Лавров: Евроеидгыла Урыстәылеи иареи реизыҟазаашьақәа бжьнахит

3
(ирҿыцуп 19:11 23.03.2021)
Евроеидгылеи Урыстәылеи реизыҟазаашьа цәгьахеит Алексеи Навальныи ихырҟьаны, Бриуссель асанкциа ҿыцқәа аланагалеит.

АҞӘА, хәажәкыра 23 - Sputnik. Бриуссель Москвеи иареи реизыҟазаашьақәа хнашьааит ҳәа аҳәамҭа ҟаиҵеит Урыстәыла адәныҟатәи аусқәа рминистр Сергеи Лавров китаитәи иколлега Ван И иареи реицәажәара ашьҭахь ҳәа аанацҳауеит РИА Новости.

Убри аан аминистр иазгәеиҭеит Европа ишыҟоу амилаҭтә интересқәа аԥыжәара рызҭо атәылақәа, убри азы Урыстәыла ианыруа.

"Мраҭашәара аҭагылазаашьа аҽеиҭанамкуазар, Мрагылареи ҳареи ҳаизыҟазаашьақәа еиҳа-еиҳа рыҽдырҭбаауеит", - ҳәа иҳәеит иара.

Лавров иҳәеит Москва шазыхио аимадарақәа рышьақәыргылара Евроеидгыла ахымҩаԥгашьа иаҿырԥшны.

Евроеидгылеи Урыстәылеи реизыҟазаашьа цәгьахеит Алексеи Навальныи ихырҟьаны, Бриуссель асанкциа ҿыцқәа аланагалеит. Москва уи хыдароуп ҳәа ишьаны аҭак аҟаҵара иазыхиоуп.

Кремль агәра ганы иҟоуп асанкциақәа рполитика ахықәкы азынамыгӡеит ҳәа.

3

Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит

6
(ирҿыцуп 16:30 13.04.2021)
Урыстәыла адәныҟатәи аусқәа рминистрраҟны уаанӡа аҳәамҭа ҟарҵахьан Урыстәыла жәларбжьаратә аԥарашәаратә система SWIFT альтернатива аус адыруылар шыҟало.

АҞӘА, мшаԥы 13 - Sputnik. Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит. Абри атәы аанацҳауеит РИА Новости Урыстәыла ахада ипресс-маӡаныҟәгаҩ Дмитри Песков иажәақәа шьаҭас иганы.

"Иаахҵәаны иаҳҳәар ҳалшоит Урыстәыла аганахь ала еиуеиԥшым аформақәа рыла аԥкырақәа шымҩаԥырго иакымкәа иҩбамкәа аҳәынҭқаррақәа. Арҭ аԥкырақәа иазыԥхьагәоуҭаша ракәым. Убри азы абри апроцесс аҳәаақәа ирҭагӡаны, зны-зынла ҳганахь ала агәаӷҵәҟьа ахьаадырԥшуа инадҳәаланы иҟаларызеи уҳәартә иҟам", - иҳәеит иара Урыстәыла асанкциақәа ирхырҟьаны Visa, Mastercard ирҿыргар ҟалома ҳәа ирҭаз азҵаара аҭакс.

Уаанӡа Урыстәыла адәныҟатәи аусқәа рминистр Сергеи Лавров аҳәамҭа ҟаиҵахьан Урыстәыла маҷ-маҷ асанкциатә цәшәарақәа еиҵатәлатәлароуп адоллар иашьашәалоу амилаҭтәи альтернативатәи валиутақәа рыла ҳәа.

"Мраҭашәара хылаԥшра знаҭо жәларбжьаратәи аԥарашәаратә системақәа аҽрыцәхьакра рҭахуп", - иҳәеит адипломат адоллар акәымкәа амилаҭтә валиутақәа рахь аиасра шахәҭо азгәаҭо.

Иара убас шәаԥхьар ҟалоит:

6

Индиа урыстәылатәи алаҵа аимпорт мҩаԥнагоит

2
(ирҿыцуп 14:41 13.04.2021)
Нанҳәамзазы Урыстәыла ашәҟәы иҭаргалеит акоронавирустә ҿкы чымазара ҿыц (COVID-19) апрофилактиказы адунеи аҿы ираԥхьаӡатәиу алаҵа. Алаҵа аԥырҵеит Гамалеи ихьӡ зху аепидемиологиеи амикробиологиеи рыҭҵаарадырратә центр аҟны. Алаҵа хьӡыс иарҭеит "Спутник V".

АҞӘА, мшаԥы 13 - Sputnik. Индиа азин ҟанаҵеит афармацевттә еилахәыра Dr. Reddy's Laboratories Ltd. Урыстәылатәи алаҵа "Спутник V" аимпорт мҩаԥнагаларц ҳәа анацҳауеит РИА Новости.

Аилахәыра ари азин аиуит Индиа ахәшәқәа рхылаԥшразы Аусбарҭа хада аҟынтәи.

Алаҵа "Спутник V" аԥҵоуп иҭҵаау, игәаҭоу ауаҩԥсы иаденовирустә вектор аплатформала. Иара аԥыжәара арҭоит ашәарҭадара, хра аманы аҟазаара, акраамҭатәи ахҟьаԥҟьақәа рыҟамзаара.

"Агәахәара ду ҳнаҭоит "Спутник V" Индиа ахархәара аиура ахьалыршахо. Индиа ачымазара акыр аҽарҭбааны иахьыҟоу азы иаҿаԥызҽуаны ишьо алаҵаҟаҵароуп. Ари аус аҭыԥ ақәҵара – ауааԥсыра рлаҵаҟаҵараҿ ҳара ҳлагалагьы аҭыԥ аиуеит", - иҳәеит Dr. Reddy's ацхантәаҩ, адиректор Г. В. Прасад.

Индиа, урыстәылатәи алаҵа адагьы ахы ианархәоит AstraZeneca "оксфордтәи" авариант –Covieshield захьӡу, иара убасгьы аҭыԥантәи алаҵа Covaxin.

Алаҵа "Спутник V" 60 тәыла, зуааԥсыра 1,5 миллиард иҟоу рҟны иазхаҵоуп. Алаҵа ашәарҭадареи хра аманы аҟазаареи 91,6% ишынаӡо атәы шьақәнарӷәӷәоит амедицинатә журнал The Lancet ианыз акьыԥхьымҭаҿы.

Иара убас шәаԥхьар ҟалоит:

2
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа