ВОЗ аҿы акоронавирус алахьынҵа иалацәажәеит

9
(ирҿыцуп 12:41 26.01.2021)
Аҭоурых аҿы иҟалахьеит аепидемиақәа акыршықәса ианықәымҵуа. Убри аан ашәарҭара аҿар ҭагылон избанзар аиҳабацәа аамҭақәак рышьҭахь аиммунитет шьҭыркаауан.

АҞӘА, ажьырныҳәа 26 – Sputnik. Агәабзиарахьчаразы адунеизегьтә еиҿкаара (ВОЗ) агәабзиарахьчара аусхк аҟны аҭагылазаашьа ҷыдақәа рыпрограмма адиректор Маикл Раиан иҳәеит апандемиа иаҿагыланы еиҭа акыршықәса ақәԥара аҭаххоит ҳәа. Абри атәы аанацҳауеит РИА Новости.

"Апрогресс амазаара шҳалҳаршазгьы COVID-19 иаҿагыланы ақәԥараҿы, аепидемиа аиааира усеиԥш ишымариам аабартә иҟоуп еиуеиԥшым аҟазшьақәа рыла", - иҳәеит иара абрифинг аҿы.

Раиан иазгәеиҭеит, иахьа адунеи зегьы аҿы COVID-19 змоу ауаа шыҟоу, авирус аанкыларагьы шыуадаҩу, убри аан иҭыжьу алаҵа апандемиа аанкыларазы ишазымхо.

Ус шакәугьы аексперт иазгәеиҭеит имҩаԥырго аусқәа зегьы башаны ишыҟам, урҭ есыҽны COVID-19 ахыԥхьаӡара шеиҵартәуа.

Раиан иара убасгьы иҳәеит, аҭоурых аҿы ишыҟалахьо аепидемиақәа акыршықәса ианықәымҵуаз аамҭақәа. Убри аан ашәарҭара аҿар ҭагылон избанзар аиҳабацәа аамҭақәак рышьҭахь аиммунитет шьҭыркаауан азы.

9
Атемақәа:
Аҿкычымазара – акоронавирус Аԥсни адунеи аҿи: иалкаау (1086)

120 миллион шәҭы Урыстәылаҟа инашьҭуп жәабран 15 раахыс

5
(ирҿыцуп 10:20 05.03.2021)
Аҳәса рымшныҳәа аламҭалаз Урыстәылаҟа иаларгалоит ашәҭқәа рацәаны. Аиҳарак Нидерландқәеи Еквадори рҟынтә.

АҞӘА, хәажәкыра 5 - Sputnik. 120 миллион шәҭы Урыстәылаҟа иаашьҭуп жәабран 15 инаркны хәажәкыра 3 рҟынӡа. Абри атәы аанацҳауеит Урыстәыла Афедералтә ҳазалхратә маҵзура.

Иарбоу аамҭазы Урыстәыла адекларациатә електронтә центрқәа ашәҟәы иҭаргалеит 9,15 нызқь тонна ашәҭ. Уи 2020 шықәсазы аасҭа ҩынтә еиҳауп (4259 тонн), 1,7 рыла еиҳауп 2019 шықәсазы (5271 тонн) аасҭа.

Уаанӡеиԥш сынтәагьы аекспортиор хадацәа ҳәа ишьоуп Нидерландқәеи Еквадори, иара убасгьы Кениеи Колумбиеи.

Аԥсны аҳазалхратә еилакы адыррақәа рыла, иахьазы 250 тонна 19 кьыла амимоза Аԥснынтәи иалыргахьеит. Ҵыԥх аасҭа ари арбага 50% рыла еиҳауп.

2020 шықәса абри аамҭазы 138 тонна 998 кьыла амимоза аҳәаа иахыган, 2019 шықәсазы – 175 тонна 22 кьыла.

5

Амедиагәыԥ "Россия сегодня" ажурналистцәеи аблогерцәеи рыбжьара аицлабра рыланаҳәеит

20
Амедиагәыԥ "Россия сегодня" ирыланаҳәаз ари аицлабра еицырдыруа адиктор Иури Левитан ихьӡ ахуп.

АҞӘА, хәажәкыра 4 - Sputnik. Амедиагәыԥ "Россия сегодня" еицырдыруа адиктор Иури Левитан ихьӡ зху аицлабра "Ҳаамҭа афырхаҵа" шхацнаркуа рыланаҳәеит.

Ажурналистцәеи аблогерцәеи ԥшь-номинациак: автортә телехәаԥшратә программа, автортә радиопрограмма, аудиоподкаст, авидеоблог рахь инарышьҭыр рылшоит русумҭақәа. Арзаҳалқәа рыдыркылоит 2021 шықәса лаҵара 5 рҟынӡа апроект адаҟьаҿы – асаит ria.ru.

Аицлабра ажиури иалахәуп еицырдыруа ажурналистцәа, ателе, арадиомҩаԥгаҩцәа, амедиаекспертцәа.

Ашорт-лист ркьыԥхьуеит рашәара 15 рзы апроект адаҟьаҿы. Иаиааиз рыхьӡқәа рылаҳәахоит 2021 шықәса рашәара 24 рзы онлаин-форматла.

Номинациацыԥхьаӡа аԥхьахә иартәоит 80 000 мааҭ. Иаиааиз иранашьахоит аԥаратә аԥхьахә, адиплом. 2, 3 аҭыԥ аанызкыло агәаларшәагатә дипломқәа роуеит.

"Аицлабра, зеиԥш дыҟамыз адиктор Иури Борис-иԥа Левитан ихьӡ зху, хацыркхеит "Совинформбюро" 80 шықәса ахыҵра аламҭалаз. Ҳара ҳзы апроект – аҽазныкгьы ҳаамҭа афырхацәа рыӡбахә алацәажәара алнаршоит. Иаҳҭахуп ажурналистцәеи аблогерцәеи рҟыбаҩ аарԥшра рылҳаршарц", - иҳәеит "Россия сегодня" адиректор хада Дмитри Киселев.

Аицлабра алахәылацәа русумҭақәа автортә стиль рымазароуп, аидеиа аоригиналра аҵазароуп, аҟазареи аҟыбаҩи рыдагьы азыӡырҩи ахәаԥшҩи ргәаҵанӡа инеиуазароуп.

Аицлабра хацыркхеит "Совинформбюро" 80 шықәса ахыҵра аламҭалаз. Аџьынџьтәылатә еибашьра аҩбатәи амш азы зшьапы зкыз "Совинформбюро" хыҵхырҭаны ироуит иналукааша жәларбжьаратәи ажәабжьтә маҵзурақәа: Акьыԥхьтә маҵзура "Новости", РИА Новости, Жәларбжьаратәи амедиагәыԥ "Россия сегодня".

Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы аҳәаанырцә иаҵанакуеит: амаҵзуреи арадиои Sputnik, Урыстәыла аҩныҵҟа – РИА Новости, Прайм, ИноСМИ, Украина.ру, Baltnews, ТОК. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала. "России сегодня" ажәабжьқәа рзыӡырыҩрра алшоит ателеграм-канал апресс-маҵзураҿы - "Зубовский, 4".

20

Аԥсны даҽа 21 акоронавирустә хҭыс ҿыц ашәҟәы иҭагалоуп

3
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау (1086)