Адыгатәыла атеракт аԥдырҟәҟәааит

3
(ирҿыцуп 12:30 17.03.2021)
Ашьаус хацыркуп "атеррористтә акт аҽазыҟаҵаразы" аганахь ала. Иаанкыло ахаҵа иҩны ирыԥшааит ақалақь ахсаала "атеррористтә жәылара ззутәу аобиектқәа" арбаны.

АҞӘА, хәажәкыра 17- Sputnik. Амаҵзура ҷыдақәа Адыгатәыла дааныркылеит Урыстәыла ззин ыҟам агәыԥ "Исламское государство" задгылаҩ атеракт амҩаԥгара аҽазышәаразы ҳәа аанацҳауеит Урыстәыла АШәМ.

"Адыгатәи Ареспублика аҵакыраҿы даанкылоуп Ацентртә-Азиа иатәу ауаҩԥсы, ауаа рацәа реизарҭақәа рҿы атеррористтә акт амҩаԥгара зыгәҭакыз", - аҳәоит арелиз.

Иаанкыло ахаҵа иҩны ирыԥшааит ақалақь ахсаала "атеррористтә жәылара ззутәу аобиектқәа" арбаны, анапылаҟаҵара бомбақәа, "Исламское государство" абаҟа.

Игаджетқәа рҿы иаарԥшын атеррористтә контент рацәа, абжьгарақәа, иара ихаҭа иԥаршеиз имиграциатә документқәа.

3

Медведев Урыстәылеи Америкеи реизыҟазаашьа ахәшьара аиҭеит

1
Медведев иажәақәа рыла, аҵыхәтәантәи аамҭақәа рзы Урыстәылеи Америкеи аконфронтациа мҩа, "аибашьра хьшәашәа" аамҭа иазыхынҳәит.

АҞӘА, мшаԥы 23 - Sputnik. Дмитри Медведев Урыстәылеи Америкеи реизыҟазаашьа ахәшьара аҭео иҳәеит акризис ҟазшьа амоуп ҳәа. Абри атәы аанацҳауеит РИА Новости.

Иара игәаанагарала, арҭ рҩызцәа аҭагылазаашьақәа иҵегь еибарххар зылшо аҭагылазаашьақәа, бџьаршьҭыхла аиҿагылараҟынӡа инанагар алшоит.

"Аҳәынҭқаррақәа ҩба рыбжьара аамҭарацәала асеиԥш иҟоу аизыҟазаашьақәа аныҟоу акризис ауп иахьӡу", - ҳәа иҳәеит иара.

Медведев абри аконтекст ала игәалаиршәеит 1962 шықәсазтәи Карибтәи акризис. "Усҟантәи аамҭақәа даҽакала ишыҟазгьы, аҭагылазаашьақәа акыр еиԥшуп", - ҳәа иҳәоит иара.

Иазгәеиҭеит ЕАА адәныҟатә политика Асовет еидгыла асеиԥш аҭак аҟаҵарахь ишагәыҵасуаз.

1950-1960-тәи ашықәсқәа раан ас шакәыз ҿырԥштәыс иҟоуп америкатәи аракетақәа Ҭырқәтәыла, Аладатәи Виетнам, Ливан рықәыргылара.

"Иахьа – уи иаҿырԥштәәны иҟоуп асанкциақәа, НАТО Урыстәыла аҳәаақәа рзааигәахара, "Северный поток 2" аҿагылара, украинатәи азҵаара уҳәа егьырҭгьы. Асеиԥштәи аполитика есыҽны иаабо ауп" ҳәа иҳәеит Медведев.

1

Шоигу урыстәылатәи архәҭақәа рҿы аҽазыҟаҵара агәаҭара шхыркәшоу иҳәеит

2
(ирҿыцуп 11:13 23.04.2021)
Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

АҞӘА, мшаԥы 23 - Sputnik. Урыстәыла атәылахьчара аминистр Сергеи Шоигу Ҟрым имҩаԥысуаз аилацәажәараҿы аҳәамҭа ҟаиҵеит Аладатәии Мраҭашәаратәии арратә округқәа рыруаа разыҟаҵара агәаҭара хыркәшаны мшаԥы 23 рзы аруаа ргыларҭа ҭыԥқәа рахь ишыхынҳәуа. Абри атәы аанацҳауеит РИА Новости.

Шоигу иҳәеит Аладатәии Мраҭашәаратәии арратә округқәа рыруаа разыҟаҵараан рҿаԥхьа иқәгылаз ауснагӡатәқәа зегьы шьахәны инарыгӡеит ҳәа.

"Иахьа (мшаԥы 22 рзы - аред.) аполигон "Опук" аҿы имҩаԥысит Аладатәи арратә округи Аҳаир-десанттә ари реицҽазыҟаҵара ахыркәшаратә етап. Ар қәҿиарала рнапынҵатә комплекс нарыгӡеит Урыстәыла аладатәи аҳәаақәа рыхьчаразы", - иҳәеит иара мшаԥы 22 рзы.

Аминистр иазгәеиҭеит Аҩадаатлантикатә алианс Урыстәыла аҳәаақәа рааигәара активла ахы шымҩаԥнаго.

"Ари арегион аҿы НАТО аруаа активла рхы аадырԥшуа иалагеит. Аԥшыхәратә усқәа мҩаԥыргоит", -  иҳәеит Шоигу.

Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

Иара убас шәаԥхьар ҟалоит:

2
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

1
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

1