Аԥснытәи аномерқәа змоу амашьынақәа рыԥшәмацәа Бишкек амитинг еиҿыркааит

15
Кырӷызсҭан ареидқәа мҩаԥыргоит закәаншьаҭада атәылахь иалагаланы ахархәара зырҭо амашьынақәа раарԥшразы. Урҭ нас ахараԥсатә ргыларҭаҿы идыргылоит.

АҞӘА, хәажәкыра 19 - Sputnik. Бишкек ақалақь агәаны Аԥснытәи аномерқәа змоу амашьынақәа рыԥшәмацәа Бишкек амитинг еиҿыркааит ҳәа аанацҳауеит Sputnik Кырӷызсҭан.

Амашьынақәа зтәу аиҳабыра рахь адҵа ҟарҵоит арҭ автомашьынақәа ашәҟәы рҭагалара азҵаара рыӡбарц. Дара ирҳәоит уаанӡа арҭ амашьынақәа раахәара ҟалом ҳәа аӡәгьы агәҽанҵара шыҟаимҵацыз.

Кырӷызсҭан аҳазалхратә маҵзура уаанӡа адырра ҟанаҵахьан арҭ амашьынақәа уахь инаган ЕАЕС аҵакыраҿы атранспорттә хархәагақәа рыла аамҭала аныҟәараз аԥҟарра еилаганы, аекономикатә еидгыла аҳазалхратә закәанԥҵара иқәныҟәамкәа ҳәа. Амашьынақәа ахараԥсатә ҭыԥ аҿы идыргылоит.

50-ҩык инарзынаԥшуа ауааԥсыра атәыла ахада Садыр Жапаров иахь ааԥхьара ҟарҵеит Кырӷызсҭан иаларгалахьоу амашьынақәа азакәаншьаҭа рыҭатәуп ҳәа.

"Аҳазалхырҭа арҭ амашьынақәа аҳәаа иахрыжьуеит. Акредитқәа аагеит, ҳҭаацәа рыланыҟәаҳгоит. Аханатә арҭ рҩызцәа амашьынақәа ралагалара азин ыҟамзар иҳарҳәандаз. Хышықәса ирықәуп Аԥсны аномерқәа змоу амашьынақәа арахь иааргоижьҭеи. Аус ӡбрак ашәҭароуп", - ҳәа иҳәеит амитинг иалахәыз руаӡәк, Сокумамбет Осмонов.

Дара уажәы Аиҳабыра рыҩнахьы инеирц рыӡбеит. Уоуп иахьыҟоу атәыла ахада Иусбарҭагьы.

15

Адунеи аҿы иаарԥшу COVID-19 ахҭысқәа 140 миллион иреиҳахеит

0
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

0
Атемақәа:
Аҿкычымазара – акоронавирус Аԥсни адунеи аҿи: иалкаау

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3