Афранцызцәа Урыстәыла ЕАА аасҭа еиӷьу дгылаҩуп ҳәа ирыԥхьаӡоит

2
(ирҿыцуп 12:13 16.04.2021)
Франциатәи агазеҭ Le Figaro акьыԥхьымҭақәа рыхҳәааҿы аԥхьаҩцәа ЕАА Амшын еиқәаҿы имҩаԥнаго аҽазыҟаҵарақәа агәеибакра аадырԥшуеит.

АҞӘА, мшаԥы 16 - Sputnik. Франциатәи агазеҭ Le Figaro аԥхьаҩцәа ЕАА ахада Џьо Баидани Германиа аканцлер Ангела Меркели рганахь ала акритика ҟаҵо иқәгылеит, урҭ Урыстәыла Украина ааигәара арратә ҟазаара мҩаԥнагоит ҳәа ахарадҵара иҟарҵо азы. Абри атәы аанацҳауеит РИА Новости.

Акомментари ҟазҵоз руаӡәк Вашингтон Донбасс акәша-мыкәша ацәажәарала Урыстәыла апровокациа азыҟанаҵоит, апроект "Северный поток — 2" анагӡара алмыршаразы ҳәа.

"Урыстәыла ҳара иҳаӷам… Америкаа ракәымкәа урыстәыла анысҩызцәоу еҳа шәарҭара сымам", - ҳәа иҳәоит хархәаҩык.

Аҽа ԥхьаҩык ажәадгала ҟаиҵеит Урыстәыла "Ла-Манш, ма Ниу-Иорк, Лос-Анджелес, Флорида рҿы аҽазыҟаҵарақәа" мҩаԥнагаларц.

"Макрони Баидени Амшын еиқәаҿы аҽазыҟаҵарақәа рымҩаԥгара ада ҟәышрак рзыҟаҵом", - ҳәа иҩуеит иара.

Аҽа комментаторк иазгәеиҭоит Урыстәыла ахатә ҵакыраҿы ар иахьаҭаху иаргылар алшоит ҳәа.

"Урыстәылатәи ар Урыстәыла аҵакыраҿы иахьырҭаху идыргылоит", - ҳәа иҳәоит уи.

Уаанӡа ЕАА аҳәамҭа ҟарҵахьан Урыстәыла ар Ҟрыми Украина аҳәаа ааигәареи инагоуп ари агрессиоуп ҳәа.

Урыстәыла ахада ипресс-маӡаныҟәгаҩ Дмитри Песков аҳәамҭа ҟаиҵеит Урыстәыла ар иара аҵакыраҿы иахьырҭаху инаргоит ҳәа.

2
Обмен военнопленными между ДНР, ЛНР и Украиной в Донецкой области

ЛЖәР атәыла-хәдықәҵацәа рахь ааԥхьара ҟанаҵоит аиқәшаҳаҭрақәа реилагара аныӡба арҭаларц

7
Украина аиҳабыра 2014 шықәса лаҵарамзазы ахьыԥшымра рылазҳәаз Донецктәи Жәлар рреспубликеи Лугансктәи Жәлар рреспубликеи рганахьала арратә операциа хацдыркит. ЕАР аҵыхәтәантәи адыррақәа рыла аимак иалаӡхьеит 13 000-ҩык инареиҳаны ауааԥсыра.

АҞӘА, лаҵара 7 – Sputnik. Лугансктәи Жәлар рреспублика ахада Леонид Пасечник атәыла-хәдықәҵацәа рахь ааԥхьара ҟаиҵоит Минсктәи аиқәшаҳаҭрақәа реилагара иақәыӡбарц арҭаларц ҳәа аанацҳауеит РИА Новости.

"Агәра ганы сыҟоуп Берлини Парижи Киев иарааԥсеит ҳәа", - иҳәеит Пасечник иинтервиу аҿы. Иара иҳәеит Киев Минсктәи аиқәшаҳаҭрақәа реиҭахҩылаара аҽшазнашәо рымбошәа ҟарҵоит ҳәа.

"Аибашьра аинырратә цәаҳәахьы атехника хьанҭа Киев ишынанашьҭуазы ОБСЕ СММ рхаҭарнакцәа разгәаҭара иарбанзаалак хҳәаак арҭо смаҳаит. Убри аан ацәажәарақәа рацәан Воронежҟа аурыс танкқәа наган ҳәа. Иџьоушьаша акоуп", - ҳәа иҳәоит Пасечник.

Иара иажәақәа рыла, асеиԥш ахымҩаԥгашьа аимак аӡбареи аиқәшаҳаҭрақәа рыхәдықәҵареи рзы хәарҭара алам.

"Убри аан "нормандиатәи аԥшьба" аус ауеит. Ҳгәыӷуеит ахшыҩ аԥыжәара агап ҳәа. Иаҳҭахын атәыла-хәдықәҵацәа еиҳа қәыӷәӷәарақәак мҩаԥыргалар Минсктәи аиқәшаҳаҭрақәа ирызхьамԥшуа, еилазго аган ахь ала", - ҳәа иҳәеит иара.

Пасечник иазгәеиҭеит ЛЖәР шазыхиоу аиқәшаҳаҭрақәа иныҭкааны рықәныҟәара.

Минсктәи аинырратә гәыԥ 2014 шықәса раахыс х-документк рыдыркылахьеит – аимак адеескалациазы. Аха аинышәаразы аиқәшаҳаҭрақәа рышьҭахьгьы ари аҭыԥ аҿы ахысбыжьқәа шгац игоит.

Иара убас шәаԥхьар ҟалоит:

7

Урыстәыла алаҵа "Спутник Лайт" ашәҟәы иҭаргалеит

3
(ирҿыцуп 00:16 07.05.2021)
Ихәҭазаҵәу алаҵа 79,4 процент хра амоуп аиммунитет аиура ашьҭахь 28 мш рнаҩс.Ихәҭазаҵәу алаҵа 79,4 процент хра амоуп аиммунитет аиура ашьҭахь 28 мш рнаҩс.

АҞӘА, лаҵара 6 – Sputnik. Урыстәыла алаҵа "Спутник Лайт" ашәҟәы иҭаргалеит ҳәа аанацҳауеит Урыстәылатәи аинвестициақәа рфонд.

Алаҵа аус адызулоз ишырҳәо ала, лаҵак азхоит аиммунтә ҭак ӷәӷәа аиуразы.

"80% процент иахысуеит хра амазаара", - ҳәа рҳәоит афонд аҿы.

РФПИ иазгәанаҭеит алаҵа хра амоуп ҳәа шышьақәыргылоу 2020 шықәса ԥхынҷкәын 5 инаркны 2021 шықәса мшаԥы 15 рҟынӡа "Спутник" адозак зауз урыстәылаа рырбагақәа рыла.

Алаҵа "Спутник Лайт" — алаҵа "Спутник V" актәи ахәҭоуп — ауаҩытәыҩса ирекомбинанттә аденовирустә вектор 26-тәи асеротип (rAd26) ауп.

Алаҵа ашәарҭадареи аиммунҟаҵареи рыҭҵаарақәа актәии аҩбатәии афазақәа ирылагеит 2021 шықәса ажьырныҳәамзазы. Абжьаратә еихшьаалақәа ҟарҵеит хәажәкыра 10 рзы.

Аҭҵаарақәа иаадырԥшит антиген-спецификатә IgG ацәеижьҿагылақәа 96,9% ишроуз алаҵа аныҟарҵа ашьҭахь 28-тәи амш азы.

Быжьнызқьҩык ауааԥсыра злахәу аклиникатә ҭҵаарақәа ахԥатәи рфаза мҩаԥысуеит Урыстәыла, ОАЕ, Гана уҳәа атәылақәа рҿы. Абжьаратә лкаақәа лаҵарамзазы ирзыԥшуп.

Аԥыза-министр ихаҭыԥуаҩ Татиана Голикова лажәақәа рыла, "лайт"-аверсиа (имариоу, иласу - аред.) "Спутник V" альтернативас иазыҟалоит. Агәабзиарахьчара аминистр Михаил Мурашко иазгәеиҭеит алаҵа аҭаҩра аколлективтә иммунитет арццакуеит ҳәа.

Иара иҳәеит "Спутник Лайт" ачымазара зхызгаз, убри аан ацәеижьҿагылақәа зыцәмаҷхаз ауаа ирзыҟарҵалар шауа.

3
Атемақәа:
Аҿкычымазара – акоронавирус Аԥсни адунеи аҿи: иалкаау

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау