Урыстәыла Апрокуратура хадаҿы акоррупциаз еиҳа аԥыжәара змоу арегионқәа рыхьӡ рҳәеит

5
(ирҿыцуп 15:56 09.03.2021)
Ииасыз ашықәс азы акоррупциатә регионқәа рсиаҿы аԥхьатәи ахәба рахь иаҵанакит: Мордовиа, Чувашиа, Камчатка, Архангельсктәии Бриансктәии аобластқәа.

АҞӘА, хәажәкыра 9 - Sputnik. 2020 шықәсазы реиҳа акоррупциа ахьыҟоу Москва акәны иалкаауп ҳәа аҩуеит РИА Новости Апрокуратура хада акоррупциа аҿагылареи азакәан анагӡареи рхылаԥшразы аусбарҭа аиҳабы Виктор Балдин иажәақәа ҵаҵӷәыс иганы.

Москва иашьҭанеиуеит: Ареспублика Ҭаҭарсҭан, Ставропольтәи атәылаҿацә, Московатәи аобласт, Ареспублика Башкорҭосҭан, Краснодартәи атәылаҿацә, Челиабинсктәии Ростовтәии аобластқәа, Ареспублика Даӷьесҭан, Пермтәи атәылаҿацә.

Балдин иажәақәа рыла 2020 шықәсазы реиҳа аҵарҭышагара лаҟәын ҳәа иԥхьаӡоуп: Чукотка, Евреитәи автономтә област, ареспублика Мари Ел, Адыгатәыла, Ингушеҭиа, Тыва, Хакасиа, Мурмансктәи, Костроматәи, Магадантәи аобластқәа.

"Убри аан астатистикатә рбагақәа мацара ирылшом арегионқәа еиҳа ма еиҵа аҵарҭыша ргоит ҳәа рызҳәара. Араҟа еиуеиԥшым афакторқәа ирызхьаԥштәуп. Астатистика акәзар аиҳарак иаанарԥшуа арҭ аҭыԥқәа рҿы азинхьчаратә усбарҭақәа еиҳа ацәгьоурақәа раарԥшразы активла аус шыруоуп", - иҳәеит Апрокуратура хада ахаҭарнак.

5

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

0
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

0