"Урыстәыла аԥхьагылацәа": аҳәаанырцәуаа рзы алшарақәа

3
(ирҿыцуп 10:32 15.04.2021)
"Урыстәыла – алшарақәа ртәыла" акыршықәса ҵуеит имҩаԥнагоижьҭеи аицлабра "Урыстәыла аԥхьагылацәа". Мшаԥы 14 рзы аиҿкааҩцәа алаҳәара ҟарҵеит ахырхарҭа ҿыц – атрек "Жәларбжьаратәи" шаадыртуа азы.

Данара Курманова, Sputnik

Ари ахырхарҭа ҿыц иалахәхар рылшоит 55 шықәсанӡа зхыҵуа аҳәаанырцәуаа. Амаҵзура Sputnik аицлабра алахәхаразы аҭагылазаашьақәа ирылацәажәоит.

Ихадароу абаҩхатәра ҷыдоуп

Апроект ахықәкы хада иара ахьӡ ианыԥшуеит. Урыстәыла алшарақәа узҭо тәыланы иҟалароуп, ахатә тәылауаа рзы мацара акәымкәа аҳәаанырцәуаа рзгьы. Абри азы агәра ганы дыҟоуп Урыстәыла ахада Иусбарҭа анапхгаҩы ихаҭыԥуаҩ Сергеи Кириенко.

"2018 шықәса рзы Урыстәыла ахада Владимир Путин аҳәамҭа ҟаиҵеит Урыстәылазы аҵак ду аманы ишыҟоу ауаа ирылоу аҟыбаҩ аарԥшразы алшара аҟаҵара. Заҟа заа ауаҩы уи илшо, убриаҟара еиӷьуп", - иҳәеит Кириенко атрек "Жәларбжьаратәи" аӡыргараан.

Кириенко иажәақәа рыла, аицлабра "Урыстәыла аԥхьагылацәа" ииашаны ауаа рымҩа аԥшаараҿы ирыцхраауеит. Апроект мҩаԥысуеижьҭеи иара алахәхаразы арзаҳалқәа нарышьҭхьеит 5 миллионҩык ауаа. Сынтәа еиҳагьы ауаа рацәахоит МИА "Россия сегодня" аусзуҩ, амаҵзура Baltnews ашеф-редактор ихаҭыԥуаҩ Алина Герлина лыбзоурала ҳәа иҳәоит Сергеи Кириенко.

Хәажәкыра 26 рзы Алина Герлиниа ауснагӡатә аҳәаақәа ирҭагӡаны иалахәыз Владимир Путин ажәадгала изыҟалҵеит аицлабра "Урыстәыла аԥхьагылацәа" иалагалазарц аҟыбаҩ бзиа змоу аҳәаанырцәуаа рзы ахырхарҭа ҿыц. Ахада ари аԥшьгамҭа иашоуп ҳәа ахиҳәааит.

"Алина Герлиниа прибалтикатәуп, - аҭагылазаашьа ахҳәаа ҟаиҵоит Сергеи Кириенко. – Лара иаартны илҳәеит ҳаицлабра аҳәаанырцәуаагьы алахәхара шырҭаху. Ҳара уажәы уи азы асоцҭҵаара мҩаԥаагоит, иара аихшьаалақәа рыла  ҳзазҵааз аҳәаанырцәуаа рҟынтәи 93% ирҭахуп Урыстәыла аанхареи аусуреи. 80% иазырыԥхьаӡоит аицлабра ахаарԥшраз ихәарҭоуп ҳәа".

Алина Герлиниа лгәаанагарала зегьы ирылшом иҟоу абиурократиатә ԥынгылақәа риааира.

"Урыстәыла аҟыбаҩ злоу ауаа аҭахуп. Аицлабра "Урыстәыла аԥхьагылацәа" абри аус аҿы ицхыраагӡа дууп", - лҳәоит лара.

ВНЖ ма атәылауаҩра бонуск аҳасаб ала

Аицлабра жәларбжьаратәи ахырхарҭа алахәхаразы аҭахрақәа ыҟоуп: аҳәаанырцәуаҩ 55 шықәса деиҳамзароуп, анапхгаратә ԥышәа имазароуп. Атрек афиналистцәеи аиааиҩцәеи рзы ԥхьахәны иҟоуп: аҵаратә грант ҳәа миллион мааҭ, урыстәылатәи абизнес аԥхьагылаҩык аус ицура, анапхгаратә резерв акадрқәа рылахәра.

Уи адагьы афинал ахь инеиуа зегьы анхараз азин роуеит, аиааиҩцәа  – Урыстәыла атәылауаҩра.

Ари аҩыза апрактика хәарҭоуп аҳәаанырцәуаа реиԥш Урыстәыла азгьы ҳәа ишьоит АНО "Урыстәыла – алшарақәа ртәыла" адиректор хада Алексеи Комиссаров.

Алахәылараз арзаҳал назышьҭуа аԥхьатәи ахәба тәыла рахь иаҵанакуеит: Украина, Беларусь, Ҟазахсҭан, Узбекисҭан, Латвиа.

Аурысқәа рцәымӷра афобиақәа уаҳа аус руӡом

1990-тәи ашықәсқәа раан асовет тәыла аҵакыраҟынтә адырра змаз рыдрыԥхьалон Америка инаркны Аладатәи Кореианӡа. Иахьа аҭагылазаашьа еиҭактәуп ҳәа лҳәоит ателеканал RT, жәларбжьаратәи аинформациатә маҵзура "Россия сегодня", аинформациатә маҵзура Sputnik рредактор хада Маргарита Симониан.

"Урыстәыла иреиӷьқәаз ауаа ацәыргон. Иааит аамҭа ҳаргьы ауаа ҳадҳаԥхьалаларц. Ателеканал RT аханатәгьы аҳәаанырцәуаа аус рыцнауеит. Усҟангьы ирацәаҩын ҳара ҳахь аара зҭахыз", - лҳәоит лара.

Аицлабра ахьӡ иаанарԥшуеит Урыстәыла иаԥхьагылаҩцәахар шрылшо аҳәаанырцәуаагьы. Абри атәы дазааҭгылеит жәларбжьаратә акультуратә усеицуразы Урыстәыла ахада ихаҭарнак ҷыда Михаил Швыдкои.

"Урыстәыла – иаарту тәылоуп. Апроектгьы уи ҿаҿаӡа иаанарԥшуеит. Ауаа атәым ҳәынҭқарраҿ инхоит, дара даҽа милаҭк иахаҭарнакцәоуп, аха абызшәа рдыруеит, иоурысқәаны рхы рбоит – абри ауп аурыс дунеи", - иҳәоит иара.

3

WhatsApp афункциа ҿыц аусура иалагоит

3
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

3

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

9
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

9

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

0
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

0