ВОЗ ишьақәнырӷәӷәеит ауаҩы иҟынтәи аԥстәқәа рахь COVID-19 ииасыр шауа

4
(ирҿыцуп 11:49 06.04.2021)
Ауаҩы иҟынтәи аԥстәқәа рахь аиасра ахьауа азы авирус агенетикатә модификациа ахьыр ҟалоит.

АҞӘА, мшаԥы 6 - Sputnik. Агәабзиарахьчараз адунеизегьтә еиҿкаара ишьақәнырӷәӷәеит ауаҩы иҟынтәи аԥстәқәа –ала, ацгәы, алым, абнацгәы уҳәа рахь COVID-19 ииасыр шауа. Убри азы ВОЗ COVID-19 змоу ауаа аҩнатә ԥстәқәа рааигәа инармышьҭларц абжьгара ҟанаҵоит, абри атәы лҳәеит Урыстәыла иҟоу ВОЗ ахаҭарнак Мелита Вуинович РИА Новости аинтервиу аҭо.

"Иахьазы абжьгара ҟаҳҵоит COVID-19 зыхьуа ауаа аԥстәқәа ирынмырларц. Авирус COVID-19 аиҳарак ауаҩ иҟынтәи ауаҩ иахь ииасуеит, аха иҟоуп ахҭысқәа ауаҩы-аԥстәы аканал ала ианиасуагьы", - лҳәоит Вуинович.

Лара иазгәалҭеит ауаҩ чымазаҩ инырыз аԥстәқәа – ала, ацгәы, алым, абнацгәы COVID-19 шрыдбалаз.

ВОЗ аҵарауаа иҭырҵаауеит авирус егьырҭ аԥстәқәа ишырныруа. ВОЗ агәҽанҵара ҟанаҵоит авирус аиҭакрақәа рышьклаԥшразы, аԥстәы аҟынтәи ауаҩы иахь аиасра алшара аилкааразы.

COVID-19 змоу рыҩнтәы ԥстәқәа ирхылаԥшуа дара рыда уаҩ дыҟамзар, агигиенатә уснагӡатәқәа ишахәҭоу ирықәныҟәаларц рабжьгоуп.

Урыстәыла аԥстәқәа рзы COVID-19 аҟынтә адунеи аҿы раԥхьатәи алаҵа ҟарҵеит, иара массала аҭыжьра иалагоит мшаԥымза инаркны. Алаҵа "Карнивак-Ков" аус адырулеит "Аԥстәқәа ргәабзиара ахьчаразы Афедералтә центр" аҿы. Ари иахьа адунеи аҿы аԥстәқәа рзы COVID-19 хызҽуа раԥхьатәи лаҵоуп.

4
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3