Роспотребнадзор Урыстәылаҟа ртәылауаа рыхынҳәра аԥҟарақәа арӷәӷәеит

28
(ирҿыцуп 09:39 15.04.2021)
Аԥҟарақәа аларгалоит аҳәаанырцәынтә иарбанзаалак транспортхкала ихынҳәуа урыстәылаа зегьы рзы. Уаанӡа атестқәа азҭараны иҟаз аҳаирплан ала ихынҳәуаз заҵәык ракәын.

АҞӘА, мшаԥы 15 - Sputnik. Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп ҳәа аанацҳауеит Роспотребнадзор апресс-маҵзура.

Аԥҟарақәа аларгалоит аҳәаанырцәынтә иарбанзаалак атранспортхкала ихынҳәуа урыстәылаа зегьы рзы. Уаанӡа атестқәа азҭараны иҟаз аҳаирплан ала ихынҳәуаз заҵәык ракәын.

Атест аҭак аҳәынҭқарратә маҵзурақәа иаку рпортал аҿы икьыԥхьтәуп.

Уи адагьы Урыстәылаҟа ихынҳәуа ауаа иандәықәло атәыла иалало ахаҿы ианкета хадырҭәаароуп, нас урҭ  аформақәа аҳәынҭқарратәии амуниципалтәии маҵзурақәа Иаку рпортал аҿы иркьыԥхьыр ауп аҳәаа ахысраан аушьҭырҭатә ҭыԥқәа рҿы асанитар-карантинтә гәаҭара иазырхиазарц.

Апандемиа иалагазар акоронавирус Урыстәыла ирыдбалоуп 4 666 209 уаҩԥсы. Иԥсыз рхыԥхьаӡара 104 000 инаӡоит, ргәабзиара шьақәгылеит 4 291 223 пациент.

ВОЗ адыррақәа рыла, адунеи аҿы 136,2 миллионҩык ачымазара рыхьхьеит, Џьонс Хопкинс ихьӡ зху ауниверситет адыррақәа рыла, уи ахыԥхьаӡара 137,4 миллион иахысхьеит, х-миллионҩык рҟынӡагьы реиқәырхара залымшеит.

Иара убас шәаԥхьар ҟалоит:

28

WhatsApp афункциа ҿыц аусура иалагоит

5
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

5

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

9
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

9

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

1
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

1