Абиткоин аҽазныкгьы аҭоурыхтә рекорд иахысны 58 нызқь доллар иаԥсахеит

7
(ирҿыцуп 13:03 22.02.2021)
Адунеиаҿ еиҳа ирылаҵәоу акриптовалиута 71,1 процент аџьармыкьа аҵанакуеит. Апортал CoinMarketCap адыррақәа абиткоин 1,68% иацланы ишьақәнаргылеит 58,113 доллар. Адинамика аагоуп уахыки-ҽнаки ирыҵаркны.

АҞӘА, жәабран 22 - Sputnik. Абиткоин аҽазныкгьы аҭоурыхтә рекорд иахысны 58 нызқь доллар иаԥсахеит.

Акриптовалиута алахәаахәҭырҭатә биржа Binance аҿы абиткоин асааҭ 15:30 рзы ахә 2,12% ихаланы 58,1 нызқь доллар ҟалеит.

Апортал CoinMarketCap адыррақәа рыла абиткоин 1,68% иацланы ишьақәнаргылеит 58,113 доллар. Адинамика аагоуп уахыки-ҽнаки ирыҵаркны.

Абиткоин ахә халеит ԥхынҷкәын аҽеиҩшамҭазы. Ԥхынҷкәын 16 рзы акриптовалиута 20 042 доллар иахысит. Ажьырныҳәа 8 рзы биткоин 41 950 доллар иҟалеит. Анаҩс иааиԥмырҟьакәа аҽаԥсахуа иалагеит.

Жәабран 8 рзы Илон Маск иеилахәыра Tesla адырра ҟанаҵеит 2021 шықәса жьҭаарамзазы миллиардки бжаки алагаланы аинвестициатә политика шеиҭарҿыцыз азы, убри ашьҭахь абиткоин ахә шьҭыҵит. Ажьырныҳәа 8 азтәи ахәԥса - 41 950 доллар иахысны ҩымш инеиԥынкыланы арекордқәа ҟанаҵеит.

7

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

9
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

9

Нигериа 300-ҩык ашколӡӷабцәа мҵадырсит

10
(ирҿыцуп 13:25 26.02.2021)
Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

АҞӘА, жәабран 26 - Sputnik. Нигериа аҩада-мраҭашәаратәи аштат Замфара аҿы атеррористцәа азеиԥшынхарҭаҟынтәи 300-ҩык ашколӡӷабцәа мҵадырсит ҳәа аанацҳауеит РИА Новости агазеҭ PM News адыррақәа ҵаҵӷәыс иҟаҵаны.

Атеррористцәа ақәылара руит ахәаша ауха, аиланхарҭа Джангебе абжьаратә школаҿы. Иҟоу адыррақәа рыладара ашкол ааигәара игылаз арратә пост  иақәлеит, нас ашкол иажәлеит. Аӡӷабцәа ахыбра идәылыргеит асааҭ 02.00 (04.00 мск) рзы.

Аррамаҵзурауаа ажәылараан ахәрақәа роузар ҟалоит. Аҭыԥатәи ауаа аӡӷабцәа реиқәырхаразы аԥшаарақәа ирҿуп.

Ашкол адиректор агазеҭ Punch иазеиҭеиҳәеит ақәылаҩцәа аҵх рҽалакны машьыналеи амотациклқәа рылеи ишааз. Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

10

Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

0
Урыстәыла Атәылахьчара аминистрра иатәу амобилтә госпиталь 2020 шықәса жьҭаара 20 рзы аусура иалагеит, аусура хыркәшахеит хәажәкыра 1 азы.

АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.

Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.

© Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.

Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.

Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Иара убас шәаԥхьар ҟалоит:

0