"Япончик" ишьразы аус аӡбарҭахь инашьҭуп

15
(ирҿыцуп 15:07 12.03.2021)
Аԥсны атәылауаа ҩыџьа жәларбжьаратәи ашьҭазаара рымоуп Виачеслав Иваньков - "Япончик" ишьра иалахәын ҳәа.

АҞӘА, хәажәкыра 12 - Sputnik. Урыстәыла Апрокуратура хада аӡбарҭахь инанашьҭит акриминалтә авторитет Виачеслав Иваньков (Япончик) ишьразы аус. Абри азы ахәашаҽны адырра ҟаҵан.

"Ишьақәырӷәӷәоуп акриминалтә авторитет Виачеслав Иваньков (Япончик) дыршьит, иара убасгьы закәаншьаҭада абџьар аикәыршара иалахәын ҳәа ахара здырҵо Кахи Газзаев, Мурҭаз Шьаданиа, Џьамбул Џьанашьиа рганахьала ашьаус ахарадҵаратә хыркәшара. Аус аӡбарҭахь инашьҭуп", - ҳәа аҳәоит арелиз.

Аусҭҵаара аверсиала 2009 шықәса мшаԥымзазы, уаанӡа зус рыӡбхьаз Подмосковие инхо Илиа Симониа ацәгьоуратә еилазаараҿы аҭыԥҷыда ааникыларазы Иваньков ишьра еиҿикааит. Абри аус иадиԥхьалеит Газзаев, Шьаданиа, Џьанашьиа, Нугзар Папаа, Асҭамыр Быҭәба.

Симониа инапынҵала 2009 шықәса ԥхынгәы 28 рзы Газзаев, Џьанашьиа, Шьаданиа, Папаа, Быҭәба неит Москва, Хорошевское шоссе аҿы иҟоу аресторан "Тайский слон" ахь Иваньков ишьклаԥшразы. Иара убри аҽны Быҭәба "Газель" акузов аҟынтәи винтовкала Иваньков диеихсит. Япончик иоуз ахәрақәа рҟынтәи жьҭаара 9 рзы иԥсҭазаара далҵит ахәышәтәырҭаҿы.

Газзаев, Џьанашьиа, Шьаданиа аанкылоуп. Симониа, Папаа, Быҭәба бналеит, жәларбжьаратәи рышьҭазаара рылаҳәоуп.

Уаанӡа Аԥсны Апрокуратура хада Урыстәылантәи ацхыраараҟаҵаразы азыҳәа азаарышьҭит "Япончик" ҳәа хьыӡшьараны измаз аӷьыч Виачеслав Иваньков иус аганахьала ҳәа адырра ҟанаҵеит.

Иаиуз азыҳәа инақәыршәаны Аԥсны Апрокуратура хада ашьаусҭҵааратә ҟәша аусҭҵааратәии апроцессуалтәи уснагӡатәқәа мҩаԥнагоит.

Аусбарҭа апресс-маҵзура иазгәанаҭоит Урыстәыла Апрокуратура хада азыҳәаҿы ишазԥхьагәанамҭо Аԥсны атәылауаа Быҭәбеи Папааи роура, Аԥсны Аконституциа инақәыршәаны ареспублика атәылауаа аҳәаанырцә ҳәынҭқарра аҭара азин ахьыҟам азы.

Убри аан Аԥсны АЗ инақәыршәаны, Аԥсни Урыстәылеи рҳәынҭқаррабжьаратә еиқәшаҳаҭра ҵаҵӷәыс иҟаҵаны арҭ ахаҿқәа иахәҭоу ашьаустә материалқәа роураан рус аӡбара алшоит.

Нугзар Папаа иара убасгьы Омар Мерцхәылаа иӷьычра далахәуп ҳәа ахара идырҵоит. Абри азы ашьаустә материалқәа Аҟәа араионтә ӡбарҭа еилнаргоит.

15

Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит

6
(ирҿыцуп 16:30 13.04.2021)
Урыстәыла адәныҟатәи аусқәа рминистрраҟны уаанӡа аҳәамҭа ҟарҵахьан Урыстәыла жәларбжьаратә аԥарашәаратә система SWIFT альтернатива аус адыруылар шыҟало.

АҞӘА, мшаԥы 13 - Sputnik. Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит. Абри атәы аанацҳауеит РИА Новости Урыстәыла ахада ипресс-маӡаныҟәгаҩ Дмитри Песков иажәақәа шьаҭас иганы.

"Иаахҵәаны иаҳҳәар ҳалшоит Урыстәыла аганахь ала еиуеиԥшым аформақәа рыла аԥкырақәа шымҩаԥырго иакымкәа иҩбамкәа аҳәынҭқаррақәа. Арҭ аԥкырақәа иазыԥхьагәоуҭаша ракәым. Убри азы абри апроцесс аҳәаақәа ирҭагӡаны, зны-зынла ҳганахь ала агәаӷҵәҟьа ахьаадырԥшуа инадҳәаланы иҟаларызеи уҳәартә иҟам", - иҳәеит иара Урыстәыла асанкциақәа ирхырҟьаны Visa, Mastercard ирҿыргар ҟалома ҳәа ирҭаз азҵаара аҭакс.

Уаанӡа Урыстәыла адәныҟатәи аусқәа рминистр Сергеи Лавров аҳәамҭа ҟаиҵахьан Урыстәыла маҷ-маҷ асанкциатә цәшәарақәа еиҵатәлатәлароуп адоллар иашьашәалоу амилаҭтәи альтернативатәи валиутақәа рыла ҳәа.

"Мраҭашәара хылаԥшра знаҭо жәларбжьаратәи аԥарашәаратә системақәа аҽрыцәхьакра рҭахуп", - иҳәеит адипломат адоллар акәымкәа амилаҭтә валиутақәа рахь аиасра шахәҭо азгәаҭо.

Иара убас шәаԥхьар ҟалоит:

6

Индиа урыстәылатәи алаҵа аимпорт мҩаԥнагоит

2
(ирҿыцуп 14:41 13.04.2021)
Нанҳәамзазы Урыстәыла ашәҟәы иҭаргалеит акоронавирустә ҿкы чымазара ҿыц (COVID-19) апрофилактиказы адунеи аҿы ираԥхьаӡатәиу алаҵа. Алаҵа аԥырҵеит Гамалеи ихьӡ зху аепидемиологиеи амикробиологиеи рыҭҵаарадырратә центр аҟны. Алаҵа хьӡыс иарҭеит "Спутник V".

АҞӘА, мшаԥы 13 - Sputnik. Индиа азин ҟанаҵеит афармацевттә еилахәыра Dr. Reddy's Laboratories Ltd. Урыстәылатәи алаҵа "Спутник V" аимпорт мҩаԥнагаларц ҳәа анацҳауеит РИА Новости.

Аилахәыра ари азин аиуит Индиа ахәшәқәа рхылаԥшразы Аусбарҭа хада аҟынтәи.

Алаҵа "Спутник V" аԥҵоуп иҭҵаау, игәаҭоу ауаҩԥсы иаденовирустә вектор аплатформала. Иара аԥыжәара арҭоит ашәарҭадара, хра аманы аҟазаара, акраамҭатәи ахҟьаԥҟьақәа рыҟамзаара.

"Агәахәара ду ҳнаҭоит "Спутник V" Индиа ахархәара аиура ахьалыршахо. Индиа ачымазара акыр аҽарҭбааны иахьыҟоу азы иаҿаԥызҽуаны ишьо алаҵаҟаҵароуп. Ари аус аҭыԥ ақәҵара – ауааԥсыра рлаҵаҟаҵараҿ ҳара ҳлагалагьы аҭыԥ аиуеит", - иҳәеит Dr. Reddy's ацхантәаҩ, адиректор Г. В. Прасад.

Индиа, урыстәылатәи алаҵа адагьы ахы ианархәоит AstraZeneca "оксфордтәи" авариант –Covieshield захьӡу, иара убасгьы аҭыԥантәи алаҵа Covaxin.

Алаҵа "Спутник V" 60 тәыла, зуааԥсыра 1,5 миллиард иҟоу рҟны иазхаҵоуп. Алаҵа ашәарҭадареи хра аманы аҟазаареи 91,6% ишынаӡо атәы шьақәнарӷәӷәоит амедицинатә журнал The Lancet ианыз акьыԥхьымҭаҿы.

Иара убас шәаԥхьар ҟалоит:

2
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны афымцарцәара аграфик ԥсахуп

1
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

1
Атемақәа:
Аԥсны аенергетика апроблемақәа