Ахсаалага "Мир" амаҵзура Apple Pay иадырҳәалоит

4
(ирҿыцуп 11:03 26.04.2021)
Амаҵзура Apple Pay 2016 шықәса раахыс урыстәылаа рхы иадырхәоит, аха абарҭ аамҭақәа зегьы ахсаалага "Мир" адҳәаламызт.

АҞӘА, мшаԥы 26 - Sputnik. Аԥарашәаратә система "Мир" ахсаалагақәа ашәаратә маҵзура Apple Pay иадҳәалахар ҟалоит мшаԥымза анҵәамҭазы ҳәа аҩуиет РИА Новости.

Урыстәылатәи абанкқәа рзы ари хымԥадатәины иҟам аха аекспертцәа ргәаанагарала акоммерциатә усбарҭақәа жәпакы  рхы иадырхәашт.

Уаанӡа ахсаалагақәа  асмартфонқә Android  Samsung Pay, Mir Pay рыла ирыдырҳәалон.

Ахсаалагақәа "Мир" ApplePay аҿы рҭаҩра ахсаалагақәа Visa ма MasterCard, излареиԥшым акыҟам ҳәа иҳәоит аелектронтә ԥарақәеи аԥараиагареи рџьармыкьа алахәылацәа р-Ассоциациа аиҳабы Виктор Достов.

Асистема "Мир" 2014-2015 шықәсқәа рзы ицәырҵит, Visa, Mastercard ЕАА асанкциақәа ирыҵаркыз абанкқәа рҿы рхархәара ҟамло ианалага.

Аԥарашәаратә системақәа "АԤРА" "Мир" реинырраз аиқәшаҳаҭра анапы аҵаҩын  2018 шықәсазы. 2019 шықәса раахыс "Мир" Аԥсны ахархәара амоуп, "АԤРА" акәзар Урыстәылеи егьырҭ атәәылақәеи рҿы ухы иауырхәар ҟалоит.

4

WhatsApp афункциа ҿыц аусура иалагоит

1
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

1

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

7
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

7