Попова: Урыстәыла аҳәааҿы аепидемиологиатә ҭагылазаашьа ахылаԥшра арӷәӷәеит

9
Роспотребнадзор аԥҟара ҿыцқәа рыла, лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

АҞӘА, мшаԥы 23 - Sputnik. Урыстәыла аҳәаақәа рҿы асанитар-карантинтә хылаԥшра арӷәӷәеит. Ари иалнаршоит атәылахь COVID-19 аиҭакрақәа раламырҵәара ҳәа аҳәамҭа ҟалҵеит Роспотребнадзор аиҳабы Анна Попова. Абри атәы аҩуеит РИА Новости.

Лара иазгәалҭеит Ҭырқәтәылеи Танзаниеи рахь аҳаиртә еимадара аанкылараз аӡбара зрыдыркылаз Урыстәылаҟа аштамм ҿыцқәа раламгалареи раламырҵәареи алыршаразоуп.

Урыстәыла ахада Владимир Путин имҩаԥигаз аилацәажәараҿы Анна Попова еиҭалҳәеит аҳәааҿы асанитар-карантинтә хылаԥшра шырӷәӷәоу, аҳәаанырцәынтә ихынҳәуа рлаборатортә ҭҵаарақәа рхыԥхьаӡара ишацҵоу, иара убасгьы аҳаиртә, амшынтә, автомашьынатә, шьапылатә аушьҭырҭатә ҭыԥқәа зегьы рҿы ахылаԥшра шымҩаԥырго.

"Имҩаԥааго ауснагӡатә комплексқәа иалдыршоит массала зҽеиҭазкыз авирус атәылахь аламгалара. Иахьазы аусурақәа ирылҵшәаны иуҳәар ауеит аепидемиологиатә ҭагылазаашьа ашәарҭара змоу аҿиара амам ҳәа. Аха асеиԥш иҟалоит иахьазтәи аҭахрақәа зегьы рықәныҟәараан", - ҳәа лҳәеит лара.

Мшаԥы 20 рзы Роспотребнадзор аԥҟара ҿыцқәа аланагалеит. Иаланагалаз аԥҟарақәа рыла, лаҵара 1 ашьҭахь аҳәаанырцәынтә ихынҳәуа акоронавирус азы ҩынтә атест арҭароуп. Аҩбатәи атест аҭак аҳәынҭқарратә маҵзурақәа иаку рпортал аҿы икьыԥхьтәуп. Абри азы азинтә информациа аофициалтә портал аҿы икьыԥхьуп Урыстәыла асанитартә ҳақьым хада иқәҵара.

Уаанӡатәи Роспотребнадзор адыррақәа рыла, мшаԥы 15 инаркны Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп, атест аҭак аҳәынҭқарратә маҵзурақәа иаку рпортал аҿы икьыԥхьтәуп ҳәа ҳәан.

Иара убас шәаԥхьар ҟалоит:

9

Америкатәи АИХқәа Урыстәылеи Америкеи Амшын еиқәаҿы реиҿанагалара асценари иахцәажәеит

4
Асценари авторцәа алкаақәа ҟарҵеит атәылақәа рыҩба рымшынтә армчқәа бџьарла реиҿкаашьа анализ аназыру ашьҭахь.

АҞӘА, лаҵара 11 – Sputnik. Америкатәи ажурнал "The National Interest" аматериалқәа руак аҿы аимак аҭыԥ аиур аԥыжәара згар алшо ҳәа ахцәажәара мҩаԥнагеит. Абир атәы аҩуеит РИА Новости.

Аматериал автор, ажурналист, Пентагон уаанӡатәи аусзуҩ Крис Осборн игәаанагарала Урыстәыла еиҳа иӷәӷәоу ганны иамоуп амшынаҵатә флот.

"Урыстәылатәи амшынаҵатәи аӷбақәа Амшын еиқәаҿы ЕАА арратә ӷбақәа рынеиҭаҵ-ааиҭаҵра акыр иԥыркуеит", - ҳәа иҳәоит иара.

Автор иара убасгьы иҳәоит иаартны аиҿагылара аҭыԥ аиур, Урыстәыла аӷбақәа, зҟынтә авертолиотқәеи аԥырҩы дызҭам аԥрыгақәеи шьҭыԥраар рылшо, рхыԥхьаӡара маҷны иахьрымоу азы еихәлахар алшоит ҳәа.

Аха иҟалар зылшо аимак аилгараз аӷбақәа рыҟазаара аасҭа изхьыԥшуа абџьартә борттә системақәа рхысра ахьалшо, амшынтә дронқәа, аӷбатә радарқәа ахьыҟоу уҳәа роуп ихадараны иҟоу ҳәа иҳәоит ажурналист.

Уаанӡа ЕАА арра-мшынтә мчрақәа радмирал Џьеимс Ставридис иазгәеиҭахьан Урыстәылеи Украинеи реибарххара ҵархар, аиҿагылара раԥхьа иргыланы Амшын еиқәа акваториаҿы акәхоит иахьыҟало ҳәа. Ставридис иҳәеит Москва хымԥада аиааира агоит, избанзар НАТО аӷбақәа арегион ахь анеира иахьӡом ҳәа.

4

Казантәи ахҭысқәа раан иҭахаз рхыԥхьаӡара шьақәыргылоуп

5
(ирҿыцуп 17:39 11.05.2021)
Аҵаратә усҳәарҭаҿы ахысра ҟаиҵеит 19 шықәса зхыҵуаз аколлеџь астудент. Ишьақәыргылоуп иара цәыббрамза аахыс аҵаратә процесс шыбжьаижьуаз, мшаԥымзаахыс зынӡа уахь анеира дшаҟәыҵыз.

АҞӘА, лаҵара 11 - Sputnik. Ҭаҭарсҭан ахада Русҭам Минниханов аҳәамҭа ҟаиҵеит иҭахаз рхыԥхьаӡара жәҩык ыҟоуп ҳәа. Абри атәы аанацҳауеит РИА Новости.

"Аабатәи акласс аҵаҩцәа, ԥшьҩык аҷкәынцәеи хҩык аӡӷабцәеи ҳацәҭахеит. Иҳацәҭахеит арҵаҩы, ашкол аусзуҩ", – ахада иажәақәа еиҭанаҳәоит апресс-маҵзура.

Минниханов иажәақәа рыла, 18-ҩык аҵаҩцәа ахәыҷтәы клиникатә хәышәтәырҭахь инагоуп. Иҟоуп ахәрақәа змоу, аԥҵәарақәа змоу. Аҳақьымцәа урҭ рыԥсҭазааразы ақәԥара иаҿуп.

Ахәышәтәырҭахь инагоуп иара убасгьы ахәрақәа змоу ҩыџьа адуцәа.

Ҭаҭарсҭан ахада ипресс-маҵзура анапхгаҩы уаанӡа аҳәамҭа ҟалҵахьан ааха зауз 200 - 400 нызқьмааҭ рыҭахоит, иҭахаз рҭаацәа миллионк-миллионк рызшәахоит ҳәа.

Лаҵара 11 рзы 19 шықәса зхыҵуаз астудент Казантәи ашкол № 175 ахысра далагеит. Иара даанкылоуп. Абџьар ихьӡала иҭаҩын. Уажәы абри аганахь ала ашьаус хацыркуп. Уаҵәы ареспубликаҿы алахьеиқәҵара иамшны ирылаҳәоуп.

Урыстәыла ахада Владимир Путин Росгвардиа анапхгара адҵа риҭеит абџьар аикәыршаразы аԥҟара дырӷәӷәарц.

5

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау