Урыстәыла Ҭырқәтәылаҟа ачартертә реисқәа ааннакылоит

3
(ирҿыцуп 10:04 13.04.2021)
Иахьатәи аамҭазы Ҭырқәтәыла рыԥсы ршьоит 25-30 нызқьҩык урыстәылаа.

АҞӘА, мшаԥы 13 - Sputnik. Урыстәыла Ҭырқәтәылаҟа ачартертә реисқәа ааннакылоит ари атәылаҿы коронавирус зыхьуа рхыԥхьаӡара ахьыҳараку азы ҳәа аанацҳауеит РИА Новости.

Ари аԥкра мызки бжаки аус аулоит. Макьана еилкаам ари аԥкра иааиԥмырҟьаӡакәа ицо ареисқәа аҵанакуоу иаҵанамкуоу. Атәылаҟынтә атуристцәа рықәгара азҵаара иалацәажәам, макьаназы планла урыстәылаҟа рырхынҳәроуп излацәажәо.

Уаанӡа Урыстәыла Аҳәынҭдума адепутат, РАН академик, Роспотребнадзор уаанӡатәи ахада Геннади Онишьенко ааԥхьара ҟаиҵеит урыстәылаа аԥсшьаразы Ҭырқәтәылаҟа акәымкәа Аԥсныҟа рхы дырхарц.

Аҵыхәтәантәи амчыбжьқәа рзы Ҭырқәтәыла COVID-19-хҭысқәа акыр ирацәахеит. Роспотребнадзор ахада Анна Попова лажәақәа рыла Ҭырқәтәылантә ауп Урыстәылаҟа аиҳарак акоронавирус штаммқәа ахьаланагалаз.

3

Америкатәи АИХқәа Урыстәылеи Америкеи Амшын еиқәаҿы реиҿанагалара асценари иахцәажәеит

4
Асценари авторцәа алкаақәа ҟарҵеит атәылақәа рыҩба рымшынтә армчқәа бџьарла реиҿкаашьа анализ аназыру ашьҭахь.

АҞӘА, лаҵара 11 – Sputnik. Америкатәи ажурнал "The National Interest" аматериалқәа руак аҿы аимак аҭыԥ аиур аԥыжәара згар алшо ҳәа ахцәажәара мҩаԥнагеит. Абир атәы аҩуеит РИА Новости.

Аматериал автор, ажурналист, Пентагон уаанӡатәи аусзуҩ Крис Осборн игәаанагарала Урыстәыла еиҳа иӷәӷәоу ганны иамоуп амшынаҵатә флот.

"Урыстәылатәи амшынаҵатәи аӷбақәа Амшын еиқәаҿы ЕАА арратә ӷбақәа рынеиҭаҵ-ааиҭаҵра акыр иԥыркуеит", - ҳәа иҳәоит иара.

Автор иара убасгьы иҳәоит иаартны аиҿагылара аҭыԥ аиур, Урыстәыла аӷбақәа, зҟынтә авертолиотқәеи аԥырҩы дызҭам аԥрыгақәеи шьҭыԥраар рылшо, рхыԥхьаӡара маҷны иахьрымоу азы еихәлахар алшоит ҳәа.

Аха иҟалар зылшо аимак аилгараз аӷбақәа рыҟазаара аасҭа изхьыԥшуа абџьартә борттә системақәа рхысра ахьалшо, амшынтә дронқәа, аӷбатә радарқәа ахьыҟоу уҳәа роуп ихадараны иҟоу ҳәа иҳәоит ажурналист.

Уаанӡа ЕАА арра-мшынтә мчрақәа радмирал Џьеимс Ставридис иазгәеиҭахьан Урыстәылеи Украинеи реибарххара ҵархар, аиҿагылара раԥхьа иргыланы Амшын еиқәа акваториаҿы акәхоит иахьыҟало ҳәа. Ставридис иҳәеит Москва хымԥада аиааира агоит, избанзар НАТО аӷбақәа арегион ахь анеира иахьӡом ҳәа.

4

Казантәи ахҭысқәа раан иҭахаз рхыԥхьаӡара шьақәыргылоуп

5
(ирҿыцуп 17:39 11.05.2021)
Аҵаратә усҳәарҭаҿы ахысра ҟаиҵеит 19 шықәса зхыҵуаз аколлеџь астудент. Ишьақәыргылоуп иара цәыббрамза аахыс аҵаратә процесс шыбжьаижьуаз, мшаԥымзаахыс зынӡа уахь анеира дшаҟәыҵыз.

АҞӘА, лаҵара 11 - Sputnik. Ҭаҭарсҭан ахада Русҭам Минниханов аҳәамҭа ҟаиҵеит иҭахаз рхыԥхьаӡара жәҩык ыҟоуп ҳәа. Абри атәы аанацҳауеит РИА Новости.

"Аабатәи акласс аҵаҩцәа, ԥшьҩык аҷкәынцәеи хҩык аӡӷабцәеи ҳацәҭахеит. Иҳацәҭахеит арҵаҩы, ашкол аусзуҩ", – ахада иажәақәа еиҭанаҳәоит апресс-маҵзура.

Минниханов иажәақәа рыла, 18-ҩык аҵаҩцәа ахәыҷтәы клиникатә хәышәтәырҭахь инагоуп. Иҟоуп ахәрақәа змоу, аԥҵәарақәа змоу. Аҳақьымцәа урҭ рыԥсҭазааразы ақәԥара иаҿуп.

Ахәышәтәырҭахь инагоуп иара убасгьы ахәрақәа змоу ҩыџьа адуцәа.

Ҭаҭарсҭан ахада ипресс-маҵзура анапхгаҩы уаанӡа аҳәамҭа ҟалҵахьан ааха зауз 200 - 400 нызқьмааҭ рыҭахоит, иҭахаз рҭаацәа миллионк-миллионк рызшәахоит ҳәа.

Лаҵара 11 рзы 19 шықәса зхыҵуаз астудент Казантәи ашкол № 175 ахысра далагеит. Иара даанкылоуп. Абџьар ихьӡала иҭаҩын. Уажәы абри аганахь ала ашьаус хацыркуп. Уаҵәы ареспубликаҿы алахьеиқәҵара иамшны ирылаҳәоуп.

Урыстәыла ахада Владимир Путин Росгвардиа анапхгара адҵа риҭеит абџьар аикәыршаразы аԥҟара дырӷәӷәарц.

5

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

4
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

4
Атемақәа:
Ахра Аҩӡба иаанкылара