Гинцбург "Спутник V" ала аревакцинациа ҟалом ҳәа ирҳәо аҿаԥиҽуеит

3
Урыстәыла ашәҟәы иҭагалоуп акоронавирустә инфекциа амч лазырҟәуа алаҵақәа хԥа, алаҵа "КовиВак" иааиуа амчыбжь азы ахархәарахь инашьҭхоит.

АҞӘА, хәажәкыра 24 - Sputnik. "Спутник V" ала аревакцинациа ҟауҵар ҟалоит, уи адагьы, иара еиҳа хра амазаргьы ҟалоит аԥхьатәи алаҵа аасҭа ҳәа иҳәеит Гамалеи ихьӡ зху аепидемиологиеи амикробиологиеи НИЦ адиректор Александр Гинцбург. Абри атәы аанацҳауеит РИА Новости.

Уаанӡа Роспотребнадзор аепидемиолог Наталиа Пшеничнаиа илҳәахьан "Спутник V" ала аиҭалаҵаҟаҵара ҟамлар ҟалап ҳәа. Нас Роспотребнадзор апресс-маҵзура аҳәамҭа ҟанаҵеит "Спутник V" аревакцинациа аӡбахә иашамкәан ишырҳәаз, аха алаҵақәа "ЭпиВакКорона" "КовиВак" реиҭаҟаҵаразы акгьы шаԥырхагам.

"Ҳтәылаҿеиԥш аҳәаанырцәгьы аҭҵаарақәа рылкаақәа ирҳәоит аденовирусқәа ираԥхьанеиуа аиммунитет аиммуннтә ҭак ишаԥырхагам. Уи адагьы ишьақәыргылоуп аденовирустә векторқәа рревакцинациа шалшо аиммуногенра мырӡкәа", - ҳәа иҳәеит Гинцбург, ажурналистцәа дрыҿцәажәо.

"Спутник V" аревакцинациа алшара адагьы еиҳагьы хра аманы иҟалоит аԥхьатәи алаҵа аасҭа иҳәеит Гинцбург.

3
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3