Медведев Ҟарабах аҭагылазаашьа аҭышәныртәаларазы: Ҭырқәтәылагьы алархәтәуп

14
(ирҿыцуп 14:15 01.02.2021)
Цәыббрамза анҵәамҭазы Ашьха Ҟарабах аибашьра еиҭалагеит. Ҩымз рышьҭахь ауп ианалыршаха х-ганктәи аиқәшаҳаҭрала ахымца аанкылара.

АҞӘА, жәабран 1 - Sputnik. Ҟарабах аҭагылазаашьа аҭышәныртәаларазы Ҭырқәтәылагьы аилацәажәара иалархәтәуп ҳәа аҳәамҭа ҟаиҵеит Урыстәыла Ашәарҭадаратә хеилак ахантәаҩ ихаҭыԥуаҩ Дмитри Медведев, ҳәа аҩуеит РИА Новости.

"Ҭырқәтәыла – ҳгәыларатә ҳәынҭқарроуп, иаҳзааигәоу партниоруп. Иара убасгьы Азербаиџьан иазааигәоу тәылоуп. Ари афактор аганахь аважьра аҭахым",- иҳәеит иара урыстәылатәи ажурналистцәа аинтервиу анриҭоз, Ҟарабах Ҭырқәтәыла ароль азы азҵаара аҭак ҟаҵо.

Медведев иҳәеит Ҭырқәтәылеи Урыстәылеи рхадацәа адиалог бзиа рыбжьоуп ҳәа. Ажьырныҳәа 30 рзы аиланхарҭа Киамаддинли аҟны 2020 шықәса абҵара 11 рзы Урыстәылеи Ҭырқәтәылеи ртәылахьчаратә министррақәа рнапы зҵарҩыз амеморандум инақәыршәаны иаартуп Ашьха Ҟарабахтәи аимак азонаҿы аицхылаԥшразы аурыс-аҭырқәа центр.

"Аригьы азеиԥш ҭышәныртәалара иахәҭоуп. Ари ахаратә политикак аиԥш ахәшьара асҭом, аха арегион аҿы иахьазы иҟоу ҭагылазаашьак аҳасаб ала азхьаԥшра аҭахуп. Ус анакәха иахьазы азҵаара аӡбара Ҭырқәтәылатәи ҳпартниорцәагьы алахәызароуп",- азгәеиҭеит Медведев.

Ҟарабах астатус ӡбам, аха уи ԥхьаҟа излацәажәатәу ауп, иахьазы изаауп ҳәа иҳәеит Дмитри Медведев.

1991 шықәсазы Ашьха Ҟарабах Азербаиџьан аҟынтәи ахьыԥшымра рыланаҳәеит. Бақәа акәзар иара иузаҟәымыҭхо хәҭакны иаԥхьаӡоит Ҟарабах. Ермантәыла акәзар, арегион аҿы ахалахатәҳәаақәҵара азин иадгылаҩуп. Иара Ашьха Ҟарабах акәзар Азербаиџьан алахәра зынӡагьы иаднакылом.

"Иахьазы астатус азҵаар аӡбра амам, иҟоу аҭагылазаашьала уи алацәажәара заауп, ишәарҭоуп, еицәоу ахь икылнагар алшоит. Аганқәа ирҳәо зынӡа ихазхазуп. Иара Ермантәыла аҩныҵҟаҵәҟьа аимак-аиҿак амоуп",- иҳәеит иара.

1988 шықәсазы зхы зкыз ҟарабахтәи аимак ахы еиҭацәырнагеит 2020 шықәса цәыббрамзазы. Ҩымз рыҩныҵҟа аганқәа аинышәара акырынтә рҽазыршәахьан, аха алҵшәа зауз абҵара 10 рзы имҩаԥгаз х-ганктәи аиқәшаҳаҭра акәхеит.

Иара убас шәаԥхьар ҟалоит:

  • Ашьха Ҟарабах урыстәылатәи аҭынчреиҿкааҩцәа рзы аиланхарҭа маҷ дыргылеит
14

120 миллион шәҭы Урыстәылаҟа инашьҭуп жәабран 15 раахыс

5
(ирҿыцуп 10:20 05.03.2021)
Аҳәса рымшныҳәа аламҭалаз Урыстәылаҟа иаларгалоит ашәҭқәа рацәаны. Аиҳарак Нидерландқәеи Еквадори рҟынтә.

АҞӘА, хәажәкыра 5 - Sputnik. 120 миллион шәҭы Урыстәылаҟа иаашьҭуп жәабран 15 инаркны хәажәкыра 3 рҟынӡа. Абри атәы аанацҳауеит Урыстәыла Афедералтә ҳазалхратә маҵзура.

Иарбоу аамҭазы Урыстәыла адекларациатә електронтә центрқәа ашәҟәы иҭаргалеит 9,15 нызқь тонна ашәҭ. Уи 2020 шықәсазы аасҭа ҩынтә еиҳауп (4259 тонн), 1,7 рыла еиҳауп 2019 шықәсазы (5271 тонн) аасҭа.

Уаанӡеиԥш сынтәагьы аекспортиор хадацәа ҳәа ишьоуп Нидерландқәеи Еквадори, иара убасгьы Кениеи Колумбиеи.

Аԥсны аҳазалхратә еилакы адыррақәа рыла, иахьазы 250 тонна 19 кьыла амимоза Аԥснынтәи иалыргахьеит. Ҵыԥх аасҭа ари арбага 50% рыла еиҳауп.

2020 шықәса абри аамҭазы 138 тонна 998 кьыла амимоза аҳәаа иахыган, 2019 шықәсазы – 175 тонна 22 кьыла.

5

Амедиагәыԥ "Россия сегодня" ажурналистцәеи аблогерцәеи рыбжьара аицлабра рыланаҳәеит

20
Амедиагәыԥ "Россия сегодня" ирыланаҳәаз ари аицлабра еицырдыруа адиктор Иури Левитан ихьӡ ахуп.

АҞӘА, хәажәкыра 4 - Sputnik. Амедиагәыԥ "Россия сегодня" еицырдыруа адиктор Иури Левитан ихьӡ зху аицлабра "Ҳаамҭа афырхаҵа" шхацнаркуа рыланаҳәеит.

Ажурналистцәеи аблогерцәеи ԥшь-номинациак: автортә телехәаԥшратә программа, автортә радиопрограмма, аудиоподкаст, авидеоблог рахь инарышьҭыр рылшоит русумҭақәа. Арзаҳалқәа рыдыркылоит 2021 шықәса лаҵара 5 рҟынӡа апроект адаҟьаҿы – асаит ria.ru.

Аицлабра ажиури иалахәуп еицырдыруа ажурналистцәа, ателе, арадиомҩаԥгаҩцәа, амедиаекспертцәа.

Ашорт-лист ркьыԥхьуеит рашәара 15 рзы апроект адаҟьаҿы. Иаиааиз рыхьӡқәа рылаҳәахоит 2021 шықәса рашәара 24 рзы онлаин-форматла.

Номинациацыԥхьаӡа аԥхьахә иартәоит 80 000 мааҭ. Иаиааиз иранашьахоит аԥаратә аԥхьахә, адиплом. 2, 3 аҭыԥ аанызкыло агәаларшәагатә дипломқәа роуеит.

"Аицлабра, зеиԥш дыҟамыз адиктор Иури Борис-иԥа Левитан ихьӡ зху, хацыркхеит "Совинформбюро" 80 шықәса ахыҵра аламҭалаз. Ҳара ҳзы апроект – аҽазныкгьы ҳаамҭа афырхацәа рыӡбахә алацәажәара алнаршоит. Иаҳҭахуп ажурналистцәеи аблогерцәеи рҟыбаҩ аарԥшра рылҳаршарц", - иҳәеит "Россия сегодня" адиректор хада Дмитри Киселев.

Аицлабра алахәылацәа русумҭақәа автортә стиль рымазароуп, аидеиа аоригиналра аҵазароуп, аҟазареи аҟыбаҩи рыдагьы азыӡырҩи ахәаԥшҩи ргәаҵанӡа инеиуазароуп.

Аицлабра хацыркхеит "Совинформбюро" 80 шықәса ахыҵра аламҭалаз. Аџьынџьтәылатә еибашьра аҩбатәи амш азы зшьапы зкыз "Совинформбюро" хыҵхырҭаны ироуит иналукааша жәларбжьаратәи ажәабжьтә маҵзурақәа: Акьыԥхьтә маҵзура "Новости", РИА Новости, Жәларбжьаратәи амедиагәыԥ "Россия сегодня".

Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы аҳәаанырцә иаҵанакуеит: амаҵзуреи арадиои Sputnik, Урыстәыла аҩныҵҟа – РИА Новости, Прайм, ИноСМИ, Украина.ру, Baltnews, ТОК. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала. "России сегодня" ажәабжьқәа рзыӡырыҩрра алшоит ателеграм-канал апресс-маҵзураҿы - "Зубовский, 4".

20

Аԥсны даҽа 21 акоронавирустә хҭыс ҿыц ашәҟәы иҭагалоуп

3
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау