Урыстәыла иаадырԥшит акоронавирус "британиатәи" аштамм

9
(ирҿыцуп 09:42 11.01.2021)
Абжьааԥнытәи акоронавирус аасҭа инықәырԥшу адыррақәа рыла 70 процент рыла еиҳа даҽаӡә иахь ииасуа акоронавирус амутациа ҿыц Британиа ицәырҵит ԥхынҷкәын аҽеиҩшамҭазы.

АҞӘА, ажьырныҳәа 11 - Sputnik. Урыстәыла раԥхьаӡа акәны акоронавирус "британиатәи" аштамм аадырԥшит ҳәа лҳәеит Роспотребнадзор ахантәаҩы Анна Попова ателеканал "Россия 1" аефир аҟны. Абри атәы аанацҳауеит РИА Новости.

Лара иазгәалҭеит ари амутациа шидырбалаз Британиа дуунтәи ихынҳәыз Урыстәыла атәылауаҩ.

Ԥхынҷкәын аҽеиҩшамҭазы аҳәамҭа ҟаҵан акоронавирус SARS-CoV-2 амутациа ҿыц аарԥшуп Британиа ҳәа. Уи 70 процент рыла еиҳа иҿкуп аԥхьанатә ицәырҵыз авариант аасҭа, еиҳа ахыхьчара аҭахуп. Аха убри аан уи иахҟьаны ауаа рацәаны иԥсуа, ма еиҳа иуадаҩны имҩасуа иҟоуп ҳәа азуҳәартә иҟам.

Иара убас шәаԥхьар ҟалоит:

9

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

7
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

7

Венгриа алаҵа "Спутник V"аиуразы Урыстәыла иалаӡеит

3
(ирҿыцуп 14:37 22.01.2021)
Урыстәыла агәабзиарахьчара аминистр Михаил Мурашкои Венгриа адәныҟатәи аусқәеи адныҟатә хәаахәҭреи рминистр Петер Сиаиартои алацәажәеит урыстәылатәи алаҵа "Спутник V" Венгриаҟа анашьҭра азҵаара.

АҞӘА, ажьырныҳәа 22 - Sputnik. Венгриеи Урыстәылеи аиқәшаҳаҭра рыбжьарҵеит акоронавирус аҟынтәи алаҵа Венгриа азынашьҭразы ҳәа иҳәеит Венгриа адәныҟатәи аусқәеи адныҟатә хәаахәҭреи рминистр Петер Сиаиартои. Абри атәы аанацҳауеит РИА Новости.

"Ари ԥыжәара зҭатәу милаҭтә зҵаароуп, уи ишалшо ала ирццактәуп. Алаҵа иаарласны аиуразы Урыстәылеи ҳареи аиқәшаҳаҭра ҳабжьаҳҵеит, зыгәра угаша алаҵа Венгриа аиуразы. Алаҵа арахь иаашьҭхоит х-етапкны", - ҳәа иҳәеит Сиаиарто Урыстәыла агәабзиарахьчара аминистр Михаил Мурашкои иареи Москва реиԥылара ашьҭахь.

Венгриа Афармокологиеи афатәи рмилаҭтә институт акоронавирус аҿагылараз урыстәылатәи алаҵа "Спутник V" ашәҟәы иҭанагалеит. Абас ала, Венгриа, Евроеидгыла атәылақәа рахьынтәи ираԥхьатәихеит алаҵа "Спутник V" официалла зҵакыраҿы аҟаҵара ауа. Венгриа алаҵа ҭаҩуп ирццаку апроцедура (emergency use authorization) аҳәаақәа ирҭагӡаны, "Спутник V" аклиникатә ҭҵаарақәа рдыррақәа рышьаҭалеи Венгриатәи аекспертцәа ргәаанагарақәа рышьаҭалеи.

Иара убас шәаԥхьар ҟалоит:

3

Аԥсны Аҳәынҭстатистикаҿы ахныҟәгаратә минимум шьақәдыргылеит

1
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

1