Кирилл Вышински Киевтәи абахҭаҿы иҟазаара иазку 500 даҟьа змоу ашәҟәы ҭижьит

13
(ирҿыцуп 13:20 26.01.2021)
Урыстәылатәи ажурналист Кирилл Вышински 15 мзы инарзынаԥшуа украинатәи абахҭақәа рҟны дҭакын ипрофессионалтә усура дахырҟьаны.

АҞӘА, ажьырныҳәа 26 - Sputnik. Москва иҭыҵит амедиагәыԥ "Россия сегодня" анагӡаратә директор Кирилл Вышински ишәҟәы "Жил напротив тюрьмы…".

Ашәҟәы ахьӡ аагоуп Вышински Киевтәи аамҭалатәи аанкыларҭа (СИЗО) аҟынтәи иҩызцәа 2019 шықәса хәажәкырамзазы ирзиҩыз асаламшәҟәы иагәылаз алаф аҟынтәи:

"Сколлегацәа, салам шәысҭоит Киевнтә! Сыҩни сареи шьаҿақәак роуп иҳабжьоу. Алаф: "Уаанӡа сара абахҭа аҿаԥхьа сынхон, уажәы – сыҩны аҿаԥхьа" ззырҳәо среиуахеит".

Автор ишиҳәо ала ашәҟәы абахҭа акәӡам изызку. Вышински игәаанагарала ари гәыкала иҩу жәабжьуп, ҿаԥҽышьа змам афактқәа рыла ишьақәырӷәӷәоуп, абахҭа иҭашәаз ауаҩы имҟәра иацхраауа ирылацәажәоуп. Иалацәажәоуп аполитика ду еимгеимцарак ала ауаҩытәыҩса иԥсҭазаара аԥсахыр шауа.

"Исыздырам сенсациа дук аасырԥшуаны, аха урыстәыла-украинатәи абаандцәа реимдара "35 - 35" аарԥшра сылшеит ҳәа исыԥхьаӡоит. Зегь раасҭагьы исҭахыз 2014 шықәсазтәи Маидан ашьҭахьтәи Украина алацәажәароуп – Киев аус анызуаз издыруаз Украинеи, абахҭаҟынтә избоз Украинеи", - иҩуеит аԥхьажәаҿы Вышински.

Ателеканал RT амедиагәыԥ "Россия сегодня" рдиректор хада Маргарита Симониан ашәҟәы аннотациаҿы илҩит: "Кирилл Вышински – украинатәи аҿагылара асимволқәа дыруаӡәкуп, джурналист иашоуп, дықәԥаҩуп. Абарҭ роуп изызку ишәҟәгьы. Ашәҟәы изыԥхьатәу акоуп".

Ажьырныҳәа 26 инаркны ашәҟәы онлаин-дәқьанқәа рахь инашьҭуп.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵон. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Кирилл Вышински Урыстәыла ахада Владимир Путин иахь аҳәара ҟаиҵеит ацхырааразы. Убри аан Украина атәылауаҩра мап ацәикуан.

Урыстәыла ахада иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Урыстәылатәи  ажурналист Кирилл Вышински 15 мзы инарзынаԥшуа  украинатәи абахҭақәа рҟны дҭакын ипрофессионалтә усура дахырҟьаны. Вышински ихы дақәиҭтәын 2019 шықәса нанҳәа 28 рзы. Цәыббра 7 рзы Урыстәылаҟа дхынҳәит.

13

Ахсаалага "Мир" аҟынтәи аҳәаанырцәтә електронтә ԥараҭрақәа рхарҭәаара ааныркылоит

8
(ирҿыцуп 16:00 01.03.2021)
Агәыҩбара узҭаша аоперациақәа ирхырҟьаны аҳәаанырцәтә електронтә ԥараҭрақәа рҟынтә аоперациақәа рзин аанкылоуп.

АҞӘА, хәажәкыра 1 - Sputnik. Аҳәаанырцәтә електронтә ԥараҭрақәа ахсаалага "Мир" аҟынтәи рхарҭәаара ҟалом мшаԥымза 27 инаркны ҳәа аҩуеит РБК атехнологиатә биуллетень адыррақәа шьаҭас иганы.

"Агәыҩбара узҭаша аоперациақәа рзы иҟоу ашәара аԥырҟәҟәаара хықәкыс иганы аҳәаанырцәтә електронтә ԥараҭрақәа рҟынтә аоперациақәа рзин аанкылахоит", - ҳәа аҳәоит адокумент аҿы.

Амилаҭтә ԥарашәаратә хеилак анапхгара аиҳабы Алма Обаева ишылҳәо ала, аелектронтә ԥараҭрақәа рхарҭәаараз аоперациақәа раанкылара аԥарашәаратә маҵзурақәа QIWI, ЮMoney (уаанӡатәи "Яндекс.Деньги") рҭоурых иеиԥшхар ҟалоит. 2020 шықәса ԥхынҷкәынмзазы Урыстәыла АХ мап ацәнакит Урыстәылантәи Ваҳәаанырцәтә интернет-дәқьанқәа рахь аԥара аиагара.

Обаева илҳәеит аԥхьаӡамҭақәа онлаин-казино, абукмекерцәа уҳәа иртәызар шауа.

Убри аан аекспертцәа ргәаанагарала "Мир" аҟынтәи аԥараиагара аҭбаара амамызт ахсаалага атәылақәа жәпакы рҿы амаҵзура ахьамамыз азы.

8

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

10
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

10

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау