Урыстәыла ашәҟәы иҭаргалеит алаҵа ҿыц "Спутник Лайт"

8
(ирҿыцуп 17:58 29.03.2021)
Алаҵа "Спутник Лайт" ҩ-фазакны иҟоу алаҵа "Спутник V" еиҳа иԥсыҽу авариант ауп, аклиникатә ҭҵаарақәа қәҿиарала ихыркәшахеит хәажәкыра 22 рзы.

АҞӘА, хәажәкыра 29 - Sputnik. Урыстәыла агәабзиарахьчара аминистрра ашәҟәы иҭанагалеит акоронавирустә инфекциаҟынтә алаҵа ҿыц "Спутник Лайт", Н.Ф. Гамалеи ихьӡ зху аепидемиологиеи амикробиологиеи рмилаҭтә ҭҵааратә центр аҿы аус зыдулаз ҳәа аанацҳауеит РИА Новости.

Алаҵа хәажәкыра 29 рзы ахәшәқәа рсиа иаларҵеит.

"Хара имгакәа Урыстәыла агәабзиарахьчара аминистрра аексперттә еиҿкаара иара ахаҭабзиара аекспертиза ахнагараны иҟоуп. Уи ашьҭахь иахәҭаны ишьахо аӡбра рыдыркылоит", - иҳәоит Урыстәыла агәабзиарахьчара аминистр ихаҭыԥуаҩ Алексеи Кузнецов.

Аинвистициақәа урыстәылатәи Рфонд ахада Кирилл Дмитриев иҳәеит "Спутник Лайт" аиҳарак анҭыҵтәи аџьармыкьақәа ишырзырхо, аиҳарак аепидемиатә уадаҩрақәа ахьыҟоу. Урыстәыла аҩныҵҟа ахархәара аҭоуп ҩ-хкыктәи "Спутник V".

Гамалеи ицентр адиректор Александр Гинцбург иҳәоит "лайт-версиа" аҳәаанырцә атәылақәа рҿы ахархәара ачымазара акыр ихнаҽуеит ҳәа.

Гинцбург иазгәеиҭеит "Спутник V" авариант еиҳа ахәԥса шеиҵоу, аҭыжьреи ахархәареи еиҳа ишымариоу. Ари алаҵа аверсиа аҿҳәара еиҳа еиҵоуп, еиҳагьы хра маҷны иамоуп аха аепидемиа аамҭақәа раан ахархәара аҭбаарала еиҳа иманшәалоуп.

"Спутник Лайт" ала алаҵаҟаҵара ашьҭахь аиммунитет 4-5 мзы цәшәара амам, ашәарҭадарагьы 85% иҟоуп. Асхема лаҵак ауп иазыԥхьагәанаҭо. Убри аан алаҵа ззыҟаҵоу коронавирус ихьыргьы ичымазара изшәарҭахаӡом избанзар авирус ирыԥҳақәа рахь илбааӡом.

Иара убас шәаԥхьар ҟалоит:

8
Атемақәа:
Аҿкычымазара – акоронавирус Аԥсни адунеи аҿи: иалкаау (1166)

Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит

6
(ирҿыцуп 16:30 13.04.2021)
Урыстәыла адәныҟатәи аусқәа рминистрраҟны уаанӡа аҳәамҭа ҟарҵахьан Урыстәыла жәларбжьаратә аԥарашәаратә система SWIFT альтернатива аус адыруылар шыҟало.

АҞӘА, мшаԥы 13 - Sputnik. Кремль Урыстәыла асанкциақәа ирхырҟьаны Visa, Mastercard ирҿыргар ҟалоит ҳәа рҳәеит. Абри атәы аанацҳауеит РИА Новости Урыстәыла ахада ипресс-маӡаныҟәгаҩ Дмитри Песков иажәақәа шьаҭас иганы.

"Иаахҵәаны иаҳҳәар ҳалшоит Урыстәыла аганахь ала еиуеиԥшым аформақәа рыла аԥкырақәа шымҩаԥырго иакымкәа иҩбамкәа аҳәынҭқаррақәа. Арҭ аԥкырақәа иазыԥхьагәоуҭаша ракәым. Убри азы абри апроцесс аҳәаақәа ирҭагӡаны, зны-зынла ҳганахь ала агәаӷҵәҟьа ахьаадырԥшуа инадҳәаланы иҟаларызеи уҳәартә иҟам", - иҳәеит иара Урыстәыла асанкциақәа ирхырҟьаны Visa, Mastercard ирҿыргар ҟалома ҳәа ирҭаз азҵаара аҭакс.

Уаанӡа Урыстәыла адәныҟатәи аусқәа рминистр Сергеи Лавров аҳәамҭа ҟаиҵахьан Урыстәыла маҷ-маҷ асанкциатә цәшәарақәа еиҵатәлатәлароуп адоллар иашьашәалоу амилаҭтәи альтернативатәи валиутақәа рыла ҳәа.

"Мраҭашәара хылаԥшра знаҭо жәларбжьаратәи аԥарашәаратә системақәа аҽрыцәхьакра рҭахуп", - иҳәеит адипломат адоллар акәымкәа амилаҭтә валиутақәа рахь аиасра шахәҭо азгәаҭо.

Иара убас шәаԥхьар ҟалоит:

6

Индиа урыстәылатәи алаҵа аимпорт мҩаԥнагоит

2
(ирҿыцуп 14:41 13.04.2021)
Нанҳәамзазы Урыстәыла ашәҟәы иҭаргалеит акоронавирустә ҿкы чымазара ҿыц (COVID-19) апрофилактиказы адунеи аҿы ираԥхьаӡатәиу алаҵа. Алаҵа аԥырҵеит Гамалеи ихьӡ зху аепидемиологиеи амикробиологиеи рыҭҵаарадырратә центр аҟны. Алаҵа хьӡыс иарҭеит "Спутник V".

АҞӘА, мшаԥы 13 - Sputnik. Индиа азин ҟанаҵеит афармацевттә еилахәыра Dr. Reddy's Laboratories Ltd. Урыстәылатәи алаҵа "Спутник V" аимпорт мҩаԥнагаларц ҳәа анацҳауеит РИА Новости.

Аилахәыра ари азин аиуит Индиа ахәшәқәа рхылаԥшразы Аусбарҭа хада аҟынтәи.

Алаҵа "Спутник V" аԥҵоуп иҭҵаау, игәаҭоу ауаҩԥсы иаденовирустә вектор аплатформала. Иара аԥыжәара арҭоит ашәарҭадара, хра аманы аҟазаара, акраамҭатәи ахҟьаԥҟьақәа рыҟамзаара.

"Агәахәара ду ҳнаҭоит "Спутник V" Индиа ахархәара аиура ахьалыршахо. Индиа ачымазара акыр аҽарҭбааны иахьыҟоу азы иаҿаԥызҽуаны ишьо алаҵаҟаҵароуп. Ари аус аҭыԥ ақәҵара – ауааԥсыра рлаҵаҟаҵараҿ ҳара ҳлагалагьы аҭыԥ аиуеит", - иҳәеит Dr. Reddy's ацхантәаҩ, адиректор Г. В. Прасад.

Индиа, урыстәылатәи алаҵа адагьы ахы ианархәоит AstraZeneca "оксфордтәи" авариант –Covieshield захьӡу, иара убасгьы аҭыԥантәи алаҵа Covaxin.

Алаҵа "Спутник V" 60 тәыла, зуааԥсыра 1,5 миллиард иҟоу рҟны иазхаҵоуп. Алаҵа ашәарҭадареи хра аманы аҟазаареи 91,6% ишынаӡо атәы шьақәнарӷәӷәоит амедицинатә журнал The Lancet ианыз акьыԥхьымҭаҿы.

Иара убас шәаԥхьар ҟалоит:

2
Атемақәа:
Аҿкычымазара – акоронавирус Аԥсни адунеи аҿи: иалкаау (1166)

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара