Урыстәыла аҵараиурҭақәа жәабран 8 рынахыс латәаратәи аҵара иазыхынҳәуеит

6
(ирҿыцуп 13:06 29.01.2021)
Аректорцәа анапынҵақәа рыҭоуп ауниверситетқәеи аинститутқәеи астудентцәа рыдкылара иаздырхиарц, иара убасгьы коронавирус аламырҵәаразы аусқәа еиҿыркаарц.

АҞӘА, ажьырныҳәа 29 - Sputnik. Урыстәыла аҵараиурҭақәа жәабран 8 рынахыс латәаратәи аҵара иазыхынҳәуеит Роспотребнадзор аҵакыратә усбарҭақәа рақәшаҳаҭрала ҳәа аанацҳауеит РИА Новости Аҵара аминистрра адҵа ҵаҵӷәыс иҟаҵаны.

Адҵа амчра аиуеит жәабран 7 рзы аха аҵараиурҭақәа русура аартхоит ашәахьа, жәабран 8 рзы.

Аректорцәа анапынҵақәа рыҭоуп ауниверситетқәеи аинститутқәеи астудентцәа рыдкылара иаздырхиарц, иара убасгьы коронавирус аламырҵәаразы аусқәа еиҿыркаарц.

Зегьы асабрадақәа ныҟәыргалароуп, асоциалтә дистанциа азгәарҭалароуп. Ахыбрақәа, акрыфарҭақәа рыҩналарҭаҟны арзҩыдагақәа ықәдыргылоит, ашоура ршәалоит, аинфекциатә ҟазшьа змоу ҩнарыжьлом. Аԥсшьараамҭақәа раан аудиториақәа аԥша рыҩнадырсуеит.

Адокумент аҿы иазгәаҭоуп аепидемиологиатә ҭагылазаашьа еицәахар аԥкырақәа ишырзыхынҳәуа.

Аминистрраҿы иазгәарҭеит аҵараҵара атрадициатә формат азыхынҳәра  Аҵара аминистр Валери Фальков имҩаԥигаз Урыстәылатәи аректорцәа рхеилак аилатәараҿ еиҳа азхьаԥшра змаз зҵаараны ишыҟаз. Фальков иара убасгьы иазгәеиҭеит аҳәаанырцәтәи астудентцәа  аҵаратә процесс инарҭбааны ралархәра шалшо аԥкырақәа анаԥырхлак ашьҭахь.

Уажәы аҵараиурҭақәа Роспотребнадзор абжьгарақәа – латәаратәи-латәарадатәии латәарадатәии аформақәа ирҭоу астудентцәа адистанциатә ҵарахь риагареи 65 шықәса ирҭысхьоуи ачымазарақәа зцәа иалоуи арҵаҩцәа русура аамҭала аанкылареи – ирықәныҟәоит.

6

Нигериа 300-ҩык ашколӡӷабцәа мҵадырсит

5
(ирҿыцуп 13:25 26.02.2021)
Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

АҞӘА, жәабран 26 - Sputnik. Нигериа аҩада-мраҭашәаратәи аштат Замфара аҿы атеррористцәа азеиԥшынхарҭаҟынтәи 300-ҩык ашколӡӷабцәа мҵадырсит ҳәа аанацҳауеит РИА Новости агазеҭ PM News адыррақәа ҵаҵӷәыс иҟаҵаны.

Атеррористцәа ақәылара руит ахәаша ауха, аиланхарҭа Джангебе абжьаратә школаҿы. Иҟоу адыррақәа рыладара ашкол ааигәара игылаз арратә пост  иақәлеит, нас ашкол иажәлеит. Аӡӷабцәа ахыбра идәылыргеит асааҭ 02.00 (04.00 мск) рзы.

Аррамаҵзурауаа ажәылараан ахәрақәа роузар ҟалоит. Аҭыԥатәи ауаа аӡӷабцәа реиқәырхаразы аԥшаарақәа ирҿуп.

Ашкол адиректор агазеҭ Punch иазеиҭеиҳәеит ақәылаҩцәа аҵх рҽалакны машьыналеи амотациклқәа рылеи ишааз. Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

5

Роспотребнадзор Урыстәылеи адунеии рҿы коронавирустә ҭагылазаашьа еиҿнарԥшит

2
(ирҿыцуп 12:32 26.02.2021)
Жәабран 20 рзы Урыстәыла ашәҟәы иҭаргалеит акоронавирус аҟынтәи ахԥатәи алаҵа КовиВак (Чумаков ихьӡ зху Ацентр).

АҞӘА, жәабран 26- Sputnik. Урыстәыла аепидемпроцесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп ҳәа аҳәамҭа ҟалҵеит Роспотребнадзор аиҳабы Анна Попова. Абри атәы аанацҳауеит РИА Новости.

"Апандемиаамҭаан Урыстәыла аепидемиатә процесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп. Уи ҳҵарауааи ҳапрактикцәеи роуп изџьушьаша", - лҳәеит Попова Урыстәылатәи аҭоурыхтә еилазаараҿы иаартыз ацәыргақәҵаҿ.

Роспотребнадзор аиҳабы лгәаанаграла Урыстәыла акоронавирус аҟынтәи алаҵақәа хԥа рыла алаҵаҟаҵара алыршара ԥыжәара дуӡӡоуп, игәадуроуп.

Иара убас шәаԥхьар ҟалоит:

 

2
Атемақәа:
Аҿкычымазара – акоронавирус Аԥсни адунеи аҿи: иалкаау

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

0
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

0