Урыстәыла аԥарашәаратә система SWIFT альтернатива цәырҵыр ҟалоит

3
(ирҿыцуп 12:23 05.04.2021)
SWIFT – жәларбжьаратәи банкбжьаратә системоуп аԥарашәареи аинформациа анашьҭреи рзы. Иара иаднакылоит 200 тәыла рҟны 11 нызқь еиҿкаара ду.

АҞӘА, мшаԥы 5 - Sputnik. Урыстәыла аԥарашәаратә система SWIFT альтернатива цәырҵыр ҟалоит ҳәа иҳәеит Урыстәыла адәныҟатәи аусқәа рминистр ихаҭыԥуаҩ Александр Панкин РИА Новости аинтервиу аҭо.

"Ацифратә валиутақәеи блокчеинқәеи рыҿиара ццакы уахәаԥшуазар, еилукаауеит жәларбжьаратә ԥарашәарақәа рзы иҿыцӡоу атехнологиатә шьаҭа змоу абаза аҟалара шалшо", - иҳәеит иара.

Аминистр ихаҭыԥуаҩ иажәақәа рыла альтернативтә SWIFT-системақәа рцәырҵра иҟоу агеополитикатә ҭагылазаашьа мацаракәым изҿырԥшу, уи ҭакны иҟоуп аԥарашәаратә методқәа рырҿыцра ԥсыхәа амамкәа аҟалара иахьаҿу азы.

Аекономист, апрофессор Игор Вариаш иазгәеиҭеит ҳаамҭазтәи адунеи аҟны жәларбжьаратәи ԥаратәԥхьаӡарақәа раԥҵаразы асервер ҷыдақәа аҭахуп. Урыстәыла ари аус ахыркәшамҭахь инаргоит. Иара иазгәеиҭеит асеиԥш иҟоу асерверқәа Европа, Китаи раԥҵара ишаҿу, аинтерес рыманы ишыҟоу Иран, Индиа.

2020 шықәса анҵәамҭазы амаҵзура Reuters адырра ҟанаҵеит ЕАА ахада ҿыц Џьо Баиден Иусбарҭа Урыстәыла аганахь ала асанкциа ҿыцқәа ралагалара азҵаарақәа ирылацәажәоит. Урыстәыла америкатәи аҳәынҭқарратә усбарҭақәа рганахь ала акибержәыларақәа мҩаԥнагоит ҳәа иҟоу агәаанагаразы ҳәа. Еиҳа анырра ҟазҵо усмҩаԥгатәны иазгәарҭеит SWIFT аҿыгара.

Ашәарҭадаратә хеилак ахантәаҩ ихаҭыԥуаҩ Дмитри Медведев иҳәеит усеиԥш ҟалар шалшо, аха Урыстәыла убри аан иҟанаҵаша аплан шамоу.

3
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

6
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

6

Адунеизегьтәи атуристтә еиҿкаара: аусхк арекордтә кризис иҭагылоуп

5
(ирҿыцуп 11:26 22.07.2021)
Аекспертцәа ргәаанагарала адунеитә туризм апандемиа инадҳәаланы иаиуз ацәыӡқәа рышьҭахь иамаз аҩаӡара 2023 шықәсанӡа иазышьақәнамыргылар ҟалоит.

АҞӘА, ԥхынгәы 22 - Sputnik. Сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны ҳәа аанацҳауеит Адунеизегьтәи атуристтә еиҿкаара (UNWTO).

"Атуризм аҭоурых аҿы иреиҳау акризис ҩышықәсоуп имҩаԥысуеижьҭеи. UNWTO адыррақәа рыла, сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны (65% 2020 шықәса иаҿырԥшны)", - ҳәа аҳәоит Адунеизегьтәи атуристтә еиҿкаара.

COVID-19 аштамм ҿыцқәа рцәырҵра иалнаршоит аҩнуҵҟатә туризм ахь еиҳа иласны ахынҳәра жәларбжьаратәи аныҟәарақәа раасҭа ҳәа рҳәоит аиҿкаараҿы.

Сынтәа раԥхьатәи хәымз рзы адунеи аҿы ашәҟәы иҭагалан 147 миллион рыла еиҵаны жәларбжьаратә ныҟәарақәа 2020 шықәса иаҿырԥшны, 460 миллион 2019 шықәса иаҿырԥшны. Аԥкрақәа андырԥшқа, лаҵарамзазы уи маҷк еиҳахеит.

UNWTO 2020 шықәса аҭоурых аҿы иреицәоу шықәсны иазгәанаҭеит. 2019 шықәса иаҿырԥшны ҵыԥх миллиард ныҟәара рыла еиҳа еиҵахеит.

Убри аан Аԥсны атуризм аминистр ишиҳәо ала, сынтәа 30 шықәсатәи арекорд шьақәыргылоуп.

Иара убас шәаԥхьар ҟалоит:

5

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау