Урыстәылеи Еиду Аштатқәеи еилацәажәеит Москва ишаҳәаз еиԥш ДСНВ-3 аҿҳәара иацҵазарц

3
(ирҿыцуп 12:09 27.01.2021)
СНВ-3 азы аиқәшаҳаҭра аҿҳәара ацҵаразы аӡбара астратегиатә ҭышәынтәаларазы Америкеи Урыстәылеи инарҭбааны реилацәажәара аамҭа анаҭоит ҳәа иҳәеит Урыстәыла ААР аминистр ихаҭыԥуаҩ Сергеи Риабков.

АҞӘА, ажьырныҳәа 27 – Sputnik. Урыстәылеи Еиду Аштатқәеи еилацәажәеит ДСНВ-3 аҿҳәара иацҵазарц Урыстәыла аҭахрақәа инарықәыршәаны ҳәа иҳәеит Урыстәыла Адәныҟатәи Аусқәа рминистр ихаҭыԥуаҩ Сергеи Риабков.

"Ҳара ҳҭахрақәа инарықәыршәаны: хәышықәса ҿҳәарас иаҭаны уаҳа даҽа ҭагылазаашьак азгәамҭакәа, акы ацымҵакәа", - ҳәа иҳәеит Риабков ажурналистцәа аинтервиу рыҭо.

Уаанӡа Урыстәылеи Америкеи рхадацәа Владимир Путини Џьозеф Баидени ҭелла еицәажәеит. Аҩыџьагьы иазгәарҭеит СНВ аҿҳәара ацҵаразы аиқәшаҳаҭра хра аманы ишыҟоу. Аҩны Шкәакәа адыррақәа рыла Баидени Путини анапынҵақәа ҟарҵеит русзуҩцәа жәабран 5 рҟынӡа СНВ-3 аҿҳәара ацҵара ахьӡаразы аус руларц. Урыстәыла Аҳәынҭдума адыррақәа рыла, Владимир Путин Адумахь инаишьҭит Урыстәылеи Америкеи рыбжьара аиқәшаҳаҭра азакәан апроект аратификациа азуразы. Аиқәшаҳаҭра СНВ-3 – мшаԥы 8, 2010 шықәса рзы Урыстәылеи Америкеи ирыбжьарҵаз еиқәшаҳаҭроуп, астратегиатә иадертә бџьар амазаара аицыркьаҿра иазырхоуп. Уи аҿҳәара нҵәараны иҟоуп жәабран 5 рзы. Уажәтәи адокумент инақәыршәаны даҽа хәышықәса, 2026 шықәса жәабран 5 рҟынӡа аҿҳәара иацҵахоит.

Аиқәшаҳаҭра СНВ-3 (ДСНВ) раԥхьатәи анапаҵаҩра мҩаԥган 2011 шықәса жәабран 5 рзы.

Иара иазԥхьагәанаҭоит астратегиатә иадертә бџьар амазаара аицыркьаҿра, ԥхьаҟа атәылақәа рыҩба еицрымо аконтинентабжьаратә баллистикатә ракетақәа 700 иреиҳамзарц, аӡаҵаҟатә ӷбақәеи абомбакажьга ҳаирпланқәеи иныҟәырго абаллистикатә ракетақәагьы уи ахыԥхьаӡара еиҳамзарц, аҭырҟьаратә шьақәгылақәа ракәзар - 800 иреиҳамзарц.

Иахьазы СНВ-3 – Урыстәылеи Америкеи рыбжьара абџьар аԥкразы ирыбжьоу ари аиқәшаҳаҭра заҵәык ауп. Иара аҿҳәара нҵәоит 2021 шықәса жәабран 5 рзы.

Аҿҳәара иацҵамхар, адунеи аҿы иҟалом даҽа еиқәшаҳаҭрак аиадертә ҳәынҭқаррақәа рабџьар амазаара ԥызкуа.

Аиқәшаҳаҭра рнапы аҵаҩын Урыстәыла уаанӡатәи ахада Дмитри Медведеви Барак Обамеи мшаԥы 8, 2010 шықәса рзы, Прага. Азинмчра аиуит жәабран 5, 2011 шықәса рзы.

3

Ахсаалага "Мир" аҟынтәи аҳәаанырцәтә електронтә ԥараҭрақәа рхарҭәаара ааныркылоит

7
(ирҿыцуп 16:00 01.03.2021)
Агәыҩбара узҭаша аоперациақәа ирхырҟьаны аҳәаанырцәтә електронтә ԥараҭрақәа рҟынтә аоперациақәа рзин аанкылоуп.

АҞӘА, хәажәкыра 1 - Sputnik. Аҳәаанырцәтә електронтә ԥараҭрақәа ахсаалага "Мир" аҟынтәи рхарҭәаара ҟалом мшаԥымза 27 инаркны ҳәа аҩуеит РБК атехнологиатә биуллетень адыррақәа шьаҭас иганы.

"Агәыҩбара узҭаша аоперациақәа рзы иҟоу ашәара аԥырҟәҟәаара хықәкыс иганы аҳәаанырцәтә електронтә ԥараҭрақәа рҟынтә аоперациақәа рзин аанкылахоит", - ҳәа аҳәоит адокумент аҿы.

Амилаҭтә ԥарашәаратә хеилак анапхгара аиҳабы Алма Обаева ишылҳәо ала, аелектронтә ԥараҭрақәа рхарҭәаараз аоперациақәа раанкылара аԥарашәаратә маҵзурақәа QIWI, ЮMoney (уаанӡатәи "Яндекс.Деньги") рҭоурых иеиԥшхар ҟалоит. 2020 шықәса ԥхынҷкәынмзазы Урыстәыла АХ мап ацәнакит Урыстәылантәи Ваҳәаанырцәтә интернет-дәқьанқәа рахь аԥара аиагара.

Обаева илҳәеит аԥхьаӡамҭақәа онлаин-казино, абукмекерцәа уҳәа иртәызар шауа.

Убри аан аекспертцәа ргәаанагарала "Мир" аҟынтәи аԥараиагара аҭбаара амамызт ахсаалага атәылақәа жәпакы рҿы амаҵзура ахьамамыз азы.

7

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

10
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

10

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

23
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

23