Bloomberg "Спутник V" урыстәылатәи аҭҵаарадырраҿы еихьӡара дууп ҳәа ахнаҳәааит

19
(ирҿыцуп 18:18 06.02.2021)
Аденовирустә вектор шьаҭас измоу алаҵа "Спутник V" нанҳәа 11 рзы Урыстәыла агәабзиарахьчара аминистрра ашәҟәы иҭанагалеит.

АҞӘА, жәабран 6-Sputnik. Мраҭашәаратәи атәылақәа аханатә Урыстәылатәи алаҵа "Спутник V" агәра ргомызт, аха иахьазы апандемиа аҿагылараҿы иалкаау акакәны иҟоуп ҳәа аҳәамҭа ҟанаҵеит Bloomberg. Абри атәы аанацҳауеит РИА Новости.

Ажурналистцәа ишазгәарҭаз ала, атәылақәа апрепарат азы "агәаран иқәгылеит" еицырдыруа амедицинатә журнал The Lancet аҟны икьыԥхьыз Covid-19 хызҽуа урыстәылатәи алаҵа "Sputnik V" аҭҵаара алҵшәақәа рышьҭахь.

Аматериал авторцәа иазгәарҭеит, апандемиа аиаараҿы "алаҵақәа реиԥхныҩлара" агеополитикатә ҟазшьа аанахәит: аԥкрақәа ирыхҟьаны аҳәынҭқаррақәа ироуз асоциал-економикатә ааха алҵразы ирылшо ҟарҵоит. Урыстәыла ари аҭагылазаашьаҿы иаԥхьагылоуп, дара ирылшеит зхаҭабзиара ҳараку алаҵа аҭыжьра, аҳәоит акьыԥхьымҭаҿы.

"Урыстәыла асоветтә аамҭақәа раахыс аҭҵарадырраҿы аихьӡара ду аанарԥшит", -азгәанаҭеит Bloomberg.

Ари амчыбжь азы амедицинатә журнал The Lancet аҟны икьыԥхьын урыстәылатәи алаҵа аҭҵаарақәа ахԥатәи аетап алҵшәақәа. Алаҵа 91,6 % хра аманы ахы аанарԥшит.

Адунеи аҟны раԥхьатәи ашәҟәы иҭагалоу алаҵа "Спутник V" ахьӡырҵеит. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Массала ауааԥсыра алаҵа рзыҟаҵара Урыстәыла иалагеит ԥхынҷкәынмза алагамҭазы.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. "Спутник V" алаҵаҟаҵара иазԥхьагәанаҭоит ҩ-компонентк ралагалара, хымчыбжь-хымчыбжь рыбжьаҵаны. "Спутник V" хра амоуп 90 процент, алаҵа иныҭкааны аҿагылара мҩаԥнагоит.

Иара убас шәаԥхьар ҟалоит:

19
Атемақәа:
Аҿкычымазара – акоронавирус Аԥсни адунеи аҿи: иалкаау (1069)

Агәабзиарахьчаразы адунеизегьтәи аиҿкаараҿы ирҳәеит адунеи аҿы COVID-19 аҭагылазаашьа

5
(ирҿыцуп 13:33 24.02.2021)
Агәабзиарахьчаразы адунеизегьтәи аиҿкаара адыррақәа рыла жәабран 15 - 21 иалагӡаны иазгәаҭан 2 457 026 коронавирус хҭыс, 66 359-ҩык рыԥсҭазаара иалҵит.

АҞӘА, жәабран 24 - Sputnik. COVID-19 хҭыс ҿыцқәеи аԥсыҭбарақәеи еиҳа-еиҳа рхыԥхьаӡара лаҟәуеит, аха авирус аҽеиҭакра ахьаарԥшу атәылақәа рҿы ирыцлоит ҳәа аҩуеит РИА Новости Агәабзиарахьчаразы адунеизегьтәи аиҿкаара адыррақәа шьаҭас иганы.

Хәымчыбжь ирықәуп авирус змоу рхыԥхьаӡара еиҵахоижьҭеи. ВОЗ адыррақәа рыла, ииасыз амчыбжь азы 2,4 миллион-хҭыс аҭыԥ рыман, уи уаанӡатәи амчыбжь аасҭа 11% еиҵоуп.

"Аԥсыҭбарақәагьы еиҵахеит. Ииасыз амчыбжь азы иазгәаҭан 66 000 ԥсыҭбара. Уи уаанӡатәи амчыбжь азы аасҭа 20% еиҵоуп", - аҳәоит ВОЗ асаит аҿы.

Убри аан "британиатәи" аштамм 101 тәыла рҿы ирбахьеит, "аладаафрикатәи" – 51 тәыла рҿы, "бразилиатәи" – 29 тәыла рҿы.

ВОЗ Европатәи арегионалтә биуро аиҳабы Ханс Клиуге аҳәамҭа ҟаиҵеит апандемиа иааиуа ашықәс алагамҭазы ишиасуа.

Убри аан авирус шыҟац иаанхоит аха аԥкырақәа аҭаххом.

Иара убас шәаԥхьар ҟалоит:

5
Атемақәа:
Аҿкычымазара – акоронавирус Аԥсни адунеи аҿи: иалкаау (1069)

Аметеоролог аҳауатә епоха ҿыц шьақәгылар алшоит ҳәа аҳәамҭа ҟалҵеит

8
Сынтәатәи аӡынразы асы рацәаны илеит Урыстәыла, Еиду Америакатәи аштатқәа, Европа атәылақәа жәпакы рҿы.

АҞӘА, жәабран 24 – Sputnik. Cынтәатәи аӡынразы аҵаақәеи асоурақәеи рацәаны иахьыҟалаз аҳауатә епоха ҿыц ашьақәгылара иадҳәалазар ҟалоит ҳәа илшьоит Москвеи аобласти рметеобиуро аҟазауаҩ хада Татиана Поздниакова. Абри атәы аанацҳауеит РИА Новости Поздниакова "Российскаиа газета" иалҭаз аинтервиу шьаҭас иҟаҵаны.

"Жәабранмзазы иҟалаз ахьҭа адагьы асы ӷәӷәаны ишьҭан. Аӡынразы арҭ аҟазшьарбагақәа рацәак еинаалом", - лҳәоит аметеоролог.

Поздниакова лазԥхьагәаҭарала ианомалтәу аҭагылазаашьа ҟалоит Москва амза анҵәамҭазгьы. Ахашеи аԥшьашеи асы ӷәӷәаны илеиуеит, нас иԥхаррахоит. Анаҩс 25 градус рҟынӡа еиҭахьҭахоит. Амзабжьаратә ҳауа 4 градуск рыла еиҵахоит анорма аасҭа ҳәа лҳәоит лара.

Лара иазгәалҭоит анорма ақәымшәара шыҟаз 2012 шықәсазгьы, аха усҟан алышәшәақәа еиҳа имаҷын. Аӡынра иатәым аҵааи алышәшәақәеи реицыҟазаара ҳәа илшьоит Поздниакова.

"Атмосфератә еикәшара америдианалра умбарц алшом. Уи иаанаго аҳауа аҽаԥсахуеит ауп. Даҽа ҳауатә аамҭак ашьақәгылара иаҿуп", - лҳәоит аҟазауаҩ.

Убри аан аметеоролог лажәақәа рыла, ари апроцесс сынтәакәым ианалагаз, 7-8 шықәса раԥхьа ахы цәырнагеит.

"Ҳаԥхьаҟа аҳауатә катаклизмақәа еиҳагьы еиҳахар ҟалоит", - ҳәа лҳәеит лара.

8

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

0
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

0