Урыстәыла хышықәсоуп иаӡам аекспортҟаҵараз арекорд шьақәнаргылоижьҭеи

7
(ирҿыцуп 15:19 17.02.2021)
Урыстәыла аиҳарак аекспорт ахь иашьҭуеит аметаллаалыҵ (20,8 %) , амашьынаҟаҵаратә ааглыхра (17,7%), афатә-ажәтә (17,3%), ахимиа аалыҵ атауар (16%).

АҞӘА, жәабран 17 - Sputnik. Урыстәыла хышықәсоуп иаӡам аекспортҟаҵараз арекорд шьақәнаргылоижьҭеи. 2020 шықәсазтәи арбага 161,3 миллиард доллар ыҟан ҳәа аанацҳауеит РИА Новости Урыстәылатәи аекспорттә центр адыррақәа рыла.

Урыстәылатәи аекспорттә центр адиректор хада Вероника Никишина илҳәеит аимпорт ахышәаҵышәа есышықәса ишацло: 2018 шықәсазы - 154,3 миллиард доллар, 2019 шықәсазы — 155,1 миллиард. Никишина илҳәеит Урыстәылатәи аекспорттә центр амилаҭтә проект арбагақәа рынагӡаразы аҩаӡара шышьақәнаргылаз.

COVID-19 аԥкырақәа ирыхьмырԥшыкәа ачарыц аекспорт 1,8 миллиард доллар ахәԥса инаӡеит, азеҭ - 600 миллион. Аграрицәа ирылшеит ачарыц аҩбатәи аҽаҩра аҭагаларагьы.

2019 шықәса раахыс аполиетелен аекспорт иартәеит 449 миллион доллар. COVID-19 аҭагылазаашьаан абарҭ атауарқәа: ахәшәқәа, ақьаади апластики ирылху аҭрақәа, ахыхьчага хархәагақәа, амедицинатә аппаратура уҳәа рҭахра иацлеит.

Урыстәылатәи аекспорт иахырхарҭа хаданы иҟоуп абарҭ атәылақәа:

  • Китаи (16,4 миллиард доллар)
  • Ҟазахстан (12,3 миллиард)
  • Белоруссиа (9,4 миллиард)
  • Ҭырқәтәыла (8,15 миллиард)
  • Нидерланды (6,2 миллиард)

Рекордтәны иҟалеит ԥхынҷкәынмза: аекспорт 18,8 миллиард доллар артәеит. Уаанӡатәи арекорд— 17,9 миллиард доллар — азгәаҭан 2017 шықәса ԥхынҷкәынмзазы.

7

120 миллион шәҭы Урыстәылаҟа инашьҭуп жәабран 15 раахыс

1
(ирҿыцуп 10:20 05.03.2021)
Аҳәса рымшныҳәа аламҭалаз Урыстәылаҟа иаларгалоит ашәҭқәа рацәаны. Аиҳарак Нидерландқәеи Еквадори рҟынтә.

АҞӘА, хәажәкыра 5 - Sputnik. 120 миллион шәҭы Урыстәылаҟа иаашьҭуп жәабран 15 инаркны хәажәкыра 3 рҟынӡа. Абри атәы аанацҳауеит Урыстәыла Афедералтә ҳазалхратә маҵзура.

Иарбоу аамҭазы Урыстәыла адекларациатә електронтә центрқәа ашәҟәы иҭаргалеит 9,15 нызқь тонна ашәҭ. Уи 2020 шықәсазы аасҭа ҩынтә еиҳауп (4259 тонн), 1,7 рыла еиҳауп 2019 шықәсазы (5271 тонн) аасҭа.

Уаанӡеиԥш сынтәагьы аекспортиор хадацәа ҳәа ишьоуп Нидерландқәеи Еквадори, иара убасгьы Кениеи Колумбиеи.

Аԥсны аҳазалхратә еилакы адыррақәа рыла, иахьазы 250 тонна 19 кьыла амимоза Аԥснынтәи иалыргахьеит. Ҵыԥх аасҭа ари арбага 50% рыла еиҳауп.

2020 шықәса абри аамҭазы 138 тонна 998 кьыла амимоза аҳәаа иахыган, 2019 шықәсазы – 175 тонна 22 кьыла.

1

Амедиагәыԥ "Россия сегодня" ажурналистцәеи аблогерцәеи рыбжьара аицлабра рыланаҳәеит

18
Амедиагәыԥ "Россия сегодня" ирыланаҳәаз ари аицлабра еицырдыруа адиктор Иури Левитан ихьӡ ахуп.

АҞӘА, хәажәкыра 4 - Sputnik. Амедиагәыԥ "Россия сегодня" еицырдыруа адиктор Иури Левитан ихьӡ зху аицлабра "Ҳаамҭа афырхаҵа" шхацнаркуа рыланаҳәеит.

Ажурналистцәеи аблогерцәеи ԥшь-номинациак: автортә телехәаԥшратә программа, автортә радиопрограмма, аудиоподкаст, авидеоблог рахь инарышьҭыр рылшоит русумҭақәа. Арзаҳалқәа рыдыркылоит 2021 шықәса лаҵара 5 рҟынӡа апроект адаҟьаҿы – асаит ria.ru.

Аицлабра ажиури иалахәуп еицырдыруа ажурналистцәа, ателе, арадиомҩаԥгаҩцәа, амедиаекспертцәа.

Ашорт-лист ркьыԥхьуеит рашәара 15 рзы апроект адаҟьаҿы. Иаиааиз рыхьӡқәа рылаҳәахоит 2021 шықәса рашәара 24 рзы онлаин-форматла.

Номинациацыԥхьаӡа аԥхьахә иартәоит 80 000 мааҭ. Иаиааиз иранашьахоит аԥаратә аԥхьахә, адиплом. 2, 3 аҭыԥ аанызкыло агәаларшәагатә дипломқәа роуеит.

"Аицлабра, зеиԥш дыҟамыз адиктор Иури Борис-иԥа Левитан ихьӡ зху, хацыркхеит "Совинформбюро" 80 шықәса ахыҵра аламҭалаз. Ҳара ҳзы апроект – аҽазныкгьы ҳаамҭа афырхацәа рыӡбахә алацәажәара алнаршоит. Иаҳҭахуп ажурналистцәеи аблогерцәеи рҟыбаҩ аарԥшра рылҳаршарц", - иҳәеит "Россия сегодня" адиректор хада Дмитри Киселев.

Аицлабра алахәылацәа русумҭақәа автортә стиль рымазароуп, аидеиа аоригиналра аҵазароуп, аҟазареи аҟыбаҩи рыдагьы азыӡырҩи ахәаԥшҩи ргәаҵанӡа инеиуазароуп.

Аицлабра хацыркхеит "Совинформбюро" 80 шықәса ахыҵра аламҭалаз. Аџьынџьтәылатә еибашьра аҩбатәи амш азы зшьапы зкыз "Совинформбюро" хыҵхырҭаны ироуит иналукааша жәларбжьаратәи ажәабжьтә маҵзурақәа: Акьыԥхьтә маҵзура "Новости", РИА Новости, Жәларбжьаратәи амедиагәыԥ "Россия сегодня".

Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы аҳәаанырцә иаҵанакуеит: амаҵзуреи арадиои Sputnik, Урыстәыла аҩныҵҟа – РИА Новости, Прайм, ИноСМИ, Украина.ру, Baltnews, ТОК. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала. "России сегодня" ажәабжьқәа рзыӡырыҩрра алшоит ателеграм-канал апресс-маҵзураҿы - "Зубовский, 4".

18