Трамп аимпичмент апроцесс аҿы дыриашоуп, ԥхьаҟатәи иполитикатә лахьынҵа еилкаам

4
(ирҿыцуп 10:16 15.02.2021)
Дональд Трамп Еиду Америкатә аштатқәа рҭоурых аҿы Ахаҭарнакцәа рпалатаҿы ҩ-импичментк зоухьоу, аха аҩынтә раангьы асенаторцәа идыриашаз иеиԥш иара ида даҽа хадак дҟамлацт.

АҞӘА, жәабран 15 - Sputnik. ЕАА Рсенат атәыла уаанӡатәи ахада Дональд Трамп аимпичмент азы апроцесс аҿы дариашеит ҳәа аанацҳауеит РИА Новости.

Аимпичмент азы рыбжьы рҭиитабжьыҭира иалахәын 57 сенатор, урҭ рахьтә иаҿагылеит - 43. Аимпичмент иамоуит иаразы иахәҭаны ишьоу ҩба-ахԥатәи бжьы, абасалагьы Трамп ажьырныҳәа фба рзы ауаа еилеиҵеит, идгылаҩцәа Капитолиа иажәиҵеит ҳәа идырҵоз ахараҟынтә дыриашан.

Асенатор-республиканеццәа быжьҩык рыбжьы рҭиит Трамп ахара идҵо.

Апроцесс мҩаԥысуан Трамп ахада иҭыԥ аҟынтәи данықәҵ ашьҭахь. Ахьчаҩцәа ари ЕАА Аконституциа иаҿагылоит ҳәа иқәгылан. Ахарадҵаҩцәа ирҳәон ахада ахара анидуҵалак ҟамлозар, дарбанзаалак аҭакԥхықәра дацәцоит ҳәа иршьон.

Трамп аҳәамҭа ҟаиҵеит "аимпичмиент арупапцәа рышьҭашәарыцароуп иаанаго" ҳәа аҳәамҭа ҟаиҵеит, Америка ԥхьаҟатәи аҿиара аус ишациҵогьы иҳәеит, аха убри аан иазгәеимҭеит еиҭа атәыла ахадас ақәгылара игәы иҭоу иҭаму.

"Ҳаԥхьаҟа аус дуқәа шьҭоуп. Хара имгакәа уаҵәтәи Америка аконцепциа азҳархиараны ҳаҟоуп", - иҳәеит Трамп.

Адемократцәа асенат аҿы раԥхьагыла Чак Шумер Трамп ахара ахьихарарымҵаз даара игәы иалсит. Ареспубликанццәа раԥхьагыла Митч Макконнелл, Трамп ахара имам ҳәа ибжьы шиҭизгьы Капитолиа иҟалаз азы аҭакԥхықәра идны ишьоит.

"Трамп уаҩԥсык иҳасабала ахада иҭыԥ аҿы даныҟаз иҟалаз зегьы рзы аҭакԥхықәра идуп", - иҳәеит Макконнелл.

Ахаҭарнакцәа рпалата аспикер Ненси Пелоси илҳәеит лҭаацәагьы ларгьы абжьыҭара алҵшәақәа ргәы шкарыжьыз. "Смоҭацәа аиаша аиааира ахьамоуз гәалсс ишьҭырхит", - ҳәа лҳәеит Пелоси.

4

Ахсаалага "Мир" аҟынтәи аҳәаанырцәтә електронтә ԥараҭрақәа рхарҭәаара ааныркылоит

7
(ирҿыцуп 16:00 01.03.2021)
Агәыҩбара узҭаша аоперациақәа ирхырҟьаны аҳәаанырцәтә електронтә ԥараҭрақәа рҟынтә аоперациақәа рзин аанкылоуп.

АҞӘА, хәажәкыра 1 - Sputnik. Аҳәаанырцәтә електронтә ԥараҭрақәа ахсаалага "Мир" аҟынтәи рхарҭәаара ҟалом мшаԥымза 27 инаркны ҳәа аҩуеит РБК атехнологиатә биуллетень адыррақәа шьаҭас иганы.

"Агәыҩбара узҭаша аоперациақәа рзы иҟоу ашәара аԥырҟәҟәаара хықәкыс иганы аҳәаанырцәтә електронтә ԥараҭрақәа рҟынтә аоперациақәа рзин аанкылахоит", - ҳәа аҳәоит адокумент аҿы.

Амилаҭтә ԥарашәаратә хеилак анапхгара аиҳабы Алма Обаева ишылҳәо ала, аелектронтә ԥараҭрақәа рхарҭәаараз аоперациақәа раанкылара аԥарашәаратә маҵзурақәа QIWI, ЮMoney (уаанӡатәи "Яндекс.Деньги") рҭоурых иеиԥшхар ҟалоит. 2020 шықәса ԥхынҷкәынмзазы Урыстәыла АХ мап ацәнакит Урыстәылантәи Ваҳәаанырцәтә интернет-дәқьанқәа рахь аԥара аиагара.

Обаева илҳәеит аԥхьаӡамҭақәа онлаин-казино, абукмекерцәа уҳәа иртәызар шауа.

Убри аан аекспертцәа ргәаанагарала "Мир" аҟынтәи аԥараиагара аҭбаара амамызт ахсаалага атәылақәа жәпакы рҿы амаҵзура ахьамамыз азы.

7

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

10
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

10

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

14
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

14