Еврокомиссиа уаанӡатәи ахада урыстәылатәи алаҵа "Спутник V" аанахәарц ааԥхьара ҟаиҵеит

7
(ирҿыцуп 16:47 15.04.2021)
Урыстәылатәи алаҵа хәажәкырамза инаркны ахәшәқәа рзы Европатәи амаҵзураҿы (ЕМА) агәаҭарақәа ирыхрыжьуеит.

АҞӘА, мшаԥы 8 - Sputnik. Евроеидгыла урыстәылатәи алаҵа "Спутник V" агәаҭара ианахыслак ашьҭахь иаахәазар ахәҭоуп ҳәа австриатәи ателеканал ORF аефир аҿы аҳәамҭа ҟаиҵеит Еврокомиссиа уаанӡатәи ахада Жан-Клод Иункер. Абри атәы аанацҳауеит РИА Новости.

"ЕМА "Спутник V" ныҭкааны ианыҭнаҵаалак ашьҭахь ари алаҵа аахәара ахәҭаны избоит. Авирус ҳәаа еилнахӡом. Алаҵа ахьыҭрыжьызи аус ахьадуылази акгьы аанагом хра аманы иҟазар", - иҳәеит Иункер.

Еврокомиссиа уаанӡатәи ахада иазгәеиҭеит "COVID-19 - хәмаргам" ҳәа, иагьиҳәеит алаҵа Урыстәыла иахьыҭрыжьуазы мап ацәкра иашам ҳәа.

Урыстәылатәи алаҵа "Спутник V" хәажәкырамза 4 инаркны алаҵақәа европатәи аџьармыкьаҿ рхархәара азин ҟазҵо ахәшәқәа рзы Европатәи амаҵзураҿы (ЕМА) агәаҭарақәа ирыхрыжьуеит. ЕМА иазгәарҭеит "Спутника V" аҭҵаара – ари алаҵақәа зегьы рзы имҩаԥырго процедуроуп ҳәа. АИХқәа рдыррақәа рыла уадаҩрак ҟамлар урыстәылатәи алаҵа ахархәаразы ақәшаҳаҭра лаҵарамзазы имҩаԥгахар ҟалоит.

Алаҵа "Спутник V" 60 тәыла, зуааԥсыра 1,5 миллиард иҟоу рҟны иазхаҵоуп. Алаҵа ашәарҭадареи хра аманы аҟазаареи 91,6% ишынаӡо атәы шьақәнарӷәӷәоит амедицинатә журнал The Lancet ианыз акьыԥхьымҭаҿы.

7
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Адунеи аҿы иаарԥшу COVID-19 ахҭысқәа 140 миллион иреиҳахеит

2
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит

3
(ирҿыцуп 15:23 17.04.2021)
Акомандатә турнирқәа мҩаԥысуеит ҩышықәса рахьынтә знык. Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

АҞӘА, мшаԥы 17 - Sputnik.Аҵаақәшьқьрааразы акомандатә адунеи ачемпонат аҟны Урыстәыла раԥхьаӡакәны аиааира агеит. Абри атәы аанацҳауеит РИА Новости Спорт.

ЕАА еизгоу ркоманда ириааит урыстәылатәи аспортсменцәа. Акомандаҿы иқәгылон Анна Шьербакова, Елизавета Туктамышева, Михаил Колиад, Евгени Семененко, гәыԥла иқәгылон Анастасиа Мишина – Александр Галлиамов, Викториа Синицина – Никита Кацалапов.

Урыстәылатәи аҵаақәшьқьрааҩцәа ҩынтә араӡны медалқәа иаԥсахахьан, знык- аџьаз.

World Team Trophy аԥхьахәтә фонд иартәоит миллион доллар. Урыстәылатәи еизгоу акоманда, атурнир иахьаиааиз азы иранашьахоит 200 нызқь доллар.

3
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0