Урыстәыла ахәаахәҭра аминистрраҿы иазгәарҭеит ЕАА асанкциақәа анырра бзиа шыҟарҵаз

3
(ирҿыцуп 12:23 22.03.2021)
Америкатәи асанкциақәа Вашингтон хәарҭара азалымхит, аха урыстәылатәи анаплакқәа рзы ихәарҭахеит, ҳәа рҳәоит аминистрра апресс-маҵзураҿы.

АҞӘА, хәажәкыра 22 - Sputnik. Америка Урыстәыла аганахьала иаланагалаз асанкциа ҿыцқәа аимпорт аҭыԥантәи аалыҵ ала аԥсахразы ихәарҭоуп, аҭыԥантәи анаплакқәа русуразгьы феидара алоуп, ҳәа рҳәеит Урыстәыла ахәаахәҭра аминистрраҿы. Абри атәы аанацҳауеит РИА Новости.

Вашингтон хәажәкыра 18 инаркны абџьар аекспорт аимпорти ахьыҟамло атәылақәа рсиа Урыстәылагьы аҵанаркит. ЕАА ахәаахәҭратә санкциақәа ирыҵаркуеит амилаҭтә шәарҭадара еиҿызкаауа аекспорт, авиациеи акосмоси ирыҵанакуа ҷыдарақәак рыҿҳәара цәыббра 1 аҟынӡа иацҵоуп. ЕАА ахәаахәҭра аминистрраҟны ишырҳәаз ала, аекспорттә ԥкыра алагалоуп Урыстәыла ахимиатә бџьар ахы ианархәоит ҳәа иҟоу адыррақәеи, Алексеи Навальныи иаанкылара иадҳәалани иалагалоу аԥкрақәеи рҳәаагақәа иҭагӡаны.

"Америкатәи асанкциа ҿыцқәа ҳтехнологиатә ҳақәа ирылыркуеит аимпорт, ус анакәха ҳнаплакқәа русура хра аманы ирныруеит. Аимпорт иахаҳшәаауаз аԥара атәыла аҩныҵҟа иаанхоит, аулафахәы, атехнологиатә ҿиарақәа рызшәара иазырхахоит", - рҳәоит аусбарҭаҿы.

Аминистрра имҩаԥнагоит арадиоелектронтә ааглыхраҿы аимпорт ԥсахраз ауснагӡатәқәа, атәылаҿтәи ааглыхыҩцәа ацхыраара рнаҭоит иманшәалоу аинвистициатә ҭагылазаашьала, аԥаразоужьрала.

"Иахьатәи аамҭазы арадиоелектроника аџьармыкьа ЕАА аҟынтәи атехнологиақәа рымацара рыла акәӡам излашьақәгыло. Егьырҭ атәылақәа рҟынтәгьы аалыҵ ҳауеит", - рҳәоит апресс-маҵзураҿы. Иагьазгәарҭоит, асанкциақәа егьырҭ атәылақәа СССР ақәыӷәӷәаразы имҩаԥыргон, аха лҵшәа рымамызт ҳәа.

Урыстәылатәи анаплакқәа рганахь ала асанкциақәа ралагалара алзмыршо ракәны иҟоуп, урыстәылатәи аҳаирпланқәа рзы авиациааглыхратә наплакқәа рҿы аимпорт иныҭкааны изыԥсахуа апрограммақәа русура.

"98% аҳаирпланқәа урыстәылатәхоит. МС-21 раԥхьатәи аԥырра мҩаԥнагеит урыстәылатәи ахәҭа ПД-14 аманы", - рҳәоит амаҵзураҿы.

Аминистрраҿы иазгәарҭеит асанкциақәа ирыхҟьаны урыстәылатәи аекономика иаиуа ааха рыҭҵаара шымҩаԥырго 2014 шықәса раахыс.

3

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3