Президент США Дональд Трамп

Америка апрезидентра аҭоурых аҿы Трамп ҩынтә аимпичмент изыҟарҵеит

9
(ирҿыцуп 14:42 14.01.2021)
Трамп иамхразы рыбжьы арҭеит 232-ҩык аконгрессменцәа, иаҿагылеит – 197-ҩык.

АҞӘА, ажьырныҳәа 14 - Sputnik. Еиду америкатәи аштатқәа рконгресс ахаҭарнакцәа рпалатаҿы абжьқәа реиҳара рыла апрезидент Дональд Трамп иимпичмент азы аӡбамҭа рыдыркылеит, иара ипартиа иалахәыз рахьтә жәаҩыкгьы убрахь иналаҵаны ҳәа аанацҳауеит РИА Новости.

Иара ихаҭа иакәзар, ауаажәлар рахь аҳәамҭа ҟаҵо дықәгылеит, аиҿагылареи ақәымчреи дшырҿагыло, аинышәарахь рхы дырхарц иааиԥхьо, аха аимпичмент азы ажәакгьы имҳәеит.

Трамп апрезидентра иамхразы рыбжьы арҭеит 232-ҩык аконгрессменцәа, иаҿагылеит – 197-ҩык. Убас ала, иара ЕАА рҭоурых аҿы ҩынтә аимпичмент ззықәдыргылаз апрезидент иакәхеит.

Иара харас идырҵоит ауаа ажәыларақәа рахь ицәырҵырц ҟаиҵеит ҳәа. Ахаҭарнакцәа рпалата арезолиуциаҿы иаҳәоит иара иҟаиҵаз зегьы "ацәгьоура бааԥсқәеи агхақәеи" ҳәа зҳәо аконституциатә формулировка ирықәшәоит ҳәа.

Трамп иаамҭа ааиаанӡа имаҵура иамхразы асенат аҿгьы аимпичмент шизыҟарҵо рыларҳәароуп, аха аҩадатәи апалата аиҳабы Митч Макконнелл аҳәамҭа ҟарҵеит иаамҭа анааилак - ажьырныҳәа 20 рышьҭахь уи шыҟарҵо.

Раԥхьаӡа акәны Трамп аимпичмент изыҟарҵеит ԥхынҷкәын 2019 шықәса рзы. Усҟан Трамп атәылазы дшәарҭоуп, имаҵураҟынтәи дықәҵроуп рҳәеит.

Ажьырныҳәа 6 рзы Трамп Вашингтон имҩаԥысуаз идгылаҩцәа рмитинг аҿы ааԥхьара ҟаиҵеит Капитолиахь инеирц. Ааԥхьара ззыҟаҵаз ауаа ахыбра иақәлеит уа адемократ Џьо Баиден ииааира аконгресс асессиаҟны ашьақәырӷәӷәара анымҩаԥысуаз. Иҭахеит хәҩык ауааԥсыра.

Иара убас шәаԥхьар ҟалоит:

9

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

3
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

3

Венгриа алаҵа "Спутник V"аиуразы Урыстәыла иалаӡеит

3
(ирҿыцуп 14:37 22.01.2021)
Урыстәыла агәабзиарахьчара аминистр Михаил Мурашкои Венгриа адәныҟатәи аусқәеи адныҟатә хәаахәҭреи рминистр Петер Сиаиартои алацәажәеит урыстәылатәи алаҵа "Спутник V" Венгриаҟа анашьҭра азҵаара.

АҞӘА, ажьырныҳәа 22 - Sputnik. Венгриеи Урыстәылеи аиқәшаҳаҭра рыбжьарҵеит акоронавирус аҟынтәи алаҵа Венгриа азынашьҭразы ҳәа иҳәеит Венгриа адәныҟатәи аусқәеи адныҟатә хәаахәҭреи рминистр Петер Сиаиартои. Абри атәы аанацҳауеит РИА Новости.

"Ари ԥыжәара зҭатәу милаҭтә зҵаароуп, уи ишалшо ала ирццактәуп. Алаҵа иаарласны аиуразы Урыстәылеи ҳареи аиқәшаҳаҭра ҳабжьаҳҵеит, зыгәра угаша алаҵа Венгриа аиуразы. Алаҵа арахь иаашьҭхоит х-етапкны", - ҳәа иҳәеит Сиаиарто Урыстәыла агәабзиарахьчара аминистр Михаил Мурашкои иареи Москва реиԥылара ашьҭахь.

Венгриа Афармокологиеи афатәи рмилаҭтә институт акоронавирус аҿагылараз урыстәылатәи алаҵа "Спутник V" ашәҟәы иҭанагалеит. Абас ала, Венгриа, Евроеидгыла атәылақәа рахьынтәи ираԥхьатәихеит алаҵа "Спутник V" официалла зҵакыраҿы аҟаҵара ауа. Венгриа алаҵа ҭаҩуп ирццаку апроцедура (emergency use authorization) аҳәаақәа ирҭагӡаны, "Спутник V" аклиникатә ҭҵаарақәа рдыррақәа рышьаҭалеи Венгриатәи аекспертцәа ргәаанагарақәа рышьаҭалеи.

Иара убас шәаԥхьар ҟалоит:

3