COVID-19 ҩынтәны изыхьуа мзызны ирзыҟоу атәы рҳәеит

7
(ирҿыцуп 13:38 05.02.2021)
Америкатәи амедусзуҩцәа коронавирус здырбалахьаз ҩынтәны реиҭачымазара атәы ҭырҵааит.

АҞӘА, жәабран 5 - Sputnik. COVID-19 аҽазныкгьы иуыхьыр ҟалоит аиммунитет ԥсыҽзар, ацәеижь аҿы иаанхаз авирус ареактивизациазы.

Америкатәи амедусзуҩцәа акоронавирус здырбалахьаз ҩынтәны реиҭачымазара атәы ҭырҵааит, абарҭ рҩызцәа алкаақәагьы ҟарҵеит. Аҭҵаарақәа рылкаақәа кьыԥхьын ажурнал BMJ Case Reports аҿы.

Аҵарауаа инагӡаны ирызҳәоум аҩынтә раан ауаҩы авирус еиҭаиоуу ицәа иалаз ахы цәырнагоу.

Иельтәи ауниверситет амедицинатә школ аҟынтәи аҭҵааҩцәа иааргеит аҿырԥштәы: COVID-19 змаз ауаҩы ԥшьымз рышьҭахь, ПЦР-тестқәа акгьы анырнымԥшуаз ашьҭахь еиҭахгьы дычмазаҩхеит.

ЕАА ачымазарақәа рхылаԥшреи разыԥхьагәаҭареи ацентр (CDC) абжьгарақәа рҿы иаҳәоит SARS-CoV-2 90 мшы рышьҭахь ашьҭақәа реиҭабара ҩынтәтәи ачымазара акәымкәа авирус ацәеижь аҿы анхароуп изқәырҵо.

7
Атемақәа:
Аҿкычымазара – акоронавирус Аԥсни адунеи аҿи: иалкаау (1077)

Нигериа 300-ҩык ашколӡӷабцәа мҵадырсит

5
(ирҿыцуп 13:25 26.02.2021)
Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

АҞӘА, жәабран 26 - Sputnik. Нигериа аҩада-мраҭашәаратәи аштат Замфара аҿы атеррористцәа азеиԥшынхарҭаҟынтәи 300-ҩык ашколӡӷабцәа мҵадырсит ҳәа аанацҳауеит РИА Новости агазеҭ PM News адыррақәа ҵаҵӷәыс иҟаҵаны.

Атеррористцәа ақәылара руит ахәаша ауха, аиланхарҭа Джангебе абжьаратә школаҿы. Иҟоу адыррақәа рыладара ашкол ааигәара игылаз арратә пост  иақәлеит, нас ашкол иажәлеит. Аӡӷабцәа ахыбра идәылыргеит асааҭ 02.00 (04.00 мск) рзы.

Аррамаҵзурауаа ажәылараан ахәрақәа роузар ҟалоит. Аҭыԥатәи ауаа аӡӷабцәа реиқәырхаразы аԥшаарақәа ирҿуп.

Ашкол адиректор агазеҭ Punch иазеиҭеиҳәеит ақәылаҩцәа аҵх рҽалакны машьыналеи амотациклқәа рылеи ишааз. Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

5

Роспотребнадзор Урыстәылеи адунеии рҿы коронавирустә ҭагылазаашьа еиҿнарԥшит

2
(ирҿыцуп 12:32 26.02.2021)
Жәабран 20 рзы Урыстәыла ашәҟәы иҭаргалеит акоронавирус аҟынтәи ахԥатәи алаҵа КовиВак (Чумаков ихьӡ зху Ацентр).

АҞӘА, жәабран 26- Sputnik. Урыстәыла аепидемпроцесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп ҳәа аҳәамҭа ҟалҵеит Роспотребнадзор аиҳабы Анна Попова. Абри атәы аанацҳауеит РИА Новости.

"Апандемиаамҭаан Урыстәыла аепидемиатә процесс ахысраан алҵшәа бзиақәа аанарԥшуеит, адунеи атәылақәа жәпакы иреиӷьуп. Уи ҳҵарауааи ҳапрактикцәеи роуп изџьушьаша", - лҳәеит Попова Урыстәылатәи аҭоурыхтә еилазаараҿы иаартыз ацәыргақәҵаҿ.

Роспотребнадзор аиҳабы лгәаанаграла Урыстәыла акоронавирус аҟынтәи алаҵақәа хԥа рыла алаҵаҟаҵара алыршара ԥыжәара дуӡӡоуп, игәадуроуп.

Иара убас шәаԥхьар ҟалоит:

 

2
Атемақәа:
Аҿкычымазара – акоронавирус Аԥсни адунеи аҿи: иалкаау (1077)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

0
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

0