Sputnik Латвия вернулся к читателям в доменной зоне .com

Здәылгара аҭахымызгьы ргеит: Латвиа иаанкылаз ажурналист еиҭеиҳәеит иҩны ишеимдоз

20
(ирҿыцуп 12:37 15.01.2021)
Латвиа, МИА "Россия сегодня" азы аус ахьыруаз иахырҟьаны быжьҩык ажурналистцәа рганахьала ашьаусҭҵаара хацыркуп.

АҞӘА, ажьырныҳәа 14-Sputnik. Ԥхынҷкәынмза алагамҭазы Латвиа иаанкылаз урыс бызшәала иҩуа ажурналист Андреи Иаковлев латвиатәи Аҳәынҭқарратә шәарҭадаратә маҵзура аусзуҩцәа рхымҩаԥгашьа арепрессиатә ҟазшьа аман ҳәа ахиҳәааит.

Ажурналист иҿцәажәеит RT апроект #Своихнебросаем аҳәаақәа иҭагӡаны. Андреи Иаковлев, Baltnews.lv уаанӡатәи аредактор, еиҭеиҳәеит иҩны иҩналаны ишеимдоз.

"Зегьы сымархит. Здәылгара аҭахымыз амаҭәарқәагьы ргеит. Уажәааигәа идырхынҳәит амодем, уа аинформациа ҳәа акгьы анӡамызт, иара убас ароутер", - иҳәеит Иаковлев.

Латвиа МИА "Россия сегодня" аҿы аус ахьыруаз иахырҟьаны быжьҩык ажурналистцәа рганахьала ашьаусҭҵаара хацыркуп. Аҳәынҭқарратә шәарҭадаратә маҵзураҿы иазгәарҭеит ажурналистцәа ишеиларгаз Латвиа иаланагалаз амилаҭтә санкциақәа (Латвиа АЗ ахәҭаҷ 84).

Уи аԥхьа, Латвиа Аҳәынҭқарратә шәарҭадаратә маҵзура ԥхынҷкәын 3 рзы аԥшаарақәеи аҿахәҿыхрақәеи мҩаԥыргеит. Астатиа зкьыԥхьыз авторцәеи урыстәылатәи апорталқәа Baltnews-и Sputnik Латвиеи ртехника рымырхит. Амаҵзура аусзуҩцәа ааныркылеит, рҿахәы рҿыхны иоурышьҭит фҩык латвиатәи авторцәа, Baltnews.lv уаанӡатәи аредактор Андреи Иаковлев, апублицист Владимир Линдерман, ажурналистцәа Андреи Солопенкои Алла Березовскаиеи.

Урыстәыла Адәныҟатәи аусқәа рминистрраҿгьы иақәыӡбеит латвиатәи амчрақәа рхымҩаԥгашьа урыс бызшәала иҩуа ажурналистцәа рганахьала. Иҟалаз "АИХқәа рхақәиҭреи ахатә гәаанагара аҳәареи ирҿагылоу ҿырԥшуп" ҳәа азгәарҭеит дара.

Иара убас шәаԥхьар ҟалоит:

20

Медведев Урыстәылеи Америкеи реизыҟазаашьа ахәшьара аиҭеит

1
Медведев иажәақәа рыла, аҵыхәтәантәи аамҭақәа рзы Урыстәылеи Америкеи аконфронтациа мҩа, "аибашьра хьшәашәа" аамҭа иазыхынҳәит.

АҞӘА, мшаԥы 23 - Sputnik. Дмитри Медведев Урыстәылеи Америкеи реизыҟазаашьа ахәшьара аҭео иҳәеит акризис ҟазшьа амоуп ҳәа. Абри атәы аанацҳауеит РИА Новости.

Иара игәаанагарала, арҭ рҩызцәа аҭагылазаашьақәа иҵегь еибарххар зылшо аҭагылазаашьақәа, бџьаршьҭыхла аиҿагылараҟынӡа инанагар алшоит.

"Аҳәынҭқаррақәа ҩба рыбжьара аамҭарацәала асеиԥш иҟоу аизыҟазаашьақәа аныҟоу акризис ауп иахьӡу", - ҳәа иҳәеит иара.

Медведев абри аконтекст ала игәалаиршәеит 1962 шықәсазтәи Карибтәи акризис. "Усҟантәи аамҭақәа даҽакала ишыҟазгьы, аҭагылазаашьақәа акыр еиԥшуп", - ҳәа иҳәоит иара.

Иазгәеиҭеит ЕАА адәныҟатә политика Асовет еидгыла асеиԥш аҭак аҟаҵарахь ишагәыҵасуаз.

1950-1960-тәи ашықәсқәа раан ас шакәыз ҿырԥштәыс иҟоуп америкатәи аракетақәа Ҭырқәтәыла, Аладатәи Виетнам, Ливан рықәыргылара.

"Иахьа – уи иаҿырԥштәәны иҟоуп асанкциақәа, НАТО Урыстәыла аҳәаақәа рзааигәахара, "Северный поток 2" аҿагылара, украинатәи азҵаара уҳәа егьырҭгьы. Асеиԥштәи аполитика есыҽны иаабо ауп" ҳәа иҳәеит Медведев.

1

Шоигу урыстәылатәи архәҭақәа рҿы аҽазыҟаҵара агәаҭара шхыркәшоу иҳәеит

2
(ирҿыцуп 11:13 23.04.2021)
Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

АҞӘА, мшаԥы 23 - Sputnik. Урыстәыла атәылахьчара аминистр Сергеи Шоигу Ҟрым имҩаԥысуаз аилацәажәараҿы аҳәамҭа ҟаиҵеит Аладатәии Мраҭашәаратәии арратә округқәа рыруаа разыҟаҵара агәаҭара хыркәшаны мшаԥы 23 рзы аруаа ргыларҭа ҭыԥқәа рахь ишыхынҳәуа. Абри атәы аанацҳауеит РИА Новости.

Шоигу иҳәеит Аладатәии Мраҭашәаратәии арратә округқәа рыруаа разыҟаҵараан рҿаԥхьа иқәгылаз ауснагӡатәқәа зегьы шьахәны инарыгӡеит ҳәа.

"Иахьа (мшаԥы 22 рзы - аред.) аполигон "Опук" аҿы имҩаԥысит Аладатәи арратә округи Аҳаир-десанттә ари реицҽазыҟаҵара ахыркәшаратә етап. Ар қәҿиарала рнапынҵатә комплекс нарыгӡеит Урыстәыла аладатәи аҳәаақәа рыхьчаразы", - иҳәеит иара мшаԥы 22 рзы.

Аминистр иазгәеиҭеит Аҩадаатлантикатә алианс Урыстәыла аҳәаақәа рааигәара активла ахы шымҩаԥнаго.

"Ари арегион аҿы НАТО аруаа активла рхы аадырԥшуа иалагеит. Аԥшыхәратә усқәа мҩаԥыргоит", -  иҳәеит Шоигу.

Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

Иара убас шәаԥхьар ҟалоит:

2

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

0
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

0