Иԥсҭазаара далҵит актиор Васили Лановои

7
(ирҿыцуп 11:48 29.01.2021)
Васили Лановои иԥшәмаԥҳәыс, актриса Ирина Купченкои акоронавирус рыманы ажьырныҳәамзазы ахәышәтәырҭахь инаган.

АҞӘА, ажьырныҳәа 29 - Sputnik. СССР Жәлар рартист Васили Лановои иԥсҭазаара далҵит 88 шықәса дшырҭагылаз. Абри атәы аанацҳауеит РИА Новости Москва ахада Сергеи Собианин идыррақәа шьаҭас иҟаҵаны.

Васили Лановои иԥшәмаԥҳәыс, актриса Ирина Купченкои акоронавирус рыманы ажьырныҳәамзазы ахәышәтәырҭахь инаган. Мышқәак раԥхьа иара деицәахан ареанимациахь диаган.

"Ажәабжь бааԥс ҳзааиит. Иԥсҭазаара далҵит артист ду, жәлар зегьы бзиа еицырбоз Васили Семион-иԥа Лановои, зфырхацәа миллионҩыла ахәаԥшцәа рҿыԥшуаз. Лановои иаԥиҵаз ахаҿқәа хашҭшьа змам роуп… срыдашшылоит Васили Семион-иԥа иҭаацәа", - иҩуеит Сабианин Instagram аҿы.

Урыстәыла ААР аофициалтә хаҭарнак Мариа Захарова Facebook аҿы илҩит Лановои амц иаҿагылаз, оумашәа аиашара иазықәԥоз шиакәыз. "Дтәылауаҩ иашаҵәҟьан" ҳәа изылҳәоит.

Васили Лановои иԥсҭазаара абжак аҿар апатриотизми аԥсадгьыл абзиабареи рылааӡара иазикхьан ҳәа лҳәоит аиҿкаара "Волонтеры Победы" аиҳабы Ольга Амельченкова.

"Епоха дук ҳацәцеит", - лҳәеит Амельченкова.

Аиҿкаара "Урыстәыла ԥсра зқәым архәҭа" ацхантәаҩ Елена Цунаева илҳәеит "Ԥсра зқәым архәҭа" Васили Лановои ахааназгьы баҟас ишизыҟало, иара акциа аиҿкааҩцәа дшыруаӡәкыз, ԥсыс иахаз дышреиуаз.

"Ахьӡ, Аԥша, Аламыс, Аԥшӡара, Афырхаҵара, Аиааира баҟаҵас дырзыҟан", - азгәаҭоуп Евгени Вахтангов ихьӡ зху атеатр аҟынтәи анекролог аҿы.

Сценак аҿы ицыхәмаруаз актриса Нонна Гришаева илҳәоит Лановои иҟыбаҩ аҽакы ишаламҩашьоз.

Васили Лановои диит ажьырныҳәа 16 1934 шықәса рзы Москва. 1953 шықәса рзы МАУ ажурналистика афакультет дҭалоит, нас – Шьчукин ихьӡ зху Атеатртә ҵараиурҭа, дагьалгоит 1957 шықәса рзы.

Акино аҿы 70 рҟынӡа роль дыхәмархьан. Лановои дызлахәыз акиносахьақәа иреиуоуп: "Алые паруса", "Война и мир", "Офицеры", "Семнадцать мгновений весны", "Анна и Командор", "Дни Турбиных" уҳәа егьырҭгьы.

Илшамҭақәа рзы ианашьан аорден "Аԥсадгьыл аҿаԥхьа алшамҭақәа рзы", Аҳаҭыр аорден, аԥхьахәқәа "Ахьтәы сабрада", "Аҵәцаш Турандот" уҳәа егьырҭгьы.

Лановои апатриоттә акциа "Ԥсра зқәым архәҭа" ахылаԥшратә хеилак ахантәаҩыс дыҟан.

7

Нигериа 300-ҩык ашколӡӷабцәа мҵадырсит

5
(ирҿыцуп 13:25 26.02.2021)
Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

АҞӘА, жәабран 26 - Sputnik. Нигериа аҩада-мраҭашәаратәи аштат Замфара аҿы атеррористцәа азеиԥшынхарҭаҟынтәи 300-ҩык ашколӡӷабцәа мҵадырсит ҳәа аанацҳауеит РИА Новости агазеҭ PM News адыррақәа ҵаҵӷәыс иҟаҵаны.

Атеррористцәа ақәылара руит ахәаша ауха, аиланхарҭа Джангебе абжьаратә школаҿы. Иҟоу адыррақәа рыладара ашкол ааигәара игылаз арратә пост  иақәлеит, нас ашкол иажәлеит. Аӡӷабцәа ахыбра идәылыргеит асааҭ 02.00 (04.00 мск) рзы.

Аррамаҵзурауаа ажәылараан ахәрақәа роузар ҟалоит. Аҭыԥатәи ауаа аӡӷабцәа реиқәырхаразы аԥшаарақәа ирҿуп.

Ашкол адиректор агазеҭ Punch иазеиҭеиҳәеит ақәылаҩцәа аҵх рҽалакны машьыналеи амотациклқәа рылеи ишааз. Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

5

Роспотребнадзор Урыстәылеи адунеии рҿы коронавирустә ҭагылазаашьа еиҿнарԥшит

2
(ирҿыцуп 12:32 26.02.2021)
Жәабран 20 рзы Урыстәыла ашәҟәы иҭаргалеит акоронавирус аҟынтәи ахԥатәи алаҵа КовиВак (Чумаков ихьӡ зху Ацентр).

АҞӘА, жәабран 26- Sputnik. Урыстәыла аепидемпроцесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп ҳәа аҳәамҭа ҟалҵеит Роспотребнадзор аиҳабы Анна Попова. Абри атәы аанацҳауеит РИА Новости.

"Апандемиаамҭаан Урыстәыла аепидемиатә процесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп. Уи ҳҵарауааи ҳапрактикцәеи роуп изџьушьаша", - лҳәеит Попова Урыстәылатәи аҭоурыхтә еилазаараҿы иаартыз ацәыргақәҵаҿ.

Роспотребнадзор аиҳабы лгәаанаграла Урыстәыла акоронавирус аҟынтәи алаҵақәа хԥа рыла алаҵаҟаҵара алыршара ԥыжәара дуӡӡоуп, игәадуроуп.

Иара убас шәаԥхьар ҟалоит:

 

2
Атемақәа:
Аҿкычымазара – акоронавирус Аԥсни адунеи аҿи: иалкаау

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

0
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

0