵоит ФКУ Упрдор "Черноморье".

Архынҳәра аҭыԥ аиуеит амҩаду А-147 Џьубга-Шәача-Аԥсны Аҳәынҭқарра аҳәаа, аиланхарҭа Лоо аҟны ажьырныҳәа 19 асааҭ 23:00 инаркны ажьырныҳәа 20 асааҭ 23:00 рҟынӡа.

Архынҳәратә ныҟәара аҭыԥқәа асветофор ала иҭышәныртәалахоит.

Акурорт Шәача иахьаҵанакуаз аныҳәамшқәа раан иаԥыхын архынҳәыгақәа, аиланхарҭа Лазаревское 106-тәи акилометр аҿы, аиланхарҭа Лоо 155-тәи акилометр аҿы, амҩаду А-147 Џьубга-Шәача-Аԥсны Аҳәынҭқарра аҳәаа аҿы.

Аусурақәа еиҭахацдыркит ажьырныҳәа 12, 2021 шықәсазы.

3

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

2
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
2
Атемақәа:
Ачымазара ҿкы – акоронавирус Аԥсни адунеи аҿи: иалкаау