Урыстәыла акоронавирус "аеталонтә" штамм аԥырҵеит

10
(ирҿыцуп 19:00 04.02.2021)
Аштамм иалшоит ачымазара ахәышәтәра, ахәшә ҿыцқәа раԥҵара, авирус иҟанаҵо аҽеиҭакра ашьклаԥшра ҳәа агәаанагара ыҟоуп.

АҞӘА, жәабран 4 - Sputnik. Росстандарт ишьақәнарӷәӷәеит "Акоронавирус SARS-CoV-2 астандарттә штамм". Иара аԥҵоуп Н.Ф. Гамалеиа ихьӡ зху Аҭҵаарадырратә центр аҿы, иалнаршоит COVID-19 хра аманы ахәышәтәра ҳәа аанацҳауеит Агәабзиарахьчара аминистрра апресс-центр.

"Аштамм иалнаршоит атест-системақәа COVID-19 аарԥшразы рымҩаԥгара иаку "еицҵалыҵк" ахь ркылгара", - ҳәа азгәалҭеит Росстандарт аметрологиатә маҵзура абиоинформациатә лабораториа анапхгаҩы Елена Кулиабина.

SARS-CoV-2 аштаммқәак дыруп иахьазы. Урҭ авирус аҽеиҭакрала Великобританиа, ИуАР, Бразилиа, ЕАА ирбаз роуп.

Заанаҵтәи аҭҵаарақәа иаадырԥшит урҭ аиҳарак шыҿку, аха ишәарҭоуп еиҳа ҳәа зларҳәаша дырра ыҟам.

А. А. Смородинцев ихьӡ зху АҬИ аҟны ишырҳәо ала Урыстәыла макьаназ урҭ аштаммқәа рымбацт. Аҵарауаа 1547 коронавирус геном ҭырҵаахьеит.

Аԥсны Урыстәылахь аҳәара ҟанаҵеит коронавирустә инфекциа хызҽуа алаҵа "Спутник V" аиуразы 2020 шықәсазы. Иазыԥшуп 15 - 20 нызқь доза аиура. "Спутник V" ареспубликахь иаагахар алшоит жәабран-хәажәкыра амзақәа рзы.

10
Атемақәа:
Аҿкычымазара – акоронавирус Аԥсни адунеи аҿи: иалкаау (1090)

ООН: адунеи аҿы хә-тәылак роуп атуристцәа рзы иаарту

2
(ирҿыцуп 12:18 09.03.2021)
Адунеизегьтә туристтә еиҿкаара (ЮНВТО) адыррақәа рыла 2020 шықәсазы жәларбжьаратәи атуристтә ныҟәарақәа 74% еиҵахеит.

АҞӘА, хәажәкыра 9 - Sputnik. Иахьазы атәылақәа реиҳара жәларбжьаратә атуризм азы иаркуп. Адунеи аҿы хә-тәылак роуп атуристцәа рзы иаарту ҳәа азгәанаҭоит Адунеизегьтә туристтә еиҿкаара.

Жәабранмзазы 217 тәыла рҟынтәи 69 (32%) аҳәаанырцә туристцәа рыдыркылом. 73 тәыла (34%) рҳәаақәа хәҭала иаркуп. 70 тәыла (32%) атестқәа ма акарантин аҭахны ирыԥхьаӡоит.

Аиҿкаара адыррала атуристцәа ԥкырада ирыдыркылоит – Албаниа, Доминикантәи Ареспублика, Коста-Рика, Аҩадатәи Македониа, Танзаниа.

Апандемиеи уи иадҳәалаз аԥкрақәеи ирхырҟьаны атуристтә ныҟәарақәа 2019 шықәса иаҿырԥшны акыр илаҟәуп. Акризис ашәарҭара иҭанаргылеит атуризм аусхк аҟны 100 - 120 миллион усурҭатә ҭыԥ.

Аԥсныҟа атуристцәа раара алшоит Урыстәыла аҵакыраҟынтә. Убри аан Адәныҟатәи аусқәа рминистрра адыррала ареспублика ралалара азин ыҟоуп Урыстәыла атәылауаа реиԥш егьырҭ атәылақәа рҟынтәгьы, заанаҵы аусбарҭа анкета хазырҭәаауа зегьы.

2021 шықәсазы Аԥсны миллионк инарзынаԥшуа атуристцәа ирзыԥшуп.

2

Мадуро иԥҳәыси иареи акоронавирус аҟынтә урыстәылатәи алаҵа ҟарҵеит

4
(ирҿыцуп 12:54 07.03.2021)
Урыстәылатәи алаҵа "Спутник V" акоронавирустә инфекциаҟынтә ахьчара алзыршо акәны иҟоуп. Иара ашәҟәы иҭаргалахьеит адунеи 20 тәыла, Венесуелагьы налаҵаны.

АҞӘА, хәажәкыра 7 - Sputnik. Венесуела ахада Николас Мадурои иԥҳәыс Силиа Флореси акоронавирус аҟынтә урыстәылатәи ахыхьчагатә лаҵа ҟарҵеит, аанацҳауеит РИА Новости ахада Twitter иазхьаԥшны.

© Sputnik / Владимир Трефилов

"Сыжәлар рҿаԥхьа исҳәаз сажәа насыгӡоит... Раԥхьатәи сдоза, алаҵа ҟасҵеит", - иҳәеит Мадуро.

"Иҭабуп" ҳәа ахиҳәааит урыс бызшәала.

Урыстәылатәи алаҵа "Спутник V" акоронавирустә инфекциаҟынтә ахьчара алзыршо акәны иҟоуп. Иара ашәҟәы иҭаргалахьеит адунеи 20 тәыла, Венесуелагьы налаҵаны.

Акоронавирус ахҽразы иҟарҵо алаҵа "Спутник V" аԥҵан Гамалеи ихьӡ зху Ацентр аҿы. Ари алаҵа адунеи аҟны раԥхьаӡа акәны COVID-19 хызҽуа ҳәа иҭарҩыз лаҵахеит, иаԥҵан ауаҩытәыҩса иаденовирустә вектор аплатформаҿы.

Иара убас шәаԥхьар ҟалоит:

4
Атемақәа:
Аҿкычымазара – акоронавирус Аԥсни адунеи аҿи: иалкаау (1090)

Аԥсны Аџьынџьтәылатә еибашьра аветеранцәа ргәыԥк ахада ԥхьатәара дцарц ааԥхьара ирҭеит

3
(ирҿыцуп 13:30 09.03.2021)
Ҩышәҩык инарзынаԥшуа Аԥсны Аџьынџьтәылатә еибашьра аветеранцәа атәыла ахада Аслан Бжьаниа иахь ааԥхьара рнапы аҵарҩит.

АҞӘА, хәажәкыра 9 - Sputnik. 1992-1993 шықәсқәа рызтәи Аԥсны Аџьынџьтәылатә еибашьра аветеранцәа ргәыԥк ахада Аслан Бжьаниа ԥхьатәара дцарц ааԥхьара ирҭеит.

Ааԥхьараҿы аветеранцәа иазгәарҭеит 2020 шықәсазтәи анапхгареиҭакреи уи ашьҭахьтәи алхрақәеи атәылаҿ аҭагылазаашьа шеиҭарымкыз, 2004 шықәса раахыстәи аполитикатә кризис еиҳагьы аҽшарҭбааз.

"Ақәԥара ахьӡала ақәԥара ҳарааԥсеит. Адәныҟатәи ашәарҭарақәа ракәӡам ҳазҿагылогьы, ҳара ҳара ҳаиҿагылоуп. Иахьа зегьы еилыркаахьеит иалху амҩа, аиаша уҳәозар амҩа аҟамзаара, хара имгакәа аҳәынҭқарра ацәыӡрахь ҳашкылнаго", - аҳәоит аԥшьгаратә гәыԥ ирыладырҵәаз ааԥхьара.

Аҳәынҭқарразы ишәарҭоу ахылҿиаақәа ралмыршаразы, амилаҭ ԥхьаҟатәи рыҿиараз аҭагылазаашьа бзиақәа раԥҵаразы аветеранцәа ааԥхьара руеит:

  • Аслан Бжьаниа ԥхьатәара ацаразы аӡбра идикыларц,
  • Хара имгакәа ахада иалхрақәеи аҭыԥантәи ахаланапхгараҭаратә усбарҭақәа рахь алхрақәеи еицымҩаԥгазарц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа ахада иалхраан акандидат иқәыргылара ма акандидатцәа руаӡәк далкааны идгылара рҽацәхьаркырц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа алхрақәа раан алхратә закәанԥҵара анормақәа рықәныҟәашьеи аполитикатә етика азгәаҭашьеи хылаԥшра рыҭаразы акомиссиа (аринахыс – Акомиссиа) еицаԥырҵарц,
  • Акомиссиа иалнаршароуп ахадарахьы акандидатцәа рыбжьара аиқәшаҳаҭра анапаҵаҩра – иаиааиуа алхрақәа рышьҭахь ажәлар реидкылара аҭакԥхықәра рхахьы ишырго, аҿиаразы аҳәынҭқарратә программа аус шадыруло азы.

Аҩаша, хәажәкыра 9 рзы аветеранцәа атәылаҿ иҟоу аполитикатә ҭагылазаашьазы Аҟәа апресс-конференциа мҩаԥыргеит.

3