Италиа алаҵа иацәымшәо акоронавирус аштамм рбеит

7
(ирҿыцуп 13:40 03.03.2021)
"Нигериатәи" ҳәа хьӡыс изырҭаз акоронавирус аштамм рбеит 2020 шықәса ԥхынҷкәынмзазы.

АҞӘА, хәажәкыра 3 – Sputnik. Италиатәи амикробиологцәа ақалақь Брешиа аҿы ирбеит "нигериатәи" акоронавирус SARS-CoV-2 аштамм. Аҵарауаа агәҭынчымра рызцәырнагоит иахьатәи алаҵақәа амыхәозар ҳәа иҟоу агәаанагаразы. Абри атәы аанацҳауеит РИА Новости.

"Раԥхьаӡа акәны Италиа ари авирус-еиҭак аабеит. Иара агәҭынчымра ҳазцәырнагоит иахьатәи алаҵақәа амыхәозар ҳәа иҟоу агәаанагаразы" ҳәа амаҵзура AdnKronos иазеиҭеиҳәеит авирусологцәа италиатәи реилазаара ахада, апрофессор Арнальдо Карузо.

"Ари авирус макьаназ иахьыҟоу ҳәа ишьо Африкоуп, хаҭала Нигериа. Аха акык-ҩбак ахҭысқәа ана-ара иуԥыло иалагеит" ҳәа иҳәоит аҵарауаҩ.

Апрофессор иажәақәа рыла аштамм Бреши машәырла ирбеит, агәаҭаратә процедурақәа раан апациент имырхыз абиоматериал аҿы. Иара д-Африкатәын. Иахьазы аҭыԥантәи амикробиологцәа, Карузо инапхгарала иҭырҵаауеит ари аштамм Ломбардиа иахьаҵанакуа изаҵәыку, еиҭахгьы аҭыԥ амоу.

"Аҭҵаарадырра аганахь ала авирус алкны иҭҵаазар, иалоу ашәарҭа ашьақәыргылара алшоит. Еилкаахоит алаҵа ашьҭахь ацәеижьҿагылақәа ирԥырхагоу ирԥырхагаму" ҳәа иҳәеит Карузо.

"Нигериатәи" ҳәа хьӡыс изырҭаз акоронавирус аштамм рбеит 2020 шықәса ԥхынҷкәынмзазы.

Авирус авариант ҿыц аарԥшын аштат Осун аҿы, Нигериа алада-мраҭашәаратәи ахәҭаҿы. Усҟан иазгәаҭан иара "британиатәии" "аладафрикатәии" аштаммқәа иреиԥшуп ҳәа.

Италиа иахьазы ирбахьеит х-штаммк: "британиатәи", "бразильиатәи", "аладаафрикатәи". "Британиатәи" аштамм Великобританиа иаарԥшын иагьышьақәыргылан акоронавирус еиҭак — VUI-202012/01 ауп ҳәа. Иара еиҳа иццакны иалаҵәоит, апациент иԥсыҭбарагьы еиҳа иарццакуеит.

7
Атемақәа:
Аҿкычымазара – акоронавирус Аԥсни адунеи аҿи: иалкаау (1169)

Владимир Путин акоронавирус аҟынтәи аҩбатәи алаҵа ҟаиҵеит

3
(ирҿыцуп 15:55 14.04.2021)
Урыстәыла ахада Владимир Путин акоронавирус аҟынтәи ҩ-фазактәи алаҵа актәи адоза ҟаиҵеит хәажәкыра 23 рзы.

АҞӘА, мшаԥы 14 - Sputnik. Урыстәыла ахада Владимир Путин коронавирус аҟынтәи ҩ-фазактәи алаҵа актәи адоза аныҟаиҵа ашьҭахь хымчыбжь ҵуаны аҩбатәи адозагьы ҟаиҵеит ҳәа аанацҳауеит РИА Новости.

"Аҳәамҭа ҟасҵар сҭахуп абрахь санааиуаз аламҭалазы аҩбатәи алаҵа шыҟасҵаз азы. Сгәыӷуеит зегь маншәалахап ҳәа. Агәыӷра акәым, агәрагара сымоуп", - иҳәеит иара РГО апрезидиум аҿы.

Путин акамерақәа рыда алаҵа ҟаиҵеит, ус иаҭахны иԥхьаӡеит.

Ахада иара убасгьы иҟаиҵаз алаҵа ахьӡ имҳәеит, уи здырырц зыхәҭоу аҳақьым заҵәык иоуп ҳәа азыԥхьаӡаны.

Иахьазы Урыстәыла ашәҟәы иҭагалоуп аҭыԥан иҟаҵоу акоронавирус аҟынтәи алаҵақәа хԥа: "Спутник V", "ЭпиВакКорона", "КовиВак".

Дара зегьы ҩ-компонентны ишьақәгылоуп. "Спутник V" аҩбатәи алаҵа ҟарҵоит хымчыбжь рышьҭахь. Иара убас ауп ишыҟарҵо "ЭпиВакКорона", алаҵа "КовиВак" ҩ-мчыбжьа бжьаҵаны алаҵақәа ҟарҵоит.

3
Атемақәа:
Аҿкычымазара – акоронавирус Аԥсни адунеи аҿи: иалкаау (1169)

Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит

7
(ирҿыцуп 16:30 13.04.2021)
Урыстәыла адәныҟатәи аусқәа рминистрраҟны уаанӡа аҳәамҭа ҟарҵахьан Урыстәыла жәларбжьаратә аԥарашәаратә система SWIFT альтернатива аус адыруылар шыҟало.

АҞӘА, мшаԥы 13 - Sputnik. Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит. Абри атәы аанацҳауеит РИА Новости Урыстәыла ахада ипресс-маӡаныҟәгаҩ Дмитри Песков иажәақәа шьаҭас иганы.

"Иаахҵәаны иаҳҳәар ҳалшоит Урыстәыла аганахь ала еиуеиԥшым аформақәа рыла аԥкырақәа шымҩаԥырго иакымкәа иҩбамкәа аҳәынҭқаррақәа. Арҭ аԥкырақәа иазыԥхьагәоуҭаша ракәым. Убри азы абри апроцесс аҳәаақәа ирҭагӡаны, зны-зынла ҳганахь ала агәаӷҵәҟьа ахьаадырԥшуа инадҳәаланы иҟаларызеи уҳәартә иҟам", - иҳәеит иара Урыстәыла асанкциақәа ирхырҟьаны Visa, Mastercard ирҿыргар ҟалома ҳәа ирҭаз азҵаара аҭакс.

Уаанӡа Урыстәыла адәныҟатәи аусқәа рминистр Сергеи Лавров аҳәамҭа ҟаиҵахьан Урыстәыла маҷ-маҷ асанкциатә цәшәарақәа еиҵатәлатәлароуп адоллар иашьашәалоу амилаҭтәи альтернативатәи валиутақәа рыла ҳәа.

"Мраҭашәара хылаԥшра знаҭо жәларбжьаратәи аԥарашәаратә системақәа аҽрыцәхьакра рҭахуп", - иҳәеит адипломат адоллар акәымкәа амилаҭтә валиутақәа рахь аиасра шахәҭо азгәаҭо.

Иара убас шәаԥхьар ҟалоит:

7

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

0
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

0